Морис Вермеш, за првпат ги направил овие вафли за време саемот на храна во Сиетл, во текот на 1962 година. Но, светска популарност достигнаа дури по 3 години. Традицијата ја продолжи неговата ќерка Марипол, која одбива да ја открие тајната на рецептот. Сепак, овој рецепт е најбилску до она што денес е познато како белгиски вафли.

СОСТОЈКИ
• 210 гр брашно
• 1 мала лажица шеќер
• 4 јајца
• 1 ¼ шолја вода
• ½ мала лажица екстракт од ванила
• 250 гр путер
• 500 мл слатка павлака
• 500 гр јагоди
• шеќер во прав

ПОДГОТОВКА
Измешајте ги брашното и шеќерот во подлабок сад. Додадете ја водата, жолчките од јајцата и ванилата и мешјате сѐ додека не се добие хомогена смеса. Потоа, додадете го путерот и повторно добро измешајте ја смесата. Измиксирајте ги белките од јајцата (2-3 минути) и половина од снегот додадете го на смесата со путер.

Во меѓувреме, загрејте го тостерот за вафли. Откако тостерот ќе биде доволно загреан, ставете малку од смесата за вафли и веднаш поклопете го горниот дел. Печете ги околу 5 минути, односно додека вафлите не станат златно-кафени.

Сервирање: вафлата се става на чинија, се покрива со шлаг од слатка павлака и јагоди. На крајот се попрскува со шеќер во прав.

Пол­не­ти ја­бол­ка

Пот­реб­но:

* 4 ја­бол­ка
* 100 г ше­ќер
* 200 г мла­до крав­јо си­ре­ње
* 50 г ба­де­ми
* 150 мл слат­ка пав­ла­ка
* 2 ла­жи­ци џем од пра­ски
* 1-2 ла­жи­ци ли­мо­нов сок

При­гот­ву­ва­ње: из­лу­пе­те ги ја­бол­ка­та, исе­че­те ги на по­ло­ви­на, ис­чис­те­те ги од сем­ки­те, а сре­ди­на­та мал­ку из­дла­бе­те ја. Та­ка под­гот­ве­ни, ис­прс­кај­те ги со ли­мо­нов сок, а по­тоа крат­ко про­ва­ре­те ги во ври­е­на во­да, са­мо вни­ма­вај­те, не тре­ба да ги пре­ва­ри­те за да не го за­гу­бат об­ли­кот. Ва­ре­ни, ис­це­де­те ги и из­ла­де­те ги. Пе­нес­то из­ма­те­те ги си­ре­ње­то и ше­ќе­рот со мик­сер, па до­дај­те мал­ку сок од ли­мон, ме­ле­ни ба­де­ми, џем од пра­ски и на крај доб­ро из­ма­те­на слат­ка пав­ла­ка. Пол­не­те ги ја­бол­ка­та со фи­лот, а пред да ги пос­лу­жи­те, доб­ро из­ла­де­те ги.

Сусамки

Потребно:

* 300 г шеќер
* 1 лимон
* 150 г сусам

Приготвување: загревајте го шеќерот на тивок оган додека не добиете светлокафен карамел. Полека сипете го сокот од лимонот, со постојано мешање. На крај додајте ги потпечените семки од сусам и веднаш сипете ја смесата врз масна хартија за печење, па расучете ја во кора во тенок слој. Провлечете го ножот низ путер и со него сечете штангли од смесата со сусам. Одлепете ги изладените сусамки од масната хартија и послужете ги со кафе.

Домашно чоколадо

Потребно:

* 800 мл вода
* 300 г шеќер
* 2 лажички рендана кора од портокал
* 50 мл сок од портокал
* 100 г излупени и печени бадеми
* 1 ванилин шеќер
* 400 г млеко во прав
* 100 г какао
* 250 г путер

Приготвување: во вриената вода додадете ги шеќерот и ванилин шеќерот. Варете ги 15 минути, па додадете ги сокот и ренданата кора од портокалот. Сето тоа варете го уште 15-тина минути и течноста изладете ја. Млекото во прав измешајте го со какаото, со миксер добро изматете го во сирупот од шеќерот, па додадете го омекнатиот путер. На крај додадете ги сечканите бадеми. Чоколадната смеса распоредете ја во намастено тавче 25 х 35 см и добро изладете ја.