Преговори за името

 

Напишано од Прч Народот не е толку будала како што го мисли СДСМ, ама ниту пак е до толку изветреан како што го мисли ДПМНЕ. СДСМ нема да ги добијат наредните избори и уште пет пати по тоа, се додека цврсто се решени да го продадат македонското име за лажни кредити од Заедницата.    ДПМНЕ победува заради тоа што народот не го сака за предавничкиот к*рс на СДСМ, а не заради тоа што сме нација на идиоти која единствено се воодушевува од наполеоновските кловновски комплекси на вашиот лидер.

Ако со евентуална промена на името влеземе во НАТО, не гледам сигурност дека ќе влеземе и во ЕУ. До крајот на преговорите можат да измислат и некоја нова пречка. Како што и НАТО и ЕУ откако ги исполнивме потребните услови ни измислија нов дополнителен, може тоа да го сторат повторно. Јасно е дека не ги почитуваат сопствените решенија кога е Македонија во прашање. Да не ни се случи како во еден виц кога некој господин откако ја прашал некоја госпоѓа дали би „легнала“ со него за милион долари и добил потврден одговор, ја прашал дали би прифатила иста работа за 100 долари. „Зарем ме сметате за лесна женска“ протестирала дотичната. „Сами рековте што сте“ - одговорил мажот. Сега преговараме за цената. Дали Македонија веќе ја сметаат за лесна откако некој во наше име прифати да бидеме БЈРМ, па сега се изненадени што не подлегнуваме под уцените на НАТО и ЕУ кога како единствена пречка (дали за стално или можеби до следен дополнителен услов) ни ја поставуваат промената на името. Односно бараат од нас да ги лажеме дека не сме тоа што сме, туку нешто друго.