Преговори за името

DameMak напиша: До Македон: Абе човек, оти ми подметнуваш грчки геноцидни идеи (дополнително уште и неофицијализирани, туку искажани како пробни балони до нашата јавност) и ги изедначуваш со мојот став. Или си голем инаетчија, или ТОТАЛНО не го разбираш тоа што го читаш (а јас би рекол и двете). Има огромна разлика помеѓу мојот и ставот на двајцата грци што ги спомнуваш. НАЈВАЖНАТА разлика помеѓу мојот став и ставовите на овие двајца е во тоа што тие предлагаат „Северна“ или „Вардарска“ - ВО УСТАВОТ. ПРОБАЈ ДА ЈА СВАТИШ РАЗЛИКАТА! (ако можеш) После таква глупост, само како завршен технички чин ќе следи промената на нашиот идентитет. Своите геноцидни амбиции да ја збришат македонската нација, овие двајца ги замачкуваат со итроштината: Ај ПРВО во уставот ставете „Северна Македонија“ или „Вардарска Македонија“, ама не се секирајте, идентитетот ќе ви биде Makedonski. А после тој идентитет ќе го дораспарчат со тоа што ќе станел Северно-македонски, Вардарско-македонски, (па дури тој вториот оди дотаму да каже и албанско-македонски и бугарско-македонски - за македонците што се осеќаат македонци, а живеат во Албанија или Бугарија). Мојот предлог Republic of MAKEDONIJA е во суштина различен од нивниот, затоа ШТО НЕ НИ ГО МЕНУВА УСТАВОТ. АКО го слушаше Груевски пред некој ден, тој конечно ја кажа нашата црвена линија која до пред 1 месец и не постоеше како официјално искажан став од било кој политичар во овие 20 години: НЕ ГО МЕНУВАМЕ УСТАВОТ! ТОЧКА! КРАЈ НА АМБИЦИИТЕ НА ГРЦИЈА ДЕКА ЌЕ НЕ’ НАТЕРА ДА СИ ГО СМЕНИМЕ УСТАВНОТО ИМЕ! А логиката на таа наша црвена линија е прилично јасна: како што се викаш во сопственото крштениче (устав) таков ти е идентитетот. Од сето ова - јас како единствено можно компромисно решение (ако сакаме да направиме компромис) го гледам Republic of MAKEDONIJA за севкупна употреба. Ти од друга страна не изнесуваш предлог како би се постигнал компромис, туку го критикуваш мојот став со богусни обвинувања дека тој бил ист како на грците (а како што гледаш во секој свој збор грците бараат да си го смениме уставното име, додека јас во секој мој исказ тврдам дека УСТАВНОТО ИМЕ НЕ СМЕЕ ДА СЕ СМЕНИ). СВАТИ?

Тие ставови не се официјални, ама пак ќе ти кажам, провери кој е Кофос и кое е неговото влијание во однос на одредување на политиката на Грција за разни историски прашања. Очигледно тоа не ти е јасно, затоа и се истрчуваш.

А и не разбираш очигледно што значи Устав. Уставот е највисок правен акт во рамки на домашниот правен поредок. Уставот нема меѓународна правна сила. Тоа тебе очигледно не ти е јасно, па постојано повторуваш дека треба да го заштитиме Уставот, небаре Уставот е нападнат од сите страни. А ако веќе си го прочитал Уставот, кој толку го браниш, согласно член 118 од истиот, ратификуваните меѓународни договори, а дел од тоа е и привремената спогодба, се дел од внатрешниот правен поредок. Тоа значи дека референцата ПЈР Македонија, сакал ти или не, согласно Уставот, е дел од внатрешниот правен поредок. Истото ќе се случува и со секој постигнат договор, независно дали ќе се менува Уставот или не. Тој договор, со тоа име кое се предлага, ќе претставува дел од внатрешниот правен поредок.

Не ми треба мене да ми објаснува ниту Груевски, ниту опозицијата, ниту било кој кое име од што е дел и како треба да се брани Уставот.

А ти треба да разбереш дека покрај тоа што ти го нарекуваш домашно крштениче (Устав) постои и меѓународна "лична карта" на земјата, во рамките на ООН. Таму Уставот, кој ти го браниш жолчно, нема никакво значење. Не случајно ти споменав дека и Грција во нејзиниот Устав се нарекува Елада, но во личната карта која ја има во ООН нејзиниот идентитет е јазик е наречен грчки.

Твојот предлог и да го менува Уставот и да не го менува, го менува идентитетот. А идентитетот не е целосно поврзан со името на самата земја. Нашата земја во ООН е запишана како поранешната југословенска Република Македонија. Но, идентитетот и јазикот се запишани како MACEDONIAN. Токму затоа и во нашите лични карти и пасоши е запишано државјанството/nationality како Македонско/Macedonian. На Грците најмногу им боде очи токму тоа Macedonian, кое е наш идентитет пред светот сега и покрај привремената референца. Со новото име, тие бараат токму тоа и да се смени, односно да пишува Македонско/Makedonski.

Накусо кажано, Уставот кој толку го браниш, не е извор на меѓународното право. Извор на меѓународното право се меѓународните договори и обичаите.

