КОЈА РЕЛИГИЈА Е ВИСТИНСКА?

која е вистинска?

ниту една и секоја!

абе ајде

погледај во себе

Креацијата во нејзината целост, како највисоко и единствено ниво на егзистирање, е апсолутна и неделива реалност. Набљудувано од тоа ниво, сите фрагментации се дело на човечкиот ум кој се обидува да го разбере Ултимативното. Луѓето создаваат разни концептуални модели со надеж дека така ќе го осознаат Единственото и при тоа некои од овие модели се поуспешни… но гледано од апсолутното Креациско ниво сите тие модели се подеднакво скромни.

Мир вам!

За да се вратам на првото прашање со кое е започнато овој пост, тие што сакаат да дознаат која е вистинската религија, ќе изложам основни информации за основните книги на религиите и нивното стојалиште кон Божјите пратеници, со цел сами да пресудите која е вистинската.

Во светот 5-те најголеми религии се: Христијанството, Исламот, Хиндуизмот, Кинеската народна религија и Будизмот.

Религиите кои го прифаќаат Авраам како Божји пратеник спаѓаат во групата на Авраамските религии. Во Авраамските религии влегуваат: Јудаизмот, Христијанството и Исламот. Авраам е истотака познат и како татко на монотеистичките религии (религии кои промовираат верување во еден и единствен Бог, створител на се). Хронолошки ќе ги истакнам трите религии според нивната појава:

Јудаизмот: Припадниците на оваа религија ја прифаќаат Еврејската Библија како божји збор. Таа во Христијанството е познато како Стар Завет (без девтероканонските книги). Освен пишаниот Божји збор кој е содржан во Еврејската Библија (позната и како Мазоретски текст кога се мисли на Библијата на неговиот оригинален, еврејски јазик), тие истотака веруваат и во оралните зборови кои Бог му ги кажа на Мојсеј во планината Синај, а кои не се запишани во Еврејската Библија. Така еврејците тие зборови почнале да ги запишуваат и го создале Вавилонскиот Талмуд. Пред тоа беше создаден и Палестинскиот Талмуд, за кој дел од еврејците веруваат, а дел од нив ја спорат неговата автентичност. Овие се основните книги на Јудаизмот.

Тие не го прифаќаат Исус Христос како нивен Месија и го сметаат како лажен, а за пророкот Мухамед да не ни збориме. Но сите претходни Божји пратеници како Авраам, Давид, Мојсес и други ги прифаќаат. Тие сеуште се на очекување на (според нив) вистинскиот Месија кој ќе ги упати во вистинкиот пат.

Христијанството: Втора по ред религија после Јудаизмот е Христијанството. Христијаните како основна книга го имаат Светото Писмо (Библијата) која е Божји збор и составен од Стариот и Новиот Завет. Христијанството не го спори Стариот Завет (Еврејската библија) и нивните божји пратеници, бидејќи Исус вели во Матеј 5:17 “Не мислете дека дојдов да ги поништам Законот (Тора) и Пророците! Не дојдов да ги поништам, туку да ги исполнам„. Затоа и Стариот Завет е интегрален дел од Христијанската Библија. Во зависност од тоа во која деноминација се наоѓа христијанинот, некои од нив ги прифаќаат девтероканонските книги (а овие пак отсуствуваат во Еврејската Библија) како што се на пример католиците, а некои други пак не ги прифаќаат.

Што се однесува до пророците, Христијанството ги прифаќа сите претходни Божји пратеници, вклучувајќи го и Исус како нивен Месија, како спасител на луѓето, како Божји Син. Но пророкот Мухамед не го прифаќаат, кај некои деноминации се нарекува уште и како лажен пророк (исто како што и Исус се нарекува во Јудаизмот).

