Хороскоп

Риби (19. II – 20. III)

Општи карактеристики за риби

Рибите се управувани од две планети – Јупитер и Нептун. Во римската митологија Јупитер е цар на боговите, а Нептун - владетел на морињата. Јупитер исто така управува со стрелец, но додека рибите ја претставуваат женската страна, стрелецот ја претставува машката. Нептун е претставник на сè што е мистично, на соништата, заблудите, фантазијата.

Родените во овој знак се идеалисти и во повеќето случаи нивните желби се нејасни. Симболот на овој знак се две риби, кои пливаат во различна насока. Едната риба ја симболизира реалноста, а другата мечтите. Ако вашиот знак е риби, вие имате силно развиена интуиција и секогаш знаете што се случува околу вас. Еден дел од вас секогаш сака да „исплива“ и да избега од реалноста.

Вие сте многу креативни, а вашата фантазија е идеалното скривалиште во моментите кога сакате да избегате од реалноста. Љубител сте на танцувањето, филмовите, поезијата и музиката. Секој претставник на овој знак треба да има дневник покрај својот кревет, затоа што најдобрите идеи кај рибите идат додека тие спијат.

Никогаш не сте агресивни, лесно наоѓате лидер кој што ќе ве води и сте задоволни кога судбината ве води, независно дали во познат или во непознат правец.

Риби е знак спротивен на девица, знакот на здравјето. Додека девиците се интересираат за конретните аспекти од животот, рибите се сврзуваат со потсвеста, со емоционалниот и менталниот живот. Претставниците и на двата знаци се посветуваат премногу на другите, но рибите понекогаш премногу влегуваат во улогата на жртви.

Елементот на рибите е водата и како воден знак вие сте многу емоционални и одговарате на предизвиците преку чувствата, а не преку физички, практични и интелектуални дејствија. Во љубовните односи сте нежни, верни и романтични, но само додека партнерот чува во себе си некаква таинственост. Кога таинственоста исчезне веднаш се разочарувате и тргнувате во потрага по нов партнер - идеалниот.

Поради фактот што рибите се последниот знак во хороскопот, вие имате можност да учите од првите единаесет знаци. Родени сте за да му помогнете на човештвото да ги достигне највисоките нивоа на духовност. Иако понекогаш се чувствувате беспомошни, вие сте многу посилни отколку што можете да си претставите. Најдобриот начин за да ја почувствувате вашата сила е да им помогнете на луѓето, кои имаат потреба од помош.

Луѓето околу вас имаат многу големо влијание на вас и многу лесно можат да направат да се чувствувате виновни. Поради тоа треба да стоите настрана од „пријатели“, кои ве искористуваат или прават да се сомневате во самите себе. Оставете ги околу вас само оние ваши пријатели, кои имаат добро срце!

Симбол:
Риба

Симболизира:
Океани, промени, гостопримство, пороци, зависност, болници, затвори, филантропија, добротворни организации, заштита на животните, предавство, тајни науки, шпионажа, бегство од обврски, самоубиства.

Елемент:
Вода

Планета:
Јупитер и Нептун – планетата на фантазијата и соништата.

Ден од седмицата:
Четврток

Боја:
Морско сина

Број:
2

Скапоцени камења:
Сафир

Најдобри професии:
Поети, пророци, лекари, писатели, илузионисти, балерини, актери, фотографи, рибари, хипнотизери, монаси, свештеници, медицински сестри, уметници.

За да се спријателите со нив:
Учествувајте во дејностите кои ги извршуваат и помагајте им кога имаат проблеми.

Дел од телото:
Стапало

Добри карактеристики:
Романтични, интуитивни, мистични, услужливи, мудри, спокојни, креативни, ведри, скромни, љубезни, мечтатели, прекрасни партнери, многу романтични, нежни, чувствителни.

Лоши карактеристики:
Наивни, самосожалувачки и самоуништувачки настроени, надвор од реалноста, расеани, песимисти, неуверени, неорганизирани, нерешителни, порочни, зависни, лицемери, предавници, страшливци.

Карактеристики по кои ќе ги познаете:
Слатка насмевка, ненадејни движења.

