Полициска интервенција на Шара

Јасно е дека во 2001 година беше направена грешка што со терористи се преговараше. Тоа им го зголеми апетитот, па тоа што попаметниот попушти го разбраа како победа. На нормален човек му е јасно дека не може победникот да има десет пати поголеми жртви и да ја изгуби катастрофално последната битка, Радуша. Не смееше да се дозволи преседанат терористи, што имале оружје во рака, да влезат во Собранието. Најмалку да влезат во власта. Но таа грешка ја плаќаат тие што ја направија. Трајковски е мртов, па нема да зборувам за него, Георгиевски е политички мртов (самиот ја забрза постапката со зимање бугарско државјанство), Црвенковски не се знае дали ќе остане политички жив до крајот на мандатот. По купот грешки што Македонија ги направи во односот со терористите, јасно е дека сега борбата за нивно искоренување ќе биде потешка. Но се` е на наша страна. И оружјето и бројот на луѓе и обученоста на луѓето.