Смеат ли политичарите...?

Сите на работа, пратениците на распуст

За предлозите и за проектите на извршната власт, пратениците и понатаму ќе дознаваат од медиумите, бидејќи министрите се презафатени за да ги информираат народните избраници, иако Владата процени дека станува збор за добра идеја. Со тоа паѓа во вода иницијативата на претседателот на Собранието, Трајко Вељаноски, пратениците први да дознаваат за владините предлози по пример на британскиот парламент, иако тоа го поздравија најголемите парламентарни партии, освен ВМРО-ДПМНЕ кои се воздржани.

Вељаноски, при неодамнешната посета на Лондон изјави дека добил интересна сугестија од британскиот колега, министрите своите идеи и предлози прво да им ги соопштат на пратениците, а потоа на јавноста бидејќи со тоа ќе се зајакне улогата на Собранието и надзорот врз извршната власт. Во Владата велат дека тоа засега е технички неизводливо зашто министрите би требало дополнително да се ангажираат.

- Идејата е добра, но нема услови да се спроведе. Тоа е прифатливо во земји со развиена демократија, каде што Собранието не усвојува многу закони и каде е завршена процедурата за приспособување на домашното со европското законодавство - велат во Владата.Илија Димовски од ВМРО-ДПМНЕ смета дека пред да се воведе нешто ново, треба да се разгледаат искуства од повеќе парламенти и да се види дали е тоа во согласност со Уставот.

Шефот на пратеничката група на ДУИ, Тахир Хани, процени дека идејата е прифатлива.

- Така функционира и чешкиот парламент. Таму пратениците учествуваат во измените на законите кои ги предлага владата од прва до последна фаза. Тоа го зајакнува капацитетот на Собранието и на пратениците, а тоа ќе е можно само ако парламентот ја има клучната улога при креирањето на законите. Бидејќи министрите одговараат пред Собранието, јасно е дека пред да и' ги образложат проектите на јавноста, прво треба да ги усогласат со пратениците - вели тој.

Јани Макрадули од СДСМ вели дека со воодушевување би ја прифатил идејата: „Тоа ќе е доказ дека Владата има политичка волја и оти е подготвена да го отвори и прошири дијалогот во Собранието и дека го почитува законодавниот дом. Ако Собранието имаше повеќе пари, би предложил секој пратеник да го посети британскиот парламент за да почувствува колкава е моќта на пратениците и на Собранието. Може да ја прифатиме и праксата од британскиот парламент, премиерот да одговара на прашања на претседатели на собраниски комисии предводени од опозицијата. Собранието мора да се изгради во институција што на граѓаните ќе им пренесе дека во Македонија има парламентарна демократија“.

Според Имер Алиу од ДПА, има многу добри идеи кои Собранието би требало да ги примени.

- Но, очигледно е дека во Македонија нема место за добри идеи, кои би го подобриле начинот на функционирање на институциите - вели тој.

Мариела Трајковска- Dnevnik

... nemaat vreme, prezafateni, preproshetani, mozebi ako gi ostavime da vladeat sto godini, vo nekoj drug mandat i kje se dosetat zoshto sme gi izbrale.