Најубавите стихови во Библијата

Зашто, Словото Божјо е Живо и дејствува и е поостро од секаков меч со две острици;
и навлегува до разделување на душата и духот, до зглобовите и мозокот, и ги проценува мислите и намерите на срцето.
И нема создание сокриено за Него, туку се’ е голо и откриено за Очите на Оној пред Кого сите ние ќе одговараме.

(Еп.Евреите 4:16+17)


   

И затоа Јудејците Го гонеа Исус и сакаа да Го убијат, зашто тоа го вршеше во сабота.
А Исус им одговараше: „Мојот Отец досега работи, и Јас работам!”
Затоа Јудејците уште повеќе сакаа да Го убијат, бидејќи не само што ја нарушуваше саботата,
туку и Бога Го нарекуваше Свој Отец,
со што - според нивно мислење - се направи еднаков со Бога.

(Ев Јован 5:16-18)

8 А за Синот вели: „Твојот престол, Боже, стои во сите векови и жезол на правдата е жезолот на Твоето Царство.

9 Ја возљуби правдата, а го замрази беззаконието, затоа, о Боже, Твојот Бог Те помаза со масло на радоста, повеќе од Твоите соучесници”,

10 и: „Ти, Господи во почеток ја основа земјата, и небесата се дело на Твоите раце.
...

11 Таа ќе помине, а Ти остануваш. И сета ќе остари како облека,

12 и ќе ги свиткаш како наметка, и тие ќе се изменат. А Ти си секогаш ист и Твоите години нема да се свршат.”

[Колосјаните 3:5-10]
И така, умртвете ги своите членови што се на земјата: блудството, нечистотата, страста, лошата желба и лакомството, што е идолопоклонство, заради кои доаѓа Божјиот гнев на непослушните синови. Меѓу кои и вие некогаш одевте, кога живеевте во нив. Но сега, отфрлете го и вие сè ова: гневот, јароста, злобата, хулењето, срамните зборови од својата уста. Не лажете се еден друг, зашто го соблековте стариот човек со неговите дела и облековте нов, кој се обновува во полно познавање по образот на Оној, Кој го создал

1 Во ова што е кажано главно е: имаме таков Првосвештеник, Кој седна оддесно на престолот на Величеството во небесата
2 како служител на Светилиштето и на вистинскиот Шатор, што го подигна Господ, а не човек.

==Евреите 8:1-2 ; Библија==

Зашто Самиот Господ на заповед, при глас на архангел и при Божја труба, ќе слезе од небото и мртвите во Христа ќе воскреснат прво. Потоа ние живите, ние кои останавме, ќе бидеме грабнати заедно со нив на облаците, во воздух, во пресрет на Господа; и така засекогаш ќе бидеме со Господа.
[1 Солунјаните 4:16,17]

[Еремија 29:11-13]

Зашто Јас ги знам Своите замисли за тоа што имам намера со вас - зборува Господ - замисли за мир, а не за несреќа: да ви дадам иднина и надеж. Тогаш ќе Ме повикувате, ќе доаѓате кај Мене, ќе Ми се молите, и Јас ќе ве слушам. Ќе Ме барате и ќе Ме најдете, зашто ќе Ме барате со сето свое срце.