Коце Трајановски-градоначалник каков посакувавме

Трчам и на плажа

Точно е дека трчав секое попладне. Јас спортувам и кога сум на од­мор, па на тој начин и одморите ми се активни, вели градоначалникот

Скоп­ски­от градоначалник Коце Трајановски беше цел на папараци на од­мо­рот во Грција. Минатата недела, туристи од Скопје го сликаа како џо­ги­ра на плажа во местото Дионисиос Бич, во близина на Неа Модања, Халкидики. Ни кажаа дека градоначалникот на плажата спортувал секое попладне, без исклучок.
"И таму ли ме најдоа!? Не ми се верува со што се занимаваат луѓево", из­не­на­де­но искоментира градоначалникот Трајановски, кога му кажавме де­ка имаме слики од него на плажа.
"Точ­но е дека трчав секое попладне. Јас спортувам и кога сум на одмор, па на тој начин и одморите ми се активни. Преку ден правев вежби во во­да и многу пливав, а попладне џогирав", рече градоначалникот Тра­ја­нов­ски.
Наг­ла­си дека и овој одмор, исто како и претходните, целосно му се пос­ве­тил на семејството, на ќерката Климентина и на сопругата Душка. Ос­та­на­ле осум дена. Традиционално, летуваат во Грција, а изборот на местото бил на дамите.
"По­себ­но уживав во моментите кои ги минував со ќерка ми. Таа е веќе пет­на­е­сет­го­диш­на, но сe уште заедно одиме на летувања. Малку се ре­лак­си­рав, се растоварив од обврските, но се вратив во реалноста само што дојдов во Скопје. Уште првиот ден бев на работа од 08 до 20 часот. И та­ка е речиси цело време", вели Трајановски.
На шега, градоначалникот вели дека овој пат безбедно стигнале до дома. Пред две години, на враќање од одмор, на градоначалникот му ја украдоа рач­на­та чанта во која биле пасошите, мобилните телефони и 2.000 ев­ра. Кога ги растоварале куферите, пред зградата во која живеат во скоп­ска­та населба Автокоманда, градоначалникот за момент ја оставил чан­та­та на колата, а кога се вратил по неа, веќе ја немало, иако било полноќ и во близина не видел никого.
Гра­до­на­чал­ни­кот Трајановски од вторникот минатата недела им се врати на редовните обврски во Град Скопје. 

 

нема лошо во тоа да трча на грчкиот плажот ,но ако го беше направил на скопската градска  плажа ќе имаше двоен ефект.Позитивен нормално.Ем реклама на плажот ем  сопствена реклама како родољубец и патриот