Колку вашиот партнер е подготвен на авантури и неверство, а дали ќе ви прости ако го изневерите…

Овен

Го бие глас на голем заводник. Сексот му е најважен, па често покрај партнерката има и некоја тајна врска со цел да ги задоволи своите страсти. Не се снаоѓа најдобро кога е во прашање љубовта, ама кога е заљубен дозволува со неговиот живот да управуваат емоциите, а не разумот (бидејќи длабоко во душата е романтичар). Верен е само кога е лудо заљубен. Иако не е злопамтило, ако почувствува дека неговата партнерка не му се восхитува доволно или пак се интересира за некој друг – без размислување ја напушта.

Темпераментната жена Овен често само за забава и за да си докаже дека е неодолива, ќе се обиде да го заведе оној по кој лудуваат сите, па и кога е во брак. А во исто време позеленува од љубомора кога некоја девојка е во друштво на нејзиниот партнер.

Бик

Познат е како колекционер, на поштенски марки, уметнички предмети, жени. Иако очекува лојалност и приврзаност од саканата личност, тоа не се однесува и на него. Кога ќе се најде во ситуација веднаш ја искористува, а потоа ќе се труди неговата партнерка никогаш да не го дознае тоа. Врската или бракот никогаш нема да ги прекине без голема причина. Кога е во брак е верен, се додека партнерката му е верна нему. На верност го принудува стравот дека ќе се намали неговата удобност или богатството.

За жената Бик, прељубата е навреда на нејзиното достоинство и затоа е подготвена да го возврати ударот. Кога се одлучува за неверство мора да биде сигурна дека нејзиниот љубовник е следниот брачен партнер, притоа тоа мора да биде човек со добра материјална состојба.

Близнаци

Никогаш не планираат неверство, тоа го прават дури да кажеш “кекс”. Мажот роден во овој знак не ги избира своите жртви, тој напаѓа по секоја цена. Прељубата се случува едноставно, а ако неговата партнерка дознае за тоа, тој ќе се обиде да и објасни дека “не било онака како што изгледа”.За  среќа природата ги направила “силни на зборови”. Не е осветољубив, живее во сегашноста, а неговото мото е “земи се што ти дава животот”.

Немирниот дух и широкиот круг на пријатели и даваат на жената родена во Близнаци многу шанси за авантури. Може да биде верна до крајот на животот ако наиде на интелигентен и таинствен партнер кој ќе умее да и го задржи вниманието.

Рак

Мажот Рак често размислува како би било кога би имал ”паралелна врска”. Тој сака само малку да проба од забранетото овошје и само ако премногу му се допадне ќе оди до крај. Ракот тешко простува неверство и може да се одмазди и по неколку месеци, па дури и години. Сепак, тој не е толку одмаздољубив колку што е паничар, па не знае да реагира соодветно.

Жената Рак би требало да биде модел за верност. Романтична, приврзана за домот и семејството, подготвена за семејната среќа да се откаже од амбициите… Проблемот се јавува кога не е доволно сакана и заштитена од партнерот. Тогаш посакува да се впушти во авантура со првиот човек кој ќе и го вети тоа. Ако партнерот ја изневери, тешко ќе го поднесе тоа и подготвена е за одмазда.

Лав

Мажот Лав има потреба постојано да слуша дека е најдобар во се. Најсреќен е кога не мора да се мачи, па онаа која му се допаѓа сама ќе му дојде во прегратки. Изневерува тивко и со малку зборови. Но кога е заљубен, мажот Лав е верен. Исто така ја цени верноста кај жените, па се врзува за онаа која никогаш нема да го напушти.

Кога Лавицата сака некого, друг за неа не постои. Многу е лојална, а мажот е нејзин “трофеј”, нешто што другите го сакаат ама не можат да го имаат.Лавицата сака комплименти. Затоа е опасно ако партнерот загуби интерес за неа, таа тогаш ќе се впушти во авантура со оној кој ќе ја пофали нејзината фризура или парфем. Ако е изневерена, знае да биде осветољубива.

Девица

Тој знае долго и џентлменски да ја крие тајната врска во која најчесто се впушта со колешка од работа, околината може само да погодува дали меѓу нив навистина има нешто или е во прашање само обичен флерт. Сепак го интересираат квалитетни врски и нема да се впушти во авантура на брзина и без размислување. Иако во суштина не простува лесно, ќе помине преку неверството на  партнерката без сцени и расправии.

Жената Девица сака возбудливи и конфузни ситуации, па се согласува некое време да биде и втора во врската или да влезе во тајна романса за која знае дека нема да преживее на подолг рок. Простува неверство, но не заборава, па на крајот ќе наплати за тоа.

Вага

Мажот роден во овој знак е шармантен и неодолив, умее убаво да зборува, а му се допаѓаат жени кои знаат што сакаат, што секако не е гаранција дека ќе им биде верен. Похрабар е да изневери кога знае дека има каде да се врати. Ако тој е измамен – простува, па дури не бара да ја слушне вистината.