Омилени работи:
Танцување, романтични средби, смеење и плачење, прошетки на плажа, долги поетски писма.

Работи кои ги мразат:
Реалноста, фрлањето на новогодишната елка, дневна светлина, лош дизајн и гласна музика.

Можете да ги најдете:
Како им помагаат на стари лица, како мечтаат во ноќните клубови, како се држат за раце под масата во романтичен ресторан.

Скриена желба:
Да најдат безусловна љубов!

Јарец (22. XII – 19. I)

Општи карактеристики за јарец

Сериозните јарци се управувани од Сатурн - планетата на тешките лекции и слободата. Во римската митологија Сатурн е татко на боговите, господар на времето и кармата. Под влијание на Сатурн многу јарци се стремат да ги постигаат своите цели со тежок труд. Јарците се луѓе, кои што свикнале на тешките казни од Сатурн и поради тоа го гледаат животот како тежок пат, по кој наградите идат само преку страдање и жртвување.

Симболот на амбициозните јарци е планинскиот јарец, кој што претпазливо се искачува по камениот рид. Ако сте родени под овој знак, вие сте многу трпеливи и се издигате во општеството стапка по стапка. Иако вашиот пат не е лесен, вашата амбициозност и добрата дисциплина ви даваат сила да стигнете до целта. Кога некој се обиде да ви го попречи патот до врвот вие знаете да бидете сурови и тврди.

Добри лидери сте и најверојатно имате свој бизнис или се одвојувате од останатите служители со своето иноваторство и посветеност. Никогаш не ја оставате работата недовршена. Способноста да организирате, заедно со вниманието кое им го посветувате на деталите, ве прави многу ефективни. Понекогаш сте премногу критични кон оние што не се толку амбициозни како вас.

Многу често сте фаталисти и гледате на иднината со недоверба. Вашата големина е во вашата упорност, т.е. работите секогаш напорно додека не ги постигнете вашите цели. Вашите амбиции се бескрајни, но знаете да ги конкретизирате вашите планови и таа ваша способност ве прави најуспешниот знак во хороскопот.

Во љубовта не сакате да ризикувате и поради тоа сте верни и секогаш стабилни. Елементот сврзан со јарецот е земја. Земните знаци се практични и одговараат на предизвиците со практични методи, наместо да вложуваат интелектуален или емоционален напор.

Во слободното време сакате да се натпреварувате. Љубители сте на колективните спортови, но кога губите за загубата се виновни сите учесници. Вие сте секогаш силни, па дури и во најтешките моменти знаете да им дадете утеха на другите. Поради тоа имате многу лојални пријатели. Секогаш сте посветени на вашите пријатели и на семејството. Ги исполнувате вашите ветувања и затоа другите можат да сметаат на вас.

Но, запомнете дека некогаш и вие треба да се забавувате. Животот не мора секогаш да биде борба. Уживајте во вашите победи дури и тогаш кога не сте работеле многу тешко за нив.

Симбол:
Планинскиот јарец

Симболизира:
Политика, планини, изолирани и оддалечени места, борба, бариери, забрани, лоша среќа, професионални амбиции, успешна кариера, деформации.

Елемент:
Земја

Планета:
Сатурн – планетата на дисциплината и зрелоста.

Ден од седмицата:
Сабота

Боја:
Темно зелена, кафеава, црна.

Број:
4

Скапоцени камења:
Олово, тиркиз, аметист.

Најдобри професии:
Банкарски служители, бирократи, историчари, ортопеди, дерматолози, политичари, администратори, минери, инженери, архитекти, геолози, шахисти, етнолози, антрополози.

За да се спријателите со нив:
Внимавајте во комуникацијата со јарците! Држи дистанца додека тие не ти дозволат да се доближиш.

Дел од телото:
Колена, кожа, коски и заби.

Добри карактеристики:
Лојални, мислат на својата фамилија, работливи, посветени, чесни, бестрашни, амбициозни, решителни, лидери, одговорни, реалисти, прагматични, организирани, внимателни.

Лоши карактеристики:
Песимисти, не простуваат лесно, ладни и резервирани, материјалисти, снобови, безнадежни, знаат да лажат, кариеристи, фаталисти, меланхолици, срамежливи, инаетчии, завидливи, егоисти, со тврди позиции.

