Преговори за името

И по изборите, висок функционер на ДУИ брифираше дека е несериозно да се поставуваат рокови за толку важно прашање и кое, пред сe`, не зависи само од волјата на македонската страна

Ќе испорача ли лидерот на ДУИ, Али Ахмети, рокови за решавање на спорот за името за брза интеграција на земјава во НАТО и во ЕУ и ќе стави ли на маса барања што лидерот на ВМРО-ДПМНЕ, Никола Груевски, не ќе може да ги прифати за двете победнички партии да формираат влада?

Ова се прашањата што партиите, но и некои медиуми ги наметнуваат во отсуство на какви било официјални информации од ВМРО-ДПМНЕ и од ДУИ за тоа дали се почнати преговорите за новата влада и со кои позиции ќе настапат Груевски и Ахмети. Не е далеку од вистината и дека официјалниот молк и една и пол недела по изборите двете партии го користат за билдање на сопствените, а спуштање на противничките позиции, пред лидерите или преговарачките тимови да седнат на маса.

Партиите на Албанците ја растегнуваат охридската рамка

Од анализата на кампањата во албанскиот блок, Ванковска проценува дека кај партиите немало дисонантни тонови во однос на колективните права.

- По секој изборен процес, овие партии испорачуваат барања од ваков вид кои милиметар по милиметар ја растегнуваат охридската рамка и земјата ја водат кон федерализација. Тој тренд е видлив, без оглед кој е коалицискиот партнер, додека улогата на „македонската страна“ е амортизирање на тие барања, преку еден вид „политичка корупција“, како доделување повеќе работни места, функции, ресурси... Од сите овие барања, најапсурдни се за хашките случаи, што е дерогирање на владеењето на правото од страна на конституенти на извршната власт - вели Ванковска.