Жената Вага е во состојба да сака повеќе мажи во исто време. Кога таа ќе сфати дека нејзиниот партнер не ја посакува, станува рационална, ладна и пресметлива, а кога ќе дојде време за одмазда – таа веќе се заљубила во друг.

Скорпија

Мажот роден во овој знак не простува неверство во никаква форма бидејќи има високи стандарди кога станува збор за љубовта. Ретко е сам и секогаш е подготвен да даде се од себе за личноста што ја сака. Иако моќта на Скорпијата лежи во сексапилот кој го пседува, кога е заљубен, партнеркатат може да го врти околу малиот прст.

Жената Скорпија знае да биде непредвидлива, па ако партнерот и здодее, нема враќање. Од друга страна, ако до разделба дошло поради недоразбирање, Скорпијата жена е подготвена да даде втора шанса, но не простува прељуба.

Стрелец

Неверен по природа, дури и кога се обидува да биде верен, едноставно му се создава ситуација и тој не може да му одолее на љубовниот предизвик. Обично има неколку долги врски или бракови, а ако остане во еден брак, не е верен, освен ако не се оженил на 40 години.

За разлика од жената Стрелец која повеќе ја сака суровата вистина отколку најслатката лага (и затоа не простува неверство), мажот роден во овој знак умее да го прости неверството на партнерката, бидејќи тој е свесен дека на некој начин и го заслужил тоа. Ако влегол во брак ќе остане верна до крајот на животот, ако работите тргнат во несакан правец прво ќе го напушти партнерот, па потоа ќе бара нов.

Јарец

Додека е во емотивна врска, најчесто е верен, а ако е во брак, склон е кон прељуба и тоа најчесто со колешка. Затоа може да има паралелна врска, но сепак се труди да го одржи и бракот, па ќе и прости на партнерката, ако се посомнева во нејзината верност. Но, со стареењето и со стекнувањето пари и моќ, станува вистински заводник кој ќе се гордее со секое освоено женско срце.

Дамата Јарец е романтичен идеалист, способна да сака и тројца во исто време (еден на јаве и двајца во својата фантазија), но не простува неверство, бидејќи премногу држи до себе. Кога ќе сфати дека е изневерена, врската ја прекинува веднаш, а често се плаши дека партнерот ќе ја злоупотреби нејзината верност, па затоа не искажува јавно колку тој и значи. Ако некогаш се одлучи за неверство, тоа ќе го направи со цел да го казни партнерот за неговата неспособност или заради некаков интерес.

Водолија

Му одговара репутацијата што ја има како заводник во друштвото, но поради неговата себичност не забележува дека тоа му пречи на лицето со кое е во врска. Иако неверен, мажот Водолија инсистира на искреност, па тешко простува, затоа што не може да поверува дека на неговата партнерка некој друг и е поинтересен од него. Затоа што од себе ги одбива сите верни, обично завршува со партнер кој ќе му биде се друго, само не верен.

Жената Водолија сака да им држи лекции за морал на другите, а самата ги крши, бидејќи сака да си приредува задоволства. Сака да флертува, ама ретко оди до крај. Но ако се најде во возбудлива, необична и бурна врска таа е верна.

Риби

Бидејќи сака да ја сочува врската или бракот, подготвен е да и прости на партнерката ако го изневерила, бидејќи знае дека ни самиот не е најверниот човек во светот. Што да прави кога не може да остане имун на женскиот шарм.

Жената Риби лесно се навредува, но и лесно простува – се во името на љубовта и вниманието за кои копнее. Иако не сака, често не може да остане рамнодушна на игрите на заведување. Ако го сретне вистинскиот отворено ќе признае дека се заљубила во друг и веднаш си заминува со него.

Жена лав  

Таа е јака жена која не се препушта лесно да ја понесат брановите на судбината. Нејзината виталност, волја и авторитет ѝ овозможуваат да биде доминантна жена. Тешко ѝ е да остане на едно место, да мечтае и ништо да не работи, бидејќи сака акција и движење, а не поднесува мрзеливост. Гордоста, а понекогаш и суетата, играат голема улога во постигнувањето успех скоро по секоја цена. Претпазлива е и скоро ништо не препушта на случајноста.

Таа има премногу високо мислење за себе за да може да се задоволи со моменталната состојба. Млаки и недефинирани чувства ја доведуваат до очај, а нејзиниот карактер е таков што тешко се прилагодува кон луѓе кои се воздржани. Искрена е, а понекогаш сака и да се шегува. Нејзините ситни грижи умее да ги прикаже како големи за да го привлече вниманието на другите. Кај неа постои една контрадикторност. Среќна е и великодушна кога може на другите да им причини радост, меѓутоа понекогаш е премногу егоцентрична, па пред да помисли на друг, таа прво помислува на себе.

Нејзина најголема доблест е верноста. Има цврст карактер и затоа не поднесува туѓи влијанија. Кај другите луѓе не трпи каприци и извештаченост. Ако ѝ се допадне некој маж, таа тоа отворено ќе му го даде до знаење. Кога сака некого, потполно им се препушта на чувствата и во љубовта не поднесува да остане ништо нејасно и недокажано...