Карактеристики по кои ќе ги познаете:
Карактеристична вилица, силни заби, умен поглед.

Омилени работи:
Бизнис картички, цели, да бидат „главни“, ексклузивни клубови, ножни спортови особено фудбал, мотоциклизам, кожни работи.

Работи кои ги мразат:
Да се откажуваат, викање на јавни места, грешки од невнимание, да патуваат без водич.

Можете да ги најдете:
Како поминуваат квалитетно време со семејството, како опседнато работат на некој проект, како режираат некој долгометражен филм.

Скриена желба:
Да им бидат задоволени сите потреби!

Шкорпија (23. X – 21. XI)

Општи карактеристики за шкорпија

Силните шкорпии се управувани од две планети Плутон – планетата на моќта и контролата и Марс – планетата на војната и енергијата. Плутон е извор на власт и влијание, но и на мистерија (во митологијата Плутон е Бог на подземниот свет). Многу шкорпии се „дават во темнината“ и многу често носат црно или шокираат со бои, како црвената и розовата. Мистериозните Скорпии се најнеразбирливиот знак во хороскопот.

И шкорпијата и овенот се управувани од Марс. Во древната митологија, Марс е бог на војната. Под влијание на Марс шкорпиите се стратезите во хороскопот, тајните агенти, кои планираат, додека овните се на чело на битката.

Ако сте родени во овој знак, исто како и митолошката шкорпија и вие реагирате остро на сè и не сакате да се потчинувате на заповеди. Понекогаш развивате самоуништувачко поведение и исто како и шкорпијата може да се „самоизедете“ пред некој друг да го направи тоа. Кога еднаш земете решение не го менувате и понекогаш ги постигате дури и оние цели, кои што други би ги нарекле невозможни.

Шкорпијата е еден од најсилните знаци во хороскопот заедно со лав, водолија и јарец. Оние кои што ќе се обидат да го променат карактерот на шкорпијата ќе наидат на проблеми, затоа што никој не знае која е тајната мотивација за нивните постапки.

Шкорпиите имаат многу сложен карактер. Шкорпијата е знак на сексот и смртта, на крајот и почетокот на сè. Како претставник на овој знак вашите идеи ги разгледувате од емоционална гледна точка. Понекогаш знаете да ги потискате емоциите, но внатрешно сте многу чувствителни. Доста аналитични сте и се задлабочувате во дејствата и чувствата.

Во љубовните односи сте верни, исклучително нежни, страсни, но оној кој е до вас го гледате како своја сопственост. Вие сте толку моќни што луѓето го чувствуваат вашето присуство уште пред да кажете нешто, но и вие ги чувствувате сите вибрации. Го гледате секој детаљ и ги читате луѓето како отворена книга. Вашите пријатели ја знаат вашата лојалност и сè што треба да направат е да свикнат на „високиот напон“. Ако некој ве предаде подобро да внимава – како и шкорпиите и вие нанесувате болен убод како одмазда.

Поради тоа што вашиот знак е мистериозен, поработете на тоа да бидете поотворени со луѓето. Тоа ќе ја развие довербата и ќе ги подобри вашите односи со другите луѓе. Моќта за концентрација на шкорпиите е неверојатна, но внимавајте да не се опседнете. Сопрете ги љубомората и посесивноста преку вложување на повеќе енергија во некаков проект.

Симбол:
Шкорпија

Симболизира:
Мистерија, магија, скриени сили, трансформација, борба, предизвик, завист, промена, страсни драми, наследство, разрушување и воздржување.

Елемент:
Вода

Планета:
Плутон – планетата на моќта и регенерацијата.

Ден од седмицата:
Вторник

Боја:
Црвена

Број:
2

Скапоцени камења:
Железо, опал, рубин и обсидијан.

Најдобри професии:
Јасновидци, психијатари, психолози, лекари, хирурзи, полицајци, детективи, шпиони, војници, банкери, вешти лица, нотари, патолози, сопственици на погребални агенции.

За да се спријателите со нив:
Не им се спротивставувајте, дури и кога не се во право!

