МУЗИЧКИ ВЕСТИ

Со љубов од Тоше/ New video!

Меѓународната ФондацијаТоше Проески има чест да Ви го најави концертот Со љубов од Тоше кој ќе се одржи на 25. јануари во Спортскиот центар Борис Трајковски, во Скопје.

Концертот, што по традиција, се одржува во чест на роденденот на македонската легенда Тоше Проески ќе почне во 20 часот. Ќе настапат пријатели и соработници и оние кои тој намногу ги сакаше, децата. Голем хор од Златно славејчезаедно со членовите на Музичкиот кабинет од Крушево премиерно ќе ја испеат композицијатаПасворд, на негова музика, аранжман на Валентино Скендеровски и стихови на Огнен Неделковски, во кои проверуваат и асоцијации заТоше.

Ќе запеат и засвират и Наум Петрески, Миле Кузмановски, Синтезис, Антонија Шола и други балкански музички имиња, како и бендот на Тоше. Концептот е поразличен од двата досега одржани меморијални концерти за македонската ѕвезда. Овој пат идејата ја дадоа фановите. Според нивна желба тие сакаат целата вечер да го носи печатот на Тоше, да ги слушаат неговите песни, да го гледаат неговиот ведар и насмеан лик на видео-снимки кои ќе се прикажуваат на три лед екрани, и да ги пеат неговите песни заедно со пејачите кои ќе пеат на сцена.

***

Исто така, на роденденскиот датум, 25. јануари 2011 година, кога Тоше требаше да наврши 30 години, ќе биде објавено и CD кој го содржи истиот наслов како и концертот - Со љубов од Тоше. На оваа албумска објава се снимени 15 песни, од кои 12 се од светската рок-антологија кои Тоше ги изведуваше на своите музички средби со младите, две песни се познати хитови а досега неслушнати во негова интерпретација (едната е од Елтон Џон, а другата од Витни Хјустон) и 15-тата песна е Наслони главу на моје раме, која ќе биде промовирана по радијата непосредно пред концертот. За оваа песна има и видео-спот снимен во Загреб (автори на песната сеТути Фрути, Нино Нинчевиќ и Миро Буљан).

Годинава концертот ќе има поведар тон, за разлика од минатите, за да со песна се чевствува ѕвезденото момче кое со музиката и срцето ги обедини народите на Балканот, со своите човечки дела им стана идол на сите генерации, и остави големо музичко и духовно наследство за вечни времиња.

< height=385 =application/x-shockwave-flash width=440 =http://www.youtube.com/v/1TlxgA0PF5s?fs=1&hl=en_US allowfullscreen="true" allowaccess="always">

Голем е интересот од балканските ТВ-станици за пренесување и снимање на оваа музичка манифестација со меѓународна димензија, од која собраните средства ќе бидат наменети хуманитарно.

Организатор на концертот Со љубов од Тоше е Меѓународната ФондацијаТодор Тоше Проески, помагател е ЕВН, техничката поддршка е на Аворд а овозможено од Министерство за култура.

Фановиве со голема радост ја дочекаа и раритетната снимка Can You Feel The Lоve Tonight, која легендарниот пејач пред неколку години ја реализирал во своето домашно студио, а деновиве се врти на радио-станиците.

На Тоше целиот Балкан се потсетува со насмевка на лицата и со радост. Со хуманоста и добрите дела што ги правеше, блескавата музичка кариера и вонсериските музички квалитети тој остави досега незапаметена трага и афирмација на македонската музичка култура. 

Тоше, мисионерот на љубовта, и повеќе од три години од неговото заминување во вечноста ги обединува младите и неговите следбеници, а тие  постојано организираат хумани акции за да се исполни аманетот- да си помагаме во секоја ситуација, да живееме со добрина и човекољубие. Една таква ќе има на денот на роденденот.

Албумот на Металика и понатаму најпродаваниот албум во последните 20 години

Хеви-метал бендот Металика и понатаму го има најпродаваниот албум во последните 20 години во САД, пренесува музичкиот магазин Класик-рок.

Петтото студиско остварување на Металика - “The black album”, од 1991 година до денес е продадено во 15.620.000 примерока во САД. Тоа студиско остварување беше на прво место по продаваност и минатата година. 
На второ место е албумот на Шанаја Твен - "Come On Over", продаден во 15.487.000 примерока, а на трето место е Аланис Морисет со албумот "Jagged Little Pill", продаден во 14.642.000 примерока.
Податоците ја пратат продаваноста на албумите од 1991 година, кога е спроведен процесот за пратење на продаваноста на музичките изданија.