Албанците масовно заминуват на печалба

Масовно заминување на печалба
   


Граѓани Албанци од земјава продолжуваат да ги напуштаат своите огништа. Празни улици и испразнети училишта. Ова е сликата на градот Куманово и селата од општина Липково. Воглавно тие мигрираат во Белгија. Иако туристичките агенции најавуваат дека бројот на граѓани кои заминале во оваа држава достигнува до пет илјади лица, белгиските власти соопштуваат дека со визаната либерализација, во нивната држава азил побарале околу 450 македонски граѓани. Си одиме зашто немаме доволно услови за живот, велат оние кои заминуваат.

„Шесте деца ги испратив. Не знам дали ќе завршат во Франција или Белгија. Животот ни поминува со страдања. Страдале нашите татковци, нашите дедовци, а денеска и ние страдаме. До каде ќе одат работите не знам. Браќа, гледајте што имам во рацете. Од кого чекаат? Нашите солзи не престанаа. Оние во Парламентот не ни помислуваат на нас. Нека се сетат и за нас и ние треба да јадеме и да живееме.“

Во основните и средните училишта во Куманово и Липково состојбата е алармантна. Поради заминувањата, училниците остануваат празни. Во двете училиштата во градот, „Бајрам Шабани“ и „Наим Фрашери“, бројот на ученици кои побарале исписници достигнува до 30. Од училишните управи соопштуваат дека во Куманово и Липково досега се испишани над 100 ученици.

„Моментно до вчера од нашето училиште со документација, односно исписница, си заминаа 12 ученици. Но, од информациите и разговорите со родителите очекуваме уште еден бран испишувања на наши ученици. Оние кои во текот на учебната година отсуствуваат 30 работни дена не можат да добијат свидетелство за таа година.“- Илбер Лимани- директор на основното училиште „Бајрам Шабани“   

„Од нашето училиште досега заминаа 18 ученици. Врз основа на нашите истражувања во нашето училиште, бројот е некаде 18 ученици, но во иднина бројот се очекува да се зголеми. Поголемиот број ученици од нашето училиште земаа исписница и си заминуваат за Белгија. Всушност, во нашето училиште речиси еден цел клас го напушти училиштето.“- Елми Реџепи- директор на основното училиште „ Наим Фрашери“
   
Неофицијално дознаваме дека белгиските власти, шансите за овие граѓани да добијат азил се многу мали и по неколку месеци тие ќе мора повторно да се вратат во нивната земја.
Шкелзен Аќифи

http://alsat.mk/vesti/zemja/181002.html


Интересно е што дел од овие печалбари барат азил...