Дел од телото:
Органи за репродукција, јајници, гениталии.

Добри карактеристики:
Магнетни, таинствени, страсни, лојални, заштитници, смели, добри советници, категорични, интуитивни, со интензивни чувства и емоции, љубопитни, самокритични, енергични, не примаат средна позиција, поседуваат способност за аналитично мислење.

Лоши карактеристики:
Опсесивни, посесивни, љубоморни, манипулатори, сакаат да се одмаздуваат, секогаш незадоволни, деструктивно критични, тирани, брутални, жестоки, завидливи, нетолерантни.

Карактеристики по кои ќе ги познаете:
Очи кои ги изразуваат нивните чувства, орлов поглед, смирени движења.

Омилени работи:
Зачинета храна, рок музика, уникатни предмети, безжични апарати, органска храна.

Работи кои ги мразат:
Неискрено ласкање, лични прашања, да живеат во туѓа куќа, прости луѓе.

Можете да ги најдете:
Како седат на ќошот од масата во некој бар; како ги расклопуваат работите и после тоа се обидуваат да ги вратат таму каде што припаѓаат; јадејќи зачинета храна во некој ресторан.

Скриена желба:
Да имаат целосна и комплетна контрола

Девица (23. VIII – 22. IX)

Општи карактеристики за девица

Девиците се управувани од МерК*р – планетата на интелектот и комуникацијата. Ако вашиот знак е девица, тогаш сигурно сте многу љубопитни. Секогаш сакате да знаете сè до детали, потоа тоа го анализирате, формирајќи си свое мислење и преценка.

Многу сте слатки и наивни, но вашиот брз ум никогаш не пропушта ниту еден детаљ. Обожавате да анализирате сè! Фактички може да полудите, затоа што никогаш не престанувате да мислите. Одморете го малку вашиот ум решавајќи крстозбор, пишејќи приказна или подредувајќи го вашето биро.

Вие сте перфектен и прецизен работник, организирани сте и подредени. Поради вашиот перфекционизам, секогаш ги гледате грешките и недостатоците кај другите и понекогаш премногу ги критикувате вашите пријатели. Но, за сметка на тоа секогаш сте покрај нив кога имаат потреба од помош и никогаш не им велите „не“ кога им треба вашата услуга.

Секогаш внимателно ги слушате другите додека зборуваат и како резултат на тоа, секогаш им ги давате најдобрите совети. Вие сте од оние луѓе кои сакаат да им помагаат на другите, но никогаш не прифаќаат помош од нив. Оставете ги вашите пријатели да ви помогнат и да ве поддржат во тоа што го правите.

Во љубовта сте повеќе ладни и практични, отколку романтични. Како припадник на земјен знак уживате да бидете надвор, на отворено. Земјените знаци исто така се многу практични. Вие внимателно ги проценувате вашите одговори и никогаш не реагирате емоционално.

И за крај еден совет - пробајте да бидете малку поотворени кон луѓето околу вас. Не мора да бидете перфектни за другите да ве сакаат. Едноставно, бидете она што сте.

Симбол:
Девица

Симболизира:
Перфекционизам, аналитичност, логика, работливост, детализирање, потчинетост, ефикасност.

Елемент:
Земја

Планета:
МерК*р – планетата на интелектот и комуникацијата. Во Римската митологија МерК*р е пратеник на боговите, познат по своите аналитични способности. Тој е исто така познат по комуникациските способности, брзината и интелектот.

Ден од седмицата:
Среда

Боја:
Светло зелена

Број:
5

Скапоцени камења:
Сафир и топаз.

Најдобри професии:
Лекари, фармацевти, социјални работници, секретари, градежни работници, сметководители, библиотекари, медицински сестри и секакви работи поврзани со хигиена.

За да се спријателите со нив:
Поради тоа што ги сакаат деталите, покажете интерес кон оние детали, кои што обично не се забележуваат.

Дел од телото:
Стомак, половина, дигестивен систем.

Добри карактеристики:
Посветени, креативни, сакаат да помагаат, работливи, остроумни, практични, аналитични, перфекционисти, педантни, чисти, логични, остроумни.

