Која книга би сакале да ја прочитате?

Светскиот македонски конгрес, институтот Евробалкан и книгоиздавачот „ табернакул” од денекса до 10 април ќе организираат денови на „Црна Атена” во Македонија. Цел на проектот е промовирање на првата книга од истоимената тетралогија на британскиот автор со еврејско потекло мартин Бернал.

Угледни историчари и археолози, координирани од професорот Бернал во делото ја побиваат тезата за хомогеноста и етногенетската чистота на грчката нација која во суштина, според нив, претставува фабрикација на западноевропските романтичарски мислители од 18-от век. Нивната подолгорочна цел била да се создаде лажна имагинација за „белото потекло” на античкиот човек.

Со оваа голема завера, како што ја оквалификуваа промоторите на книгата, во западноевропските образовни центри се индоктринирани и голем дел од јужнословенските преродбеници како Вук Караџиќ, Штросмаер, браќата Робевци, Приличев. Како заложници на таквиот „ариевски модел” тие

Подоцна несвесно го пренесуваат во нивната просветителска дејност.

Затоа издавачите на книгата „Црна Атена”, која е единствена преведена на некој од словенските јазици, сметаат дека таа треба да даде поттик за ревидирање на македонската филозофска, историска и културолошка парадигма.

Авторот Бернал за време на престојот во нашата земја ќе ги посети Охрид, Битола и Скопје каде ќе може да се запознае со нивното богато културно - историско наследство.