Остави ги нашите политичари што му го матат паметот на народот, тоа е нешто сосема друго.

Се надевам дека после ова ќе сфатиш дека дури и да имаме меѓународно име кое ќе е различно од уставното, тоа не значи дека ќе имаме и променет идентитет. А дури и да го задржиме уставното име во варијантата која ти ја предлагаш, тоа не значи дека идентитетот во меѓународнтата лична карта ќе ни остане ист.

DameMak напиша: Македон напиша: Грците се согласуваат со географска одредница кога е во прашање официјалното име на земјата, но кога е во прашање идентитетот (местото во твојата лична карта и пасош каде што пишува државјанство/nationality: Македонско/Macedonian) бараат да пишува Mакедонско/Makedonski. Не кажувај невистини т.е. глупости што лесно те издаваат дека во недостаток на аргументи си прибегнуваш кон лаги. КАДЕ И КОГА ГРЦИТЕ СЕ СОГЛАСИЛЕ ИЛИ ПОБАРАЛЕ за државјанство/nationality да пишува Mакедонско/Makedonski: ОДГОВОРИ НА ОВА ПРАШАЊЕ!

Во обид да го претставиш сопствениот предлог за совршен, мижиш и пред очигледни нешта. Како и да е, еве ти примери:

Aлександрос Малјас

Не заборавај дека Малјас беше амбасадор на Грција, покрај во Скопје, во Вашингтон.


Евангелос Кофос

За Кофос и не треба да ти објаснувам зошто неговото мислење тежи мошне многу в Грција. Истражи на интернет и ќе видиш какви се функции вршеше Кофос.

Дури и на симулацијата организирана во Охрид, во однос на преговорите за името, Грците излегоа со ставот за транскрибирање на нашиот идентитет на латиница.

Истотака, ревидирај си го предлогот, затоа што, како што и други членови ти укажаа, се согласува со ставовите на Кофос и Малјас.

Изменето од Македон - 31.Јули.2011 во 23:53

DameMak напиша: Македон напиша: DameMak напиша: Порака до грчкиот фашист (а и мој став): Па REPUBLIC OF MAKEDONIJA е токму тоа: Ем е транслитерирано име што се наоѓа во нашиот устав, ем има и геогравско значење: Ја означува денешната Република МАКЕДОНИЈА! Транслитерирано име, кое на англиски воопшто не ја означува земјата позната како Македонија...искрено, одамна те читам и предлогов се совпаѓа со она што Грците го сакаа, а тоа е транслитерација на нашиот идентитет и име. Како да не, се совпаѓал. Грците сакаат „северна“, „горна“, „вардарска“ или „славо“ - И ТОА ВО УСТАВОТ ДА НИ Е ЖИГОСАНО. А дека зборуваш ТОТАЛНО на памет за транслитерираното име MAKEDONIJA на англиски, погледни само под кој интернет домејн е форумов (.mk), која е банкарската меѓународна ознака за македонскиот денар (MKD), и како е меѓународната скратеница за земјата позната како Република Македонија (MKD). Дали името MAKEDONIJA на англиски од кој се произведени тие ознаки ни го сменија и ни го транслитерираа нашиот идентитет? Можда твојот го смениле ти си знаеш, а мојот сеуште е македонски идентитет.

Мешаш основни работи. Грците се согласуваат со географска одредница кога е во прашање официјалното име на земјата, но кога е во прашање идентитетот (местото во твојата лична карта и пасош каде што пишува државјанство/nationality: Македонско/Macedonian) бараат да пишува Mакедонско/Makedonski.

Кратенките немаат секогаш врска со имињата на земјите. Грција се нарекува Елада во Уставот, а кратенката и е GR, Швајцарија е пак со кратенката CH.

А зошто е тоа така, оставам самиот да заклучиш.

Изменето од Македон - 30.Јули.2011 во 16:35

Kali напиша: DameMak напиша: Кали, Точно е дека Грција е во многу подобра позиција од нас, не уценува и се намерачила да ни изврши софт-геноцид, ама не треба заради тоа да сме малодушни и да мислиме дека не е можно решение. Да те потсетам, Александар Македноски да беше така малодушен пред многу посилниот непријател - немаше денеска да знаеме за него. Ама тој пред се’ работеше со мозок и развиваше стратегија, а ја реализираше со прецизна тактика. Ние во Македонија, во врска со спорот за името со Грција незнам дали имаме стратегија? Еве да дефинираме црвена линија на национално ниво (за која јас би сакал да е: Името на државата во нашиот устав не го менуваме) - е тоа ќе почне да личи дека имаме стратегија. Така гледај ги овие дискусии кои ги водиме со неколку паметни дискутанти овдека (иако се разбира не се согласуваме во гледиштата). Кај да запишам датум, да се знае дека сум се согласила конечно со тебе Да, треба да имаме стратегија, и да, истата ја немаме. Тоа треба да го имаш предвид кога ја фалиш политиката на Грујо во врска со споров.

Драга Кали,

Дали го следеше вчерашниот говор на Груевски по повод изборот на владата?