Лоши карактеристики:
Самоуништувачки и самосожалувачки настроени, обожаваат да даваат совети и да ги затрупуваат другите со прашања, премногу критични, скептични, со комплекс за ниска вредност.

Карактеристики по кои ќе ги познаете:
Бебешко лице, скитнички очи кои ја анализираат секоја ситуација.

Омилени работи:
Лаптопи, списанија, да се тушираат долго време со ароматизирани сапуни, концерти на отворено, пријатели од детството.

Работи кои ги мразат:
Мрзливи или вулгарни луѓе, крчми, зачинета храна, да го напуштаат својот дом, несигурност, нејасни работи.

Можете да ги најдете:
Како ги чуваат децата на соседите; како ги исполнуваат обврските, од нивните бескрајно долги листи за работи кои што треба да ги направат; чистејќи перфектно без да остане ни една дамка.

Скриена желба:
Да бидат херои!

Рак (21. VI – 22. VII)

Општи карактеристики за рак

Ракот е управуван од постојано променливата Месечина, која што поминува низ многу циклуси и со тоа го прави расположението на ракот многу променливо. Исто како ракот и родените во овој знак најголемиот дел од својот живот го поминуваат скриени под една черупка, која не може лесно да биде скршена.

Ако вашиот знак е рак, тогаш вие сте изолирани од опасностите, но тоа многу често ве прави луѓе без чувство за хумор. Како воден знак вие сте многу чувствителни. Во секоја ситуација внесувате многу емоции, но во текот на вашиот живот сфаќате дека многу лесно можете да бидете повредени и поради тоа често се криете зад маската на бесчувствителноста.

Традиционалисти сте и покажувате огромен интерес кон вашите корени и вашите предци. Вие сте многу поголеми националисти од другите знаци во хороскопот, поради тоа што го сакате вашето родно место и сте силно приврзани за него. Најважната ваша цел е да создадете ваше семејство и обожавате да бидете во домашна атмосфера.

Ракот е спротивен знак на Јарец. Јарците ги интересира каква е нивната положба во општеството и како другите гледаат на нив, додека ракот е загрижен само за неговото семејство. Како рак, вие знаете да штипнете кога ќе почувствувате дека вашето семејство е понижувано или е во опасност. Раковите се блиски со своите мајки, па кога ќе сте во лошо расположение јавете ѝ се на вашата мајка. Тоа ќе ве направи среќни.

Вие можеби сте неофицијална мајка на сите кои ги сакате, поради вашата грижа за нив. Чувствителни сте и лојални и вашите пријатели секогаш имаат рамо за плачење. Лесно ранливи сте и кога не сте расположени сакате да бидете оставени сами, опкружени со удобност: удобен џемпер, омилена книга, доверливи пријатели и склад со вашите омилени работи. Тоа го подобрува вашето расположение.

Во љубовната врска сте многу нежни, верни и романтични. Поради влијанието на Месечината вие сте многу интуитивни. Обрнете им повеќе внимание на вашите соништа особено во деновите кога има полна Месечина.

Симбол:
Рак

Симболизира:
Мајчинство и мајчинска љубов, семејство, дом, жена, чувства, родина, реки.

Елемент:
Вода

Планета:
Месечина - божествено тело на расположението и емоциите. Месечината симболизира женственост, семејство, мајка, емоции и потекло.

Ден од седмицата:
Понеделник

Боја:
Бела, сива и виолетова.

Број:
2

Скапоцени камења:
Сребро и перли.

Најдобри професии:
Пејачи, артисти, поети, готвачи, географи, картографи, акушерки, педијатри, социолози.

За да се спријателите со нив:
Секогаш однесувајте се кон нив со почит. Направете да стекнат доверба и сигурност во вас. Пробајте да им го разберете начинот на мислење.

Дел од телото:
Гради, стомак.

Добри карактеристики:
Мајчински загрижени, трпеливи, готови да помогнат, гостопримливи, штедливи, чувствителни, патриоти, весели и неверојатно забавни, грижливи, романтични, креативни.

Лоши карактеристики:
Озборувачи, изолирани, некомуникативни, хиперсензитивни, премногу компетитивни, премногу емоционални, мрзливи, слаби, љубоморни.

