Најубавите стихови во Библијата

ПОСЛОВИЦИ
Глава 1


24 Колку ве повикував, а вие одбивавте; ја испружував раката, но никој не ја забележа;

25 туку го отфрливте секој мој совет и не ги послушавте моите опомени.

26 Затоа и јас ќе се смеам на вашата пропаст, ќе се потсмевам кога ќе ве снајде тешкотија;

ПОСЛОВИЦИ

Глава 14
7 Оди си од безумниот човек, зашто нема да запознаеш усни што зборуваат знаење.

Добро правите, ако го исполнувате Господовиот царски закон запишан во Светото Писмо: „Сакај го својот ближен колку што се сакаш себеси.“
Но ако спрема едни луѓе се однесувате подобро, а спрема други полошо, правите грев и според Светото Писмо вие сте престапници.
Дури и ако некој се придржува до целиот Закон, а згреши само на едно место, тој е виновник, како и оној што го прекршува целиот Божји Закон.
Зашто, истиот Бог, Кој рекол: „Не прави прељуба!“, рекол и: „Не убивај!“ Ако не си извршил прељуба, а си убил, ти си прекршител на Законот.
Зборувајте и постапувајте како луѓе што ќе бидат судени според милостивиот Закон на слободата!
Инаку, на Судниот ден Бог нема да биде Милостив кон оние што биле безмилосни спрема другите.
Милоста триумфира над осудата!



(Јак. 2:8-13)

Од една крв го создаде сиот род човечки за да живее по целото лице на земјата,
откако утврди предопределени времиња и граници на нивните живеалишта,
за да Го бараат Господа, та да би можеле некако да Го насетат и најдат,
иако Тој не е далеку од секого меѓу нас: зашто ние преку Него живееме, се движиме и постоиме ...!

   
(Дела Апостолски 17:26 ...)

ПОСЛОВИЦИ
Глава 1


7 Стравот од Господа е почеток на мудроста, но безумните ги презираат мудроста и поуката.

Еве, доаѓа со облаците и ќе Го види секое око, и оние, кои Го прободоа, и сите земни племиња ќе заридаат за Него. Да, амин!


Откровение 1:7

2 ТИМОТЕЈ
Глава 3


1 А ова знај го: во последните денови ќе настанат тешки времиња,

2 зашто луѓето ќе бидат саможиви, среброљупци, самофалци, горделиви, хулители; непокорни на родителите, неблагодарни, несвети;
...

3 без природна љубов, непомирливи, клеветници, невоздржани, жестоки, непријатели на доброто,

4 предавници, избувливи, надуени, повеќе сластољубиви, а не богољубиви,

5 кои имаат изглед на побожност, а се одрекле од нејзината сила; отстранувај се и од нив!