Критики позитивни/негативни на личните тв

Quentin

Во боите на виножитото

Ќе се најдеме пресликани во
боите на виножито
и без запирки
ќе си ги прераскажуваме
миговите откорнати
од едно збогум,
што долу на земјата
боли повеќе
од отворена рана.
Ќе ми споделиш
дека грижливо си
ги собирала сите мои стихови
и сега е моментот да
ја замениш тагата во нив
со божествени ноти
на една небесна харфа.
Пушти ја харфата, душо,
ќе ти речам.
Размрдај ги прстите
и засвири по мене.
Ќе излезат најубавите звуци
од едно тело што цела вечност
те посакува.
Ќе блеснат најмилните погледи
од едни очи што четири години те гледаа,
а уште четириесет ќе те сонуваат.
Дождовите и сонцето оттогаш
везден ќе се љубат,
но виножито веќе ќе нема...



***

...прекрасно... :)

Тргни напред!
Од денеска само пред себе гледај,
а назад не врти се
само понекогаш за она што било спомнувај си.

Биди сигурен!
Пушти го чекорот пред твојата сенка,
а сонцето нека те води
никогаш, пред ништо не клекнувај.

Прегрни го денот!
Утрото со раширени раце пречекај го,
а ноќта со спокојство повикај ја
со сонот сплоти ги.

Живеј го животот!
Душата со светлина исполни ја,
а срцето за љубов отвори го
само да те живее животот не давај!


                                                                                          На неуморниот творец, со почит и љубов!


Другарче, благодарам за песната! Си ја погодил целта со оглед на животната раскрсница на која се наоѓам сега.

И јавна благодарност до filmadzijka за песната За незнајниот поет. Мила, отсекогаш си знаела да ги склопиш вистинските зборови! Ќе ти се заблагодарев досега јавно, ама не знаев дека е за мене песната. Нема поголемо задоволство од тоа да ти напишат песна!

Темава ја отварам со цел сите коментари и критики, било да се позитивни или негативни, а се однесуваат на личните творби во Вашата Поезија и Ваша песна,состав или што било напишано, да ги пишуваме тука!