Десерт на денот: Чоколадни чашки со овошје

Време е да го помешате сезонското овошје со малку чоколадо и да го сервирате како никогаш претходно.

Иако може ви делува како предизвик, овој видео рецепт е поедноставен отколку што си замислувате.

Ви треба квалитетно темно чоколадо, изматен шлаг и овошје по желба. Во случајов, малините изгледаат неодоливо.

Брза спирална торта со малини и чоколадо

Оваа торта е една од оние кои без посебна декорација изгледаат вкусно и привлечно, а реално, не ви се потребни никакви кулинарски вештини.

Затоа, ви предлагаме спиралната торта со малини и чоколаден крем да биде вашиот следен кулинарски проект.

Потребни состојки:

За кора

• 120g брашно
• 1 шолја шеќер
• 1 лажичка прашок за печиво
• ½ лажичка сол
• 125ml масло
• 60ml вода
• 4 жолчки
• 6 белки
• 1 лажица ванила екстракт

За крем

• 3 шолји павлака за шлаг
• 90g шеќер во прав
• 30-40g какао во прав
• 350g свежи малини
• 1/3 шолја сечкани бадеми
• Изрендано чоколадо

Во една тепсија за печење ставете мрсна хартија, намачкајте со путер или зејтин и истурете брашно. Рерната вклучете ја на 160 степени.

Во пластичен сад измешајте го брашното со ¾ шолја шеќер, прашок за печиво и сол, а во посебен сад изматете ги жолчките, маслото, водата и ванилата.

Белките изматете ги посебно додека не добиете пена. Додадете неколку капки оцет ако сакате подобра текстура, па постепено додавајте го шеќерот. Матете додека не добиете цврст снег.

Смесата од жолчки измешајте ја со сувите состојки и соединете ги, а потоа со лажица малку по малку додавајте го снегот од белки. Матете со дрвена лажица додека не добиете еднолична смеса.

Добиеното тесто ставете го во тепсијата и печете 20 минути. Извадете, оставете пандишпанот да се олади, а во меѓувреме подгответе го кремот.

Изматете ја павлаката заедно со шеќерот и какаото додека не добиете чоколаден крем.

Исечкајте ги малините и бадемите, а потоа следете ги овие фотографии за редење на тортата:

Вкусна бајадера торта која се топи во уста

Нема кој не ја обожава бонбониерата со бајадера, па уште ако може да уживате во големо вкусно и кремасто парче торта, тоа би било вистинско задоволство. Сега наместо да купувате мали бонбони може да направите торта од која секој залак ќе ви се топи во уста.

Потребно ви е тесто и 3 филови за да го постигнете ефектот, но вкусот вреди и за трудот и за времето.

Потребни состојки:

Тесто:

• 6 јајца
• 6 лажици шеќер
• 6 лажици мелени ореви
• 5 лажици брашно
• Пола кесичка прашок за печиво
• 3 dl Фанта

Прв фил:

• 300 g мелена плазма
• 100 g чоколадо
• 2 dl Фанта
• ½ маргарин
• 50 g шеќер во прав

Втор фил:

• 200 g мелени ореви
• 1 dl млеко
• ½ маргарин
• 50 g шеќер во прав

Трет фил:

• 750 ml млеко
• 3 пудинзи
• ½ маргарин
• 50 g шеќер во прав
• 300 g шлаг

Подготовка:

Со миксер изматете ги 6-те белки и 6-те лажици шеќер, па додавајте една по една жолчка. Со лажица мешајте и додајте 5 лажици брашно, пола печиво, 6 лажици мелени ореви.

Печете го тестото на 180 степени околу 20 минути. Откако ќе се испече и излади потопете го со 3 dl сок Фанта.

За првиот фил изматете пола маргарин со 50 g шеќер во прав, па додајте 100 g стопено чоколадо и мешајте додека не се соедини, па додајте 300 g измелена плазма и 2 dl Фанта.

За вториот фил 200 g мелени ореви прелијте ги со 1 dl топло млеко, а во изладеното додајте го изматениот маргарин со прав шеќер.

За третиот фил ставете 500 ml млеко да зоврие, па сварете 3 разматени пудинзи во 250 ml. Изладениот пудинг мешајте го одвреме-навреме за да не ви фати кора на врвот. Изладениот пудинг соединете го со пола маргарин и 50 g шеќер во прав.

Преку натопената кора се става прво филот од мелена плазма, па половина од третиот фил, па филот од ореви и останатиот дел од пудингот, а на крај преку сè намачкајте со шлаг или стопено чоколадо.