Реконструкција на повеќе улици во Кисела Вода

Општина Кисела Вода продолжува со  асфалтирање на нови и реконструкција на постоечки сервисни улици на нејзината територија. Во моментов екипи на фирмата „Бауер БГ” работат на улиците „Славка Динкова” во Драчево, кракот на ул. 4 во Усје, улицата 37 во Припор и кракот бр. 118 на улицата „Востаничка”.

Во следниот период ќе се  реконструираат краците 6, 22, 28 и 30 во Припор, кракот 2 на улицата „Партизански пат” во Драчево и улицата 3 во Усје. Истовремено, со павер елементи ќе се поплочат и краците 31, 33, 36а и 2а во Припор. 

Со реконструкцијата на овие нови улици ќе се подобри сообраќајната инфраструктура во овој дел од Кисела Вода, а на жителите ќе им се олесни пристапот кон другите делови од општината и кон центарот на градот.

Општината во изминатиот месец реконструираше околу 27 сервисни улици во 5 месни и урбани заедници, каде е поставен асфалт на вкупна површина од околу 5.000 квадратни метри.