Кога станува збор за љубовта и емоциите, најпрво ви текнува на емотивните Ракови, а на крај на оваа листа, по некое непишано правило, секогаш се наоѓаат егоцентричните Лавови. Но, реалноста е малку поразлична.

Листата на петте најлесно заљубливи хороскопски знаци е следнава:

Број 1: Стрелец - Можеби се спонтани и индивидуалци, но ги сакаат долгите врски кои ги подигнуваат до небо. За момент, сакаат да побегнат од реалноста и да отпатуваат на некоја романтична дестинација. Вечно сонуваат по личност која ќе ги заведе и ќе ги заинтересира до крајот на животот.

Број 2: Бик - Обожава долги врски, но сака да влегува во кавги за работите во кои е цврсто уверен. Романтичен е и грижлив. Сè ќе даде само за да го задржи вниманието на саканата личност. Сака забава и авантури, но подготвен е да се „жртвува“ за љубовта на својот живот.

Број 3: Водолија - Можеби се ексцентрични, но се почувствителни отколку што сите мислат. Под креативниот оклоп се кријат личности кои сакаат да бидат сакани, чувани и разгалени. Колку и да звучи контрадикторно, Водолиите сакаат мирна врска.

Број 4: Рак - Зачудувачки, но Ракот не е првиот на оваа листа. Сепак, одлично се бакнува, добро изгледа и е една од најгрижливите личности во хороскопскиот знак. Сексот е нивно емотивно поврзување, а доколку стигнете до тој чекор со некој Рак - нема назад.

Број 5: Лав - Уште еден знак кој се очекуваше да биде на 12то место, под сите, но и Лавовите знаат безусловно да сакаат. Страстен знак кој ужива во освојувањето, шармирањето и заљубувањето, само ретко кога признава. Ако не сте подготвени за врска, во никој случај не си поигрувајте со срцето на Лавот, затоа што тоа е покревко од што мислите.

Влијанието на планетите е различно врз здравјето на секој хороскопски знак поединечно. Ракот има големи проблеми со варењето, Водолиите со срцето, а Биковите патат од болки во ушите.

Во продолжение откријте ја вашата слаба точка според хороскопскиот знак.

Овенот пати од главоболка
Овенот е склон кон размислување и претерани анализи, па заради тоа најчесто го мачат болести врзани за главата. Најчесто има проблем со силни главоболки, поретко му се јавуваат болки во забите, но затоа никогаш нема да пати од црвенила или осипи на кожата.

Ушите се болна точка за Бикот
Бикот најчесто заболува од воспаленија на грлото и има проблеми со вкочанетоста во вратот. Воспаленијата и инфекциите во ушите се нешто од што најмногу треба да се чува.

Близнаците имаат чувствителни дишни патишта
Близнаците се секогаш во движење, па не е ни чудо што се жртви на воспаленија на мускулите и тетивите. Доста проблеми имаат и со хроничната кашлица, чести настинки, бронхитис и болки во рамениците.

Раковите имаат проблеми со варењето
Емотивниот Рак е доста чувствителен како на своите, така и на туѓите проблеми, па можеби затоа секогаш пати од болки во желудникот и стомакот. Неговата лутина и тага е тесно поврзана со варењето на храната во желудникот, па секој стрес влијае негативно на нивното варење.

Лавот мора да внимава на срцето
На Лавот најголем проблем му задава срцето и циркулацијата проследена со болки во грбот. Заради тоа овој хороскопски знак мора да внимава на холестеролот, да избегнува масна храна и да зајакнува со кардио вежби.

Девицата ја мачат алергии и чирови
Исто како и кај Близнаците, така и Девиците имаат проблем со варењето на храната. Токму затоа тие најчесто страдаат од чирови на желудникот, алергии на храна, болка и мачнини во стомакот.

Вагата има слаб мочен меур
Припадниците на овој знак се склони кон неумерено јадење и пиење, па затоа често ги мачи мокрењето, каменчиња во бубрезите и неправилна работа на бубрезите која често пати може да предизвика анемија.

