КОЦКИ СО БЕЛО ЧОКОЛАДО

ЧОКОЛАДНА ТОРТА СО ЈАГОДИ

ТОРТА СО ЕУРОКРЕМ И ПУДИНГ

Состојки:

пандишпан:

7 лажици брашно

2 лажици какао

1 пециво

3 јајца

2 лажици гриз

5 лажици кокос

10 лажици млеко

5 лажици шеќер

100 гр ореви

прелив:

пола чоколадо за готвење

1 лажица масло

100 грама еурокрем

фил:

2 кесички пудинг од ванила

5 лажици шеќер

700 мл млеко

1 желатин

декорација:

шлаг крем од чоколадо

Подготовка:

1. Најпрво ги сечкаме оревите на мали парчиња, но не многу мали и не рендани за да се почувствува вкусот. Плехот со димензии 32 * 22 го обложуваме со хартија за печење и ги распоредуваме оревите .

2. Брашното, какаото и пецивото заедно ги просејуваме за да нема грутки во посебен сад. Ја вклучуваме рерната да се загрее на 200 степени.

3. Во сад за матење ги матиме белките, со постепено додавање на шеќерот. Откако шеќерот ќе се растопи ги додаваме и жолчките и не престануваме да матиме. Потоа ги додаваме гризот, млекото, кокосот, брашното, пецивото и какаото и матиме со миксер додека смесата не се соедини. Ја истураме во плехот над оревите (внимавајте оревите треба да останат од долната страна) и печеме во загреана рерна околу 15тина минути во зависност од рерната. Пандишпанот е готов кога ќе се оддели од краевите а може да проверите и со чечкалица.

4. Откако ќе се испечи го оставаме да се излади.

5. Додека се лади пандишпанот го подготвуваме преливот. На пареа го топиме чоколадото со маслото и кога ќе се стопи го додаваме еурокремот и мешаме со лажица да се соедини.

6. На пандишпанот му ја отстрануваме хартијата и го враќаме во плехот со долната страна нагоре ( оревите да дојдат горе). Од страните ставаме хартија за печење за да не се залепат коцките и да можеме подобро да ги исечиме. Целиот пандишпан го премачкуваме со преливот.

7. Желатинот го раствараме со малку ладна вода.
8. Пудинзите со 5 лажици шеќер ги вариме во 700 мл млеко. Откако ке се свари пудингот , ја исклучуваме ринглата и го додаваме набабрениот желатин и мешаме да се растопи. Додека е топол го истураме врз пандишпанот.
9. Шлаг кремот го приготвуваме според упатството на кесичката и го ставаме во готварски шприц.

10. Пред да ги сечеме коцките ја отстрануваме хартијата. Над секоја коцка ставаме од шлаг кремот. Доколку сакате можете и поинаку да ги украсите а и без шлаг крем пак убаво ќе изгледаат.

ПОТРЕБНИ СОСТОЈКИ:

за колачите: 300гр. екстра бело брашно тип 400 на Жито Лукс

1 1/2 лажичка прашак за пециво

110гр. путер

170гр. кафеав шеќер

2 јајца

1/2 лажичка екстракт од ванила

1 лажичка кора од портокал

1/4 лажичка сол

1/3 лажичка цимет

60гр. брусница крупно сецкана

110 гр. бело чоколадо крупно сецкано

за филот: 110гр. бело чоколадо

60гр. брусница крупно сецкана

250г. кремсирење

125гр. шеќер во прав

1 лажика екстракт од ванила

2 лажички кора од портокал

НАЧИН НА ПОДГОТОВКА:

Загрејте ја рерната на 180 степени. Премачкајте плех за печење со малку масло.

Во длабок сад расстопете го путерот во микробранова. Додадете го кафеавиот шеќер и мешајте додека да се растопи. Оставете го малку да се излади. Потоа додадете ги јајцата едно по едно.

Додадете ванила и кора од портокал во смесата.

Во посебен сад измешајте екстра белото брашно тип 400, прашок за пециво, сол и цимет. Постепено додавајте ја смесата со брашно во смесата од путер, шеќер и јајца. Додадете ја брусницата и белото чоколадо.

Смесата префрлете ја во подготвениот плех и распоредете ја рамномерно. Печете го колачот 20 минути. Кога колачот ќе се излади исечете го на триаголници (или друга форма по желба)

Во микробранова растопете бело чоколадо. Со миксер изматете го кремсирењето и шеќерот. Додадете ванила, 1 лажичка кора од портокал и половина од растопеното чоколадо.

Распоредете го преливот рамномерно врз колачите. Одозгора испрскајте ги со брусница и остатокот од кората од портокал. Декорирајте го остатокот од бело чоколадо и ставете ги во фрижидер за малку да се стегнат.

Послужете ги со кафе или чај. На здравје!

Состојки:

6 јајца

140 г. шеќер

70 г. мелени ореви

50 г. мелени бисквити

50 г. путер

кесичка прашок за пециво

250 г. вишни (без семки)

2,5 дл. кисела павлака од Идеал Шипка

лажица какао

2 лажички ванилин шеќер

сок од пола лимон

5 мл. рум

Приготвување:

1. Добро изматете ги жочките со шеќерот, а потоа додадете чоколадо, ореви, какао и бисквити. Соединете, па измешајте во стопен путер, ванила, рум, сок од лимон и прашок за пециво.

2. Посебно изматете ги белките во цврст снег и лесно соединете ги со масата од жолчки.

3. Добиената смеса сипете ја подмачкана тепсија, а одозгора посипете ги вишните. Печете го колачот на 180 степени околу 45 минути.

4. Готовиот колач посипете го со шеќер во прав и по желба послужете го со павлака и прелејте го со стопено чоколадо.