Нова Година

Еве јас да си го кажам моето
Обично никогаш не се жалам тешко и не се фалам дека ми е лесно. 2008 не беше нешто посебно за мене, освен што си ја остварив дамнешната желба да го отслужам воениот рок. Поради тоа што не беше нешто посебно, 2009-тата ја дочекав во кревет. Бев во село, со една мисла, ајде бе, Нова година, кој веќе верува во тоа...па затоа си легнав во 23 часот.

Затоа, 2009 беше една од најубавите до сега, како прво, продолжив да созревам како личност, надградувајќи ги своите ставови. Потоа сретнав една прекрасна девојка во средината на февруари, со која сеуште сум заедно и верувам дека така и ќе остане . Факултетот иако бавно, сепак се помрдна на подобро, почнав поредовно да учам, на листата на положени почнав да одам нагоре, со нешто помалку од максимум поени. Брат ми се ожени, му се роди син, и моментално сум чичко на едно 4-месечно прекрасно суштество Сите сме на број, живи, здрави...
Тоа е позитивното, негативни работи и нема да се издвојат, така да за Новата година посакувам само да напредуваме. Не треба да се лета високо, за да не паднеме ниско.
Накратко, за 2010 година Ви посакувам Вам мои форумџии, на мојата земја Македонија, како и на моите пријатели и роднини многу здравје, љубов, среќа и успех, да сме живи и здрави.