Кој е Груевски?

   Деновиве решив да заживеам според директивата! Ај, си кажав, да пробам да видам како е да се поживее еден ден така светло, убаво и мераклиски.

Се будам рано наутро- да се подготвам и да одам на работа. Појадокот содржи сезонско овошје и чаша млеко. На работа одам со автобус или трамвај. Работата ме исполнува- осумте саати скоро и да не ги забележувам... Среќeн сум- магистрирав на струкава и сега истото го работам. Се враќам од работа. Понекогаш се случува со колеги да седнеме некаде на кафе. Пријатни се таквите дружби. Следува ручекот. Тој мора да содржи салата, главно јадење и десерт. Го сакам тој дел од денот и оброкот- сум завршил со обврските и може да планирам убава приквечер, а во позадина ми свири новото CD на Robbie Wiliams. Се слушам по телефон со неколку пријатели и се договараме- вечер ќе се оди на кино. Понекогаш одиме на опера, балет, понекогаш на театар, фестивал или концерт, а најмногу ги сакаме концертите кои ни се во склоп на некое патување: 5-6 дена некаде и плус концерт. Убаво е да си турист, а во денешно време од кај нас секаде се патува за кратко време и за релативно ниски цени. Пред излегување , обично читам книга или си пуштам ТВ. Си имаме Македонска Телевизија која има концепт кој понекогаш ме држи будeн до рано наутро- тука има квалитетни дебатни емисии, објективна информативна програма, голема продукција на одлично изработени документарни програми на разни теми... што не?! 

И ми ѕвони будилникот! ГРУЈОООО... Јас се разбудив многу брзо... ТИ, кога?!

А што значи еден да се живее навистина?

Значи, инженери, доктори, филозофи, економсити... сите ние се бркаме во една иста просторија, а всушност работиме во сендвичара (арно и таму што ме примија- преквалификуван си во РМ со факултет!) !!! Правиме тост со евтини кашкавали и салами бидејќи не е битно како нештото ќе мириса или на што ќе има вкус... важно е да се преџвака... да се наполни стомакот... Појадок, ручек?!? Овошје, месо?!? СТРУКА?! Шо ќе ти се Грујо тие сто факултети што ги отвори? Само да завршува рајата школо, а после да се фрустрира дека... хируршки прецизно ја сече саламата за во сендвич?! Па, и тие сендвичи да ми донесат некоја плата... живеам од денес за утре! 

Знаеш како е тоа, премиеру?! Ни да ти се оди на работа, ни да ти се враќа дома!!! Си се качил ли ти некогаш во автобус?! Тој автобус кој низ цел свет е главно превозно средство на работниот свет, кај нас: може да заглави, да се расипе, да смрди, да е нечист, да е стар... да е многу стар, да е престар... Точак?! Качи се ти на точак без функцијата за да провериме колку саати ќе издржиш без да те повредат на пешачки! 

Кога, конечно ќе се вратам дома, не ми дошло ни до Robbie Wiliams, ниту до Толстој... ама затоа си ја гледам НЕЗАВИСНАТА МТВ... Пред некој ден ги фатив МЕМОРИЈА на концерт: светлата точка на каналот... по некој реприза на концерт од осумдесет и некоја... Тоа што јас можам да го гледам бидејќи за тоа сум обврзан да плаќам е МТВ ама МТВ е, всушност, гласник на владата... Е па, ми здосади веќе!!! Грујо, ослободи го каналот- остави го да дише!!! 

И така бидејќи замрачени... ние не знаеме дека некаде музицира Robbie Wiliams- кај нас само што пристигна панкот.

Да отпатуваме на неколку дена ни треба доживотно задолжување во некоја банка...

Да купиме CD е невозможно: кај нас ретко ги има, а чинат четврт плата! 

300денари за опери и балети... и тие ни се многу! Од што да се скрати за да се купи книга или билет? Од брадата на лавот или од штиклата на шмизлата?!

Гладни, бедни, голи, боси, глуви, слепи, осакатени, упропастени... па сега уште и малоумни да не’ прави!!! Да си се прибереш со се’ што имаш и немаш и ДА СИ ОДИШ!!! Ти, не си ми мене сограѓанин, Грујо!!!

Внеси реплика	страница <1 40 414243 44 100 >
Tweet