Германска Бундеслига

Почнаа ли фудбалерите на Вердер уште од првото коло да го чувствуваат отсуството на Месут Озил? Екипата од Бремен има катастрофален старт на сезоната во Германија откако уште во првото коло беа катастрофално поразени со 4:1. Откако поведоа преку Фрингс уиште во 3. минута од пенал, за 23 минути потоа примија дури четири голови. Отсуството на Налдо во дефанзивата скапо го чинеше тимот на Бремен, кој сега го очекува дуел со Сампдорија во рамките од плеј-офот во Лигата на шампионите. Имаат предност од првиот меч со 3:1, но ако одиграат вака како што одиграа во Хофенхајм, тогаш дуелите од групите во ЛШ ќе ги гледаат само од ТВ екраните.

"Многу сум разочаран. Одигравме лош натпревар. Имавме супер почеток по пеналот, но ја загубиме контролата на играта и не можев да верувам што се случува. Како е можно тоа за само 20 минути да примиме четири голови", рече тренерот на Вердер, Томас Шаф.

Разочарувачки старт и за Борусија Дортмунд, која на своите верни фанови им приреди незгоден пораз, и тоа од ривалот Баер Леверкузен, кој со три бода го стартуваше новото првенство во Германија. Враќањето на Балак се покажа како доста успешно кај "фармацевтите", и покрај тоа што не успеа да се запише во листата на стрелците. Творци на триумфот среде Дортмунд беа Аугусто и Барнета.

Шампионот Баерн Минхен, кој се очекува да ја одбрани титулата, едвај победи во дуелот со одличниот тим на Волфсбург. И покрај тоа што "баварците" супер стартуваа во натпеварот и поведоа со голот на Милер, сепак, во второто полувреме Џеко успеа да израмни. Работите не одеа онака како што тимот од Минхен посакуваше сè до последните секунди од натпреварот кога Швајнштајгер донесе три бода за големиот фаворит за освојување на трофејот во првенството во Германија.

"Најважно е што победивме и тоа ме прави среќен. Во првите 15 минути од второто полувреме бевме далеку од топката и примивме гол. Работевме напорно, и таа работа се исплатеше на крајот кога успеавме да дадеме победнички погодок", рече Ван Гал, тренерот на Баерн Минхен.

Супер старт во Бундес-лигата и за новите прволигаши Кајзерслаутер, односно Сент Паули. Поранешниот шампион Кајзерслаутерн триумфираше на гостувањето кај Келн, искористувајќи го играњето со играч повеќе од противникот. Јунак кај гостите беше Лакиќ кој двапати се запиша во листата на стрелците. Интересен беше мечот во Фрајбург каде Сент Паули триумфираше со 1:3. Интересно, победата на новиот прволигаш беше донесена во последните седум минути од 83 до 90, кога гостите трипати се запишаа во листата на стрелците, па така и покрај 1:0, на крајот го свртеа резултатот во своја корист.

Шалке кој има сериозни амбиции да дојде до титулата, се сопна уште на првата пречка во Хамбург. Домашниот тим на крилјата на расположениот Ван Нистелрој дојде до триумфот од 2:1. Откако Холанѓанецот донесе водство во првата минута од второто полувреме, Шалке преку Фарфан успеа да израмни во 80 минута. Сепак, само три минути подоцна Ван Нистелрој уште еднаш го "матираше" Нојер за конечен триумф.

Хановер и Мајнц имаат победнички старт на првенството откако на домашен терен победија во дуелите со Ајнтрахт, односно со Штутгарт. На мечот во Мајнц, Штутгарт не реализираше пенал во 9. минута преку Какау, со што подоцна беше казнет и победен со 2:0.

Демикелис може да си оди од Баерн

Дефанзивецот на Баерн, Мартин Демикелис е пред заминување од екипата на Баерн Минхен. Уште на првиот меч Ван Гал му покажа на Демикелис дека не е во прв план оваа сезона откако на мечот со Волфсбург во центалната линија играа Ван Бајтен и Бадштубер.

"Ако сака може да си оди, тоа не е за мене никаков проблем. Имаме играчи на таа позиција", рече Ван Гал.

РАМКА:

Во Купот "вкрстуваат" Баерн - Вердер

Беше извршена и ждрепка за Купот на Германија во која уште во 2. коло ќе видиме реприза на минатогодишното финале помеѓу Баерн Минхен и Вердер Бремен. Тренерот на Баерн Луис Ван Гал беше разочаран што уште сега ќе играат со најголемиот конк*рент за титулата, но верува дека неговите момци ќе успеат да го одбранат трофејот.

"Штета што еден од гигантите во германскиот фудбал ќе мора да испадне од купот. Ждрепката беше немилосрдна за нас како и за Вердер и место во полуфиналето или финалето ќе мора да играме уште во второто коло", изјави Ван Гал.

Од другите интересни двојки кои вредат да се истакнат е и дуелот меѓу Ајнтрахт и Хамбургер.

ДВОЈКИ ЗА 2.КОЛО ОД ГЕРМАНСКИОТ КУП

Кобленц - Херта

Викторија - Волфсбург

Офенбах - Борусија Д.

Елверсберг - Нирнберг

Четминцер - Штутгарт

Халекер - Дуизбург

Котбус - Фрајбург

Франкфурт - Шалке

Ајнтрахт - Хамбургер

Келн - Минхен

Гројтер - Аугсбург

Хофебхајм - Инглостад

Борусија М. - Баер Л.

Ахен - Мајнц

Баерн М. - Вердер

Кајзерслаутерн - Арминија

* натпреварите се играат на 26. и 27.10.2010

РЕЗУЛТАТИ

БАЕРН - ВОЛФСБУРГ 2:1

Милер 9', Швајнштајгер 90' - Џеко 55'

ХОФЕНХАЈМ - ВЕРДЕР 4:1

Ба 20', Млапа 37', Ибишевиќ 41', Салиховиќ 43' - Фрингс (п) 3'

БОРУСИЈА М. - НИРНБЕРГ 1:1

Идрису 31' - Хегелер 15'

КЕЛН - КАЈЗЕРСЛАУТЕРН 1:3

Новаковиќ 8' - Лакиќ 70' 84', Иличевиќ 88'

ФРАЈБУРГ - СТ. ПАУЛИ 1:3

Сисе 78' - Бол 83', Сукута-Пасу 89', Бартелс 90'

ХАНОВЕР - АЈНТРАХТ 2:1

Рауш 21', Конан Ја 75' - Колер 27'

ХАМБУРГЕР - ШАЛКЕ 2:1

Ван Нистелрој 46', 83' - Фарфан 80'

МАЈНЦ - ШТУТГАРТ 2:0

Алуџи 26', Расмусен 47'

БОРУСИЈА Д. - БАЕР Л. 0:2

Барнета 19', Аугусто 22'

ИДНО КОЛО (27-29.08)

Кајзерслаутерн - Баерн М.; Шалке - Хановер; Вердер - Келн; Волфсбург - Мајнц; Ајнтрахт - Хамбургер; Нирнберг - Фрајбург; Ст. Паули - Хофенхајм; Баер Л. - Борусија М.; Штутгарт - Борусија Д.;