Исламот: Последната вера во зинџирот на монотеистичките вери е Исламот. Муслиманите го имаат Коранот како основна книга која е Божји збор соопштен на пророкот Мухамед преку ангелот Џибрил (според библијата Гаврил). Исламот истотака не е нова религија со нов систем, туку е дојден како потврда за сите претходни книги и сите претходни Божји пратеници бидејќи Господ вели во Еш-Шура 42:13 “Он (Господ) за вас ја одреди (или ја пропиша) верата која беше пропишана и на Нух (пророкот Ное според Библијата) и она што тебе ти го одредивме (о Мухамед), и она што го пропишавме и на Ибрахим (Авраам), и на Муса (Мојсеј) и на Иса (Исус). Бидете истрајни во верата и во неа да не се разединувате ... Господ ги избира (на прав пат) тие што Он сака и ги упатува тие што му се обраќаат нему„. Од тука се гледа дека станува збор за истиот Бог, и Богот на Мојсеј, и на Исус и на Мухамед е истиот тој Бог. Христијанството истото го вели за Јудаизмот, дека нивниот Бог е истотака и богот на Христијаните (Таткото од Светото Тројство). Исламот истото тоа го вели, дека станува збор за истиот Бог, Аллах, па затоа секоја последователна вера е потврда на претходната вера. Бидејќи Исламот е последна вера и Мухамед е последниот пророк, а тоа го гледаме и во Коранот и во фактот дека и до ден денеска не дошле нови Божји пратеници, Господ во Коранот вели во Ел-Маиде 5:3 “...Денес ви ја усовршив вашата вера, го исполнив благодатот Мој, и како вера Исламот ви го избрав„. Во однос на Исус, Исламот го третира како еден од најмоќните пророци (не како Господ), дека тој е Месијата и дека неговото раѓање е Божјо чудо кој е роден без татко, туку само од Девицата Марија, како што патем и Библијата истото го кажува. Да не се верува во Исус значи негирање на Коранот, што повторно се дознава дека Коранот е потврда на поранешните книги, но освен потврда таа е и последната Божја објавена книга.

Стариот и Новиот Завет се објавени во одредено време, место и општество и важело за тоа време, место и општество. Од друга стана, Исламот е објавен за целото човештво и за сите времиња, независно дали живееме во времето на божјите пратеници или во денешно (технолошки развиено) време. Интересен е фактот што луѓето кои се следбеници на Јудаизмот се викаат Јудаисти, следбениците на Христијанството се викаат Христијани, па вака според оваа логика тие што го следат Мухамед би требало да се викаат Мухамедани. Но не е така, бидејќи тие се викаат Муслимани. Зошто е тоа така? Бидејќи зборот муслиман во превод значи “оној кој својата волја му ја потчинува на Господ„. Значи, муслиманите не ја потчинуваат својата волја ниту на Јуда (еден од 12 синови на Јаков), ниту на Исус, ниту на Мухамед, туку на Господ. Пророците се следат, почитуваат, се сакаат, се зимаат како пример, но волјата се потчинува само на Господ, твојот створител, а тоа значи дека се што се случува во твојот живот, во овој свет, независно дали е тоа добро или лошо, тоа е од Господ. Тоа не учи нас Исламот.

На крај, за тие што се двоумат која вера е вистинската, Коранот дава одговор со тоа што Господ вели во Али Имран 3:19 “Единствената вера прифатлива кај Господ е Исламот„. А ваква одредба неможе да се најде ниту во Стариот, ниту во Новиот Завет. Затоа се вели дека ако постојат Стар и Нов Завет, тогаш Коранот е Последниот Завет.

Tогаш која е вистинската вера? Која вера е најсигуна? Дали да се верува во вера која дел од Божјите пратеници ги прифаќа а другите ги негира? Или во вера која ги опфаќа сите претходни Божји пратеници и го одредува последниот Божји пратеник и е усовршена да важи за целото човештво и за сите времиња? За овие прашања пресудете сами. Господ ни го дал паметот и логиката за да резонираме и да мислиме, па затоа ве поттикнувам да размислите со искрена намера и без предрасуди.

Мирот да е со вас!



Изменето од Noor - 08.Ноември.2015 во 08:57

outlook123 напиша: прав пат? кој е?

Правиот Пат се познава по правдината, исто како што доброто Дрво се познава по плодовите!


   
А плодот на Духот (Божји) е: љубовта, радоста, мирот, долготрпеливоста,
добротата, милосрдноста, верноста, кротоста, воздржливоста (самоконтролата)!
Галат. 5:22

]




Изменето од spiros - 29.Јуни.2015 во 19:00

Прав пат на секоја особа кон која таа треба да се стреми е да биде успешен на фамилијарно поле како и на професионално, да ги почитува другите луге и нивните мислења но секако да си има свој став и стремеж во животот како и верба во бога.

И секако да биде суперкул.

Токму така, таа религија што ве води на прав пат е вистинската.