Скорпијата се бори со инфекции и дијабетес
Негативните емоции и песимизмот кој е карактеристичен за Скорпиите може значајно да влијаат на нивното здравје, особено на работата на мочниот меур и бубрезите. Припадниците на овој знак често пати се во силна борба со инфекции и дијабетес, а женските Скорпии имаат и болни менструални циклуси.

Стрелците имаат проблем со црниот дроб и ‘рбетот
Јупитер кој доминира во знакот на Стрелецот ги контролира колковите, бедрата, ‘рбетот и црниот дроб, па заради тоа овој хороскопски знак е склон кон широк спектар на болести. Од реума, артритис, па сè до проблеми со излачувањето. Заради осетливиот црн дроб им се препорачува да избегнуваат големи количества на алкохол.

Јарецот би требало да внимава на коските
Упорниот Јарец секогаш води војна со слабите коски, болките во колениците, забите и зглобовите. Припадниците на овој знак најчесто заболуваат од артритис и остеопороза, а истегнувањата се нивно секојдневие.

Водолијата ја мачи срцето
Брзите Водолии никогаш немаат време за одмор што негативно влијае на здравјето. Исто како и Јарците, припадниците на овој знак се склони кон артритис, но и имаат големи проблеми со срцето, проширените вени, астма и алергии.

Рибите имаат слаб имунитет и болки во нозете
Кога чувствителните Риби им се препуштаат на емоциите, најчесто страда нивниот имунитет. Што полошо се чувствуваат, толку повеќе имунитетот и јачината им опаѓа, а најчесто се жртви на болки во нозете и областа на очите.

Како гледате на работите и случувањата во животот? Знаете ли да се утешите и да го видите светлото на крајот од тунелот или мислите дека е крај на светот?

Овенот си го попречува патот низ сите непријатни ситуации, оптимизмот на Бикот се темели врз верата во своите способности, а на Лавот ретко кој може да му го наруши оптимизмот..

Дали сте песимист или оптимист според хороскопскиот знак?

Овен

Вие сами си го попречувате патот низ непријатните ситуации кои ви ги носи животот, а при тоа воопшто не се вознемирувате дека може да бидете истуркани или отфрлени. Сето тоа е дел од животот си велите себеси и продолжувате понатаму. Во моментите кога ви е намален оптимизмот добро е да изброите до 10 , за да застанете и да го послушате внатрешниот глас, а тој ќе ви каже дека сте некој кој е вреден за почит и тоа ќе ве врати во колосек. Вашето мото е: Утре е нов ден!

Бик

Вашиот оптимизам се заснова на силата на вашата добра волја и вербата во сопствените способности, таленти и знаење. Поседувате моќ да го маѓепсате спротивниот пол, поради што и самодовербата ви е на високо ниво. Вашата посесивна природа може да биде камен кој ќе ве сопне во однос на љубовта, семејството или пријателските односи, па дури и работните. Ако почувствувате дека некој сака да ви одземе нешто, почнувате да се сомневате во себе. Во таквите моменти утеха за себе може да најдете во прошетка низ природа или во некој креативен амбиент.

Близнаци

Сè додека околу себе можете да видите различни можности за да се занимавате со некоја работа која ја сакате или врска со некој кој ви се допаѓа, нема причини за песимизам. Вашиот оптимизам се заснова на промени, бидејќи ве плаши досадата, а самотијата никако не ви одговара. Интелигентни сте и снаодливи, прилагодливи и духовити, па во секоја ситуација успевате да најдете своја светла страна. Вашиот оптимизам извира од вашата љубопитна природа. Постојаното трагање по нови идеали и потребата за дружење со другите луѓе.

Рак

Сите мислат дека сте премногу грижливи, а всушност сè околу себе длабоко преживувате, па речиси е неизбежно да се грижите околу реални или нереални навреди. Тоа можете да го надминете доколку успеете да воспоставите малку поинаков однос кон својата околина. Престанете да се грижите околу тоа што мислат другите за вас. Иако вам ви е важно мислењето на блиските, сепак треба да бидете искрени кон себе и да сфатите дека не можат сите да ги прифатат вашите погледи на светот.