Токму она што овде го начнав пред некое време (ТРЕБА И НИЕ ДА ИМАМЕ ЦРВЕНА ЛИНИЈА - А ТОА Е НЕМЕНУВАЊЕТО НА УСТАВНОТО ИМЕ) токму тоа вчера го слушнав од него. И посебно ми е драго што тоа го слушнав од Груевски.

Прашање:
Ако е тоа така - ако нашата црвена линија е НЕМЕНУВАЊЕ НА УСТАВНОТО ИМЕ - кое решение е логична разрешница на спорот со Грција?

Одговор:
Транслитерираното име Republic of MAKEDONIJA за во Обединетите Нации и севкупна меѓународна употреба.

Изменето од DameMak - 29.Јули.2011 во 18:48

DameMak напиша: Порака до грчкиот фашист (а и мој став): Па REPUBLIC OF MAKEDONIJA е токму тоа: Ем е транслитерирано име што се наоѓа во нашиот устав, ем има и геогравско значење: Ја означува денешната Република МАКЕДОНИЈА!

Транслитерирано име, кое на англиски воопшто не ја означува земјата позната како Македонија...искрено, одамна те читам и предлогов се совпаѓа со она што Грците го сакаа, а тоа е транслитерација на нашиот идентитет и име.

Да простиш господине,по старски че ти се обратам.

Нема ништо во тоа име што го кажуваш освен гео ГРАВ ско значење,како шо милуваш да кажиш.

Република,да РЕПУБЛИКА македонија е од Социјалистичка Република Македонија ,и тоа е само напишано од творците на Уставот,кога ,пази се ОСАМОСТОИВМЕ и затоа има многу работа ,на многу полиња(се осамостоивме само пред 20 години)

Е сега колку се има доблест да се признае тоа,а не само да се млати празна слама тоа е друго.
Инаку реалноста е таа,како што оваа власт милува нас обичниот народ да не масира,така и другите (ПОСИЛНИ) од надвор ги масираат и нив,само таа е вистината и ништо друго,кога ќе се признае ќе се знае со што треба да се бориме,СО ДВОЈНИ АРШИНИ нема никогаш да се реши проблемот на ПРАВИЛЕН НАЧИН.

Затоа што секој здраворазумен човек нема да поткрепува вакви АРАМИИ И УДБАШИ,а само тие да лапаат ,крадат и се богатат,а обичниот народ да го викаат заедно да го решел проблемот,така нема да може!.

Diogen напиша: Македон напиша: САД ја условува финансиската помош за Македонија со преговорите за името Ова е мошне лоша вест. Доколку американската држава ни го сврти грбот, тогаш, навистина, се што ни е изградено досега во овој спор, ќе ни падне во вода. Најстрашното е што и тие повторно започнаа да не нарекуваат под привремената референца. Не знам зашто треба да не чуди ваквиот став на САД. Многу логичен потег, кога ни беше најтешко, не признаа под уставното име, како поддршка побрзо да го решиме спорот, и дури ни дадоа блага предност, оти нели, се обврзавме за преговори за разликите околу името. Е, таа поддршка нашите „мудри“ политичари си ја земаа како џокер, па почнаа арогантна демонстрација на антиквизиација и национализам, плус тврд став (кочење) на преговорите.Ама САД сака да ги затвори проблемите по светот, особено во Европа, па нема врема да чека нашите „мудреци“ да се разбудат од сонот и да почнат да преговараат.Сега е касно, следи будење од сонот и расонување, а она што ќе го видиме, нема да ни се допадне...Големите сили немаат време да се играат со ситни „играчи“ како нашава власт...САД го затвораат Македонското прашање, имавме шанса, ја прокоцкавме, сега ќе го јадеме стапот....Ама некој сепак ќе се офајди и во оваа игра, само народот обичен, како и секогаш, ќе го окрка најдебело...

Зарем навистина мислиш дека на САД им одговара стабилна и моќна Европа, која би можле да претставува фактор кој би ги истиснал од регионот? Секако дека не. Напротив, на САД им одговара да има вакви држави како што е Македонија, со отворено национално прашање, кое некогаш може да им донесе моќ да интервенираат во регионот, доколку Европа не ја следи американската надворешна политика. Зарем Македонија ќе потпишеше договор за неиспорачување на американски војници на Меѓународниот кривичен суд во Хаг, или ќе дозволеше изградба на таква амбасада доколку беше дел од ЕУ. Да те потсетам, ставот на ЕУ е дека американски војници треба и мора да се испорачуваат во Хаг. Единствено Македонија не го почитуваше ставот на ЕУ. Ти говори ова нешто?

Од друга страна, САД изјави дека на ниту еден народ не смее да му биде наметнат идентитет кој го нема, а нашите политичари токму и за тоа се фатија во преговорите со Грција.

Останува на нашите политичари паметно да одиграат и да успеат да извлечат најмногу што можат од сево ова. Точно е дека и ние претеравме, но, сепак, јас мислам дека ништо од ова што се случува не можеше да се случи без благослов од САД.

Изменето од Македон - 26.Јули.2011 во 15:05