Трајко Славевски

Јануарска плата ќе добијат само 380 илјади вработени

Повеќе од 51 илјада компании доставиле пресметка до Управата за јавни приходи. Тоа значи дека од околу 600 илјади вработени, повеќе од 380 илјади може да ја добијат јануарската плата.

Компаниите кои не доставиле пресметки до УЈП, ќе заработат казни.

Доколку се изврши уплата на плата, а не се исплатат придонеси во пропишаниот рок, ќе следуваат казни од две до три илјади евра за работодавците. Истата казна е и за компаниите коишто неправилно ја изготвиле пресметката и уплатата на придонесите ја извршиле на погрешен износ.

Стартот на реформата бруто плата беше проследен со технички проблеми. Неколку пати откажуваше компјутерскиот софтвер, што создаде метеж и турканици пред шалтерите на УЈП.