Најнова Вест: Газа бомбардирана!

По осумдневно бомбардирање од воздух, израелската армија од синоќа започна и копнена офанзива. По речиси 24 часа жестоки борби, израелските сили веќе контолираат дел од северот на Појасот Газа, од каде што Хамас деновиве ги ракетираше позициите на израелците.

Според Палестинците, во битките загинале најмалку 9 израелски војници. Тел Авив демантира, признава само 30 ранети.

Според израелски извори, во битките има 50 загинати, но сите се Палестинци. Прва жртва во офанзивата синоќа беше едно палестинско дете.

„Газа е најнаселената обвласт на планетава, 1,5 милион луѓе се соочуваат со хуманитарна катастрофа. Нема вода, нема електрична енергија, нема медицинска помош. Јас верувам дека меѓународната заедница ќе биде одлучна и ќе преземе одговорност за запирање на израелските напади“, изјави Саеб Ерекат, главен Палестински преговарач.

„Наша цел е да го присилиме Хамас да запре со активностите против Израел и Израелците од Газа. Внинателно ги разгледуваме сите наши опции, ние не сме гладни за војна, но нема, повторувам нема, да дозволиме ситуација во која наши градови, села и цивили се константна цел на Хамас“, изјави Ехуд Барак, министер за одбрана на Израел.

Израелските копенени сили војуваат со поддршка од хеликоптери Апачи, а истовремно армијата ги продолжува и воздушните напади, во кои досега загинаа околу 500 Палестинци.

Соочен со офанзивата, Хамас мобилизираше неколку илјади борци и сега брои околу 13.000. Тие се вооружени со лесно оружје од американско производство и противтенковски мини. Сепак, нивно главно оружје се ракетите од типот Касам и Град од кинеско производство. Досега вакви кон Израелците испукаат околу 500.

Копнените борби конечно го разбудија и светот, иако големите сили повторно се разединети.

Советот за безбедност ноќеска не успеа да постигне согласност за предложената либиска резолуција за прикин на огнот. Против беа САД.

Во одбрана на Израел делумно застана и ЕУ. Акцијата на Израелците ја оценува како одбранбена, а не офанзивна.

На пат кон Израел се Солана и Кушнер, од кои се очекува сепак да издејствуваат од Израелците коридор за илјадниците повредени и можност за достава на хуманитарната помош.

На итен прекин на војната повика и папата Бенедикт Шеснаесетти.

„Новата историја покажува дека војната и омразата не се решение за проблемите“, изјави Папата.

Протести против израелската офанзива има во повеќе светски метрополи. Најмасовни се во Либан. Околу 250 од протестантите се обидоа да стигнат до американската амбсада во Бејрут, но беа спречени од полицијата која употреби водени млазови и солзавец.