8. Третата алинеја од Член 6 завршува на следниот начин: по „итна акција” се додава следниот текст: „До 15 септември 2015 година ќе има нов, Специјален Обвинител со целосна автономија да ја води истрагата околу следењето на комуникациите. Овој Специјален Обвинител се именува преку договор на долупотпишаните страни.”

… и затоа што одеднаш се прекинати сите натамошни лустрации.

Убеден сум дека политичариве ќе минат како и повеќето други нивни колеги - без конкретни санкции за нивната незаконска активност.

Има голема иронија во овој случај… Заев се постави како борец за морал и правдина кој, наводно, појде во војна за уривање на компромитираниот режим, а завршува како негов соработник внесувајќи свои луѓе на министерски места и сопира со бомбите кои наводно требаше да го сруши токму тој ненароден режим. 

И двете страни се договараат да се прекинe осудувањето на активноститe на лустрираните луѓе и доведување на опозиционен Специјален Обвинител кој ќе се занимава со случајот "Пуч" и оние поврзани со него.

Мојата претпоставка е дека Заев ќе мине со јавна опомена за неговите активности кои треба да се санкционирани според Законот, а истото ќе се случи и со Верушевски (ќе биде кривично гонет самo за поседување непријавено оружје). За возврат од страна на позицијата никому нема да му фали влакно на главата. Законски санкционирани ќе останат оние јадни ситни риби кои го признаа злоделото и кои веќе се казнети со затворски термини.

Mамка за двете страни, во кои најмногу ќе има корист опозицијата - до моментот на изборите ИРИ редовно ќе објавува "обновени статистички податоци" за зголемување на рејтингот на опозицијата (СДСМ) и Заев, и намалување на рејтингот на позицијата (ВМРО) и Груевски со цел да се смени резултатот на изборите.

Доколку ВМРО со коалицијата успее да победи тоа ќе биде со помала разлика од минатите избори и притисокот за дефинитивен договор со Грција за промена на името, како и официјална осуда на Русија со 100% преминувaње на страна на НАТО/ЕУ ќе сe зголеми до максимум.

P.S. Оноа што никој нема да истакне е фактот дека сето ова драстично ги пореметува сите демократски принципи на државност и поставува преседан кој во иднина може да биде употребен од секоја опозиција. Од сега, па натаму, секој кој нема да биде задоволен од изборните резултати ќе смета дека има право да ги минира сите демократски вредности и стандарди и да бара промени с'е додека не му се задовoлат неговите желби.