Амди Бајрам ги нападна новинарите..

Незнам дали се државни непријатели ама едно знам. Нашите новинари се премногу сугестивни. Не го оставаат гледачот или читателот сам да оцени за прочитаната или гледаната вест. Еден куп сугестии ќе се изречат зависно за кој медиум се работи. Работата на медиумите е да пренесуваат вести во изворна форма без приота да даваат сугестии или навреди.

...

Новинарите денеска беа навредувани, со закани од ќотек и затворање од пратеникот на Сојузот на Ромите, Амди Бајрам. Бајрам се налути затоа што новинарите не сакале да го интервјуираат за добрите дела кои тој ги правел за Ромите во земјава.

„ Треба ќотек за вас, вие сте ЦИА, вие соработувате против државата, не донесувате за државата, вие сте платеници надворешни, тоа да знаете. Да ви кажам - да можам би ве затворил во секое доба.Нарочито ве навредувам и провоцирам, да ме тужите“ рече  Амди Бајрам, пратеник на СРМ

Изјавите и заканите на пратеникот Амди Бајрам беа осудени од неговите колеги.

“Како човек, како граѓанин, како политичар и како пратеник тоа е страотно. Страотно е еден избраник на народот да се однесува така кон новинарите, кон луѓето кои вршат племенита работа, да ги информираат граѓаните. Нема што тука да се коментира “ изјави Џеват Адеми, пратеник на ДУИ.

„ВМРО-ДПМНЕ најостро го осудува јазикот на омраза, на навреди, на закани, посебно изречени од устата на пратеник во Собранието на РМ. Го повикуваме господинот Амди Бајрам да се извини“, рече Силвана Бонева, ВМРО-ДПМНЕ.

Од кабинетот на претседателот на Собранието, Трајко Вељановски, кој денеска одржа средба со дел од новинарите, излегоа со  соопштение дека се оградуваат од таквите постапки. За немилиот случај во Собранието реагираше и Здружението на новинарите на Македонија. Тие бараат пратеникот Амди Бајрам јавно да побара извинување од новинарите за таквите навреди и закани....!!!  

Уште еден бисер на Амди Бајрам, овојпат не толку комичен како легендарниот 102,34%.
Вакво плукање по новинарите, на човек кој активно партиципира во власта е недолично и одвратно да се слушне во сред собрание.
Од кого е и не е чудно... ама ако е и од Амди, многу е!...


“Виновни сте вие затоа што антипропаганди правите и пратени сте од ЦИА, работите против Република Македонија, да знаете тоа“, рече Амди Бајрам, пратеник.

„На вас ќотек ви треба, не друго, вие мафија сте, сите за пари работите“, се обрати Бајрам на новинарите.

Со вакви зборови народниот пратеник Амди Бајрам им се закануваше и ги навредуваше собраниските известувачи.

Не предизвикан од никого, навреден зошто никој не му побарал изјава, Бајрам пред собраниското обезбедување, кое не знаеше како да реагира, викаше по новинарите.

„Срам вас да ви биде. Мафијаши! Треба ќотек за вас, вие сте ЦИА, вие соработувате против државата, не донесувате за државата, вие сте платеници надворешни, тоа да знаете. Да ви кажам - да можам би ве затворил во секое доба“.