Животни - општа дискусија

Лугето имаат многу карактеристики кои се поврзани со другите животински видови на Земјата, но често се кажува дека нивниот говор значи нешто посебно.Вистина е дека животните не комуницираат како луѓето, но дури и во нивниот случај постојат нијанси за кои ние не сме свесни.

Со толкување на светот само низ звуците што сами ги произведуваме нема далеку да стигнеме. Она на што луѓето им значи едно, на животните им значи сосема друго, и обратно.

Смеењето на хиените

Многу луге под влијание на разните анимирани филмови мислат дека хиените имаат смисла за хумор или пак се смеат на нечија сметка. Но, во реалност нивното смеење има многу значења, а ниту едно не се поврзува со ништо смешно.

Според резултатите од испитувањето објавено во BMC biology, ’кикотењето’ на хиените всушност им служи како лична карта за другите хиени. Нивните различни звуци им ги означуваат староста и статусот во глутницата, односно дали се доминантни или подредени. Хиените воглавно се разбираат со своето ’смеење’ пред хранењето, а на тој начин воспоставуваат ред и мир во глутницата.

Чкрипењето на рибите

Меѓу рибарите има многу кои што уловиле сом.А, некои од нив, имаат приказна за тоа дека нивниот сом ’цимолел’ и ’чкрипел’. Се разбира, и нас некој да ни стави јадица на устата, и ние веројатно ќе цимолиме.

Сомовите се особено познати по тоа дека испуштаат звуци кога се надвор од водата. Но, дали овие звуци имаат значење или пак воздухот само излегува полека од рибата?

Според неодамнешно истражување, исто така објавено во BMC biology, научниците успеале да утврдат дека сомовите навистина пренесуваат информации со звук добиен при стружење на перките по зглобовите и рамената, што произведува звук сличен на чкрипење. Научниците велат дека тоа е сигнал за предупредување од опасност од предатори. Како и многу други видови, сомовите на ист начин можат да пренесат пораки кои се однесуваат на храна и секс. Научниците биле изненадени кога откриле дека постарите сомови испуштаат подолги и посилни звуци, но сите сомови се разбираат без разлика на годините.

Кучешкото `ржење

Неодамна е направен мошне едноставен експеримент со многу интересни резултати. Откако снимиле три различни ржења на кучињата, научниците идентификувале за каков точно сигнал се работи во секој поединечен случај и им ја пуштиле снимката на други кучиња.

Резултатот е мошне интересен. Откриени се три видови ржење. Првото означува заиграност, второто страв, а третото закана заради приближување на странец на садот со храна.

Кучешкото ржење на луѓето скоро секогаш им звучи исто, но кучињата јасно покажале дека има различно значење. Дури и снименото ржење предизвикало различни реакции, кај повеќето испитани кучиња.
 
Звучните сигнали на пчелите

Пчелите медарки се познати по својот танц во воздух при кој се нишаат. Тоа е всушност облик на комуникација со кој даваат сигнал каде се наоѓа добро место за хранење близу до кошницата.

Но, кога ќе стигне опасноста тие си ги удираат главите една со друга, со што даваат кратки звучни сигнали дека опасноста е во близина. Секоја пчела кога ќе види други како си ги удираат главите, реагира како да видела црвен аларм.

Црекањето на лилјаците

Неодамна објавената студија во магазинот Royal Society Biology Letter тврди дека во животинскиот свет лилјаците испуштаат звуци во највисоките тоналитети. Просечната фрекфенција им изнесува од 170 до 250 килохерци а чисто колку за споредба една оперска пејачка може да достигне околу 2 килохерци.

Но дали нивното црекање има некое значење? Според споменатата студија, тие испуштаат звуци кога се доближуваат до пленот за другите лилјаци да знаат каде е локацијата и дали се тоа инсекти или пак некои други извори на храна.