Карактеристики по кои ќе ги познаете:
Чекорејќи со градите напред; тркалезно како месечината лице.

Омилени работи:
Гурманска храна, работа со деца, музеи и ликовни галерии.

Работи кои ги мразат:
Стари алишта, замрзнати јадења, јавно говорење, да бидат избрзувани.

Можете да ги најдете:
Купувајќи стари и ретки антиквитети; создавајќи ремек дело; во кујната; слушајќи бендови во живо.

Скриена желба:
Да се грижат за своето семејство и пријателите!

Бик (20. IV – 20. V)

Општи карактеристики за бик

Чувствителниот бик е управуван од Венера, планетата на љубовта и убавината. Ако сте родени во овој знак, тогаш вие ја обожавате добрата храна, романтиката и убавите работи. Венера ги изострува вашите пет сетила на повисоко ниво, па најсреќни сте кога сте опкружени со најдоброто - сатенски чаршафи, гурмански вечери, чаша црвено вино. Вие сте многу чувствителни и се насладувате на животот и на физичките задоволства кои излегуваат на вашиот пат.

Како бикот и вие работите многу напорно и сте најупорниот знак во хороскопот. Функционирате со две брзини - или целосно сте релаксирани или „со главата напред“ се стремите кон целта.

Бикот е знак спротивен на шкорпијата. Шкорпијата сака да ги наследува придобивките на другите, а бикот најмногу ги цени личните придобивки. Најнегативна ваша карактеристика е вашата склоност да ги поседувате најлуксузните предмети. Тоа може да ве доведе до крајности, особено кога ќе решите дека некој предмет треба да биде ваш, што ве прави материјалисти во очите на другите.

Како претставник на земните знаци ги обожавате дејностите на отворено. Силни и мускулести – вие сакате да си ја покажувате силата. Во љубовта сте многу романтични, верни, но и многу љубоморни. Секогаш знаете што сакате и ништо не може да ве спречи да ја остварите вашата цел. Се придржувате до вашите погледи и не ги менувате освен ако нема доволно добра причина за тоа.

Знаете да бидете тврдоглави, но позитивна страна е тоа што сте лојална личност на којa може секој да се потпре. Само внимавајте да не заглавите засекогаш во вашата сигурна зона и вашиот живот да започне да стагнира. Ризикувајте и пробајте нешто ново! Понекогаш промената и ризикот можат да го доведат прогресот и добивката кои ги посакувате.

Симбол:
Бик

Симболизира:
Силата на волјата, тврдост, стабилност, издржливост, чувствителност, конкретност, музика.

Елемент:
Земја

Планета:
Венера - планетата на убавината и љубовта.

Ден од седмицата:
Петок

Боја:
Зелена и сина.

Број:
2 и 6.

Скапоцени камења:
Аквамарин, смарагд.

Најдобри професии:
Пејачи, музичари, оратори, администратори, сметководители, градинари, еколози, ветеринари, економисти, банкари.

За да се спријателите со нив:
Не се спротивставувајте на нивните идеи! Често канете ги на некое место да јадете заедно.

Дел од телото:
Врат, грло, вилица.

Добри карактеристики:
Трпеливи, практични, внимателни со парите, одговорни, организирани, романтични, внимателни, посветени, грижливи, секогаш подготвени да дадат морална поддршка, добри кулинари.

Лоши карактеристики:
Премногу попустливи, инаетчии, бавни, мрзеливи, тврдоглави, суетни, премногу претпазливи, евтини, завидливи, љубоморни, материјалисти.

Карактеристики по кои ќе ги познаете:
Длабоки и сентиментални очи; долг и елегантен врат; карактеристична вилица.

Омилени работи:
Фотографирање, планини, добра музика, добра храна, сатенски чаршафи.

Работи кои ги мразат:
Хотели, утра, валкани работи, да бидат избрзувани, бесцелно трошење пари.

Можете да ги најдете:
Споредувајќи ги цените при купување на луксузни работи; пеејќи во бенд или хор; работејќи три работи едновремено; изложувајќи слики во уметничка галерија.

Скриена желба:
Да го поседуваат најдоброто!