Лав

Ретко што може да го загрози вашиот оптимизам бидејќи уживате во животот сфаќајќи дека се состои и од позитивни и од негативни искуства. Освен тоа, длабоко се почитувате себе. Сепак имате и вие свои слаби точки, а тоа најчесто се љубовта или децата. Меѓутоа, дури и во лошите ситуации успевате да го извлечете најдоброто. Кога ќе почувствувате дека ве обзема песимизам, сетете се дека целиот свет е една голема сцена, на која судбината вам ви ја доделила главната улога. Штом излезете да прошетате или во шопинг, повторно се враќа во вас оптимистичниот Лав.

Девица

Поради вродениот перфекционизам и критицизам често имате проблем за светот околу вас да го гледате од поведрата страна. Чашата попрво ќе ја видите како полупразна, отколку како полуполна. Не можете да одите против својата природа која секогаш бара влакно во јајцето. Дури и самите понекогаш сте изморени од темните облаци зад кои не можете никако да видите сонце. Сепак, ако еднаш се потрудите да ја побарате посветлата страна ќе сфатите колку подобро ќе се чувствувате и физички и психички. Тогаш до израз доаѓа вашата исклучителна смисла за хумор со која ја освојувате околината.

Вага

Во вас се менуваат сјајниот оптимизам и нерасположението. За среќа, мрачните периоди се секогаш пократки од ведрите, иако понекогаш може да ве извадат од колосек, да предизвикаат кавга. Доколку сте нерасположени обидете се да ги одложите обврските барем на некое време за да не ви го уништат дополнително расположението. Доброто расположение искористете го за работа и она што бара истрајност. Не барајте утеха во слатките, туку потсетете се на она што досега сте го постигнале, испразнете се со вежби или одете на прошетка со некој кој сакате.

Скорпија

Горчливите и непријатни моменти во животот едноставно не умеете да го гледате од друга перспектива од онаа реалната. Исто така, поседувате доволно сила и одлучност самите да се извлечете од песимистичкото расположение. Кога ќе почувствувате дека ве обзема црнилото сконцентрирајте се на љубовта, работата која ве исполнува и пријателите кои ги имате во изобилие. Оној кој страствено сака, како што тоа го знае вашиот знак, многу лесно ќе најде утеха во емотивниот стил на живот.

Стрелец

За вас може да се каже дека го измисливте оптимизмот. Тој е една од главните карактеристики на вашиот знак. Сепак, животните удари може да ви нанесат големо нерасположение и турбулентни периоди. Најсигурен начин повторно да се здобиете со самодоверба и да го вратите оптимизмот е да се спротивставите на она што не ви се допаѓа. Ништо не може да ве расположи подобро од убедувањето дека човечката слабост е моментална.

Јарец

Доколку сакате да уживате во животот, мора да се сконцентрирате на неговата ведра страна, што и самите го знаете. Заради тоа, претставниците на вашиот знак се задоволни личности, со дух многу помлад од своите врсници. Иако вашиот вроден реализам никогаш не ве напушта, можете да бидете и огромен оптимист дури и кога стоите цврсто на земјата. Луѓето често бараат совет од вас, па неретко може да се уловите во улога на вечен оптимист кој упорно се обидува да ги развесели другите.

Водолија

Вие знаете како да уживате во животот, па не е ни чудо што во секој момент наоѓате убавина и надеж. Енергични сте, имате богата фантазија и вечни оптимисти. Иако не ве заобиколуваат разочарувањата и тешкотиите, сепак знаете да воспоставите лична контрола. Одлична помош ви се уметноста, природата и домашните миленици. Затоа, колку почесто можете, своето уживање во животот споделувајте го со другите.

Риби

Лесно е да ве повредат, затоа што сте чувствителни и склони кон промена на расположението. Но, во моментите кога најголемата тага ве обзема, планирате како да се извлечете, што е добар почеток. Сè додека не е проследено со често нуркање во фрижидерот или постојаното налевање со кафе, имате шанси да го задржите оптимистичкиот став. Потрудете се да ги избегнувате оние кои ја користат вашата љубезност, а кога веќе тоа ќе го сфатите предоцна, утешете се со омилената литература, музика или присуството на искрениот пријател.