„ЖОЗЕ МУРИЊО ВО АРСЕНАЛ, АРСЕН ВЕНГЕР ВО РЕАЛ МАДРИД“

Со тие зборови го започнува својот текст Хауард, новинар во англискиот весник „The Sun“, алудирајќи на фактот дека и покрај седумте бодови предност пред Барселона, најавува заминување на тренерот Мурињо на крајот на сезоната и враќање на островот, додека Венгер се сели од клупата на „топџиите“ поради слабите резултати.

Иако Арсенал во неделата со пресврт по заостанувањето од 0:2 против Астон Вила стигна до победа од 3:2 во 4-тото коло од ФА Купот, тоа значајно не ја промени ситуацијата на менаџерот на „топџиите“ кој последниот трофеј го освои во 2005 година (ФА Купот).

Во Мурињо Арсенал би добил тренер кој ќе донесе наслови, а доколку оваа сезона ја освои и Премиера ќе биде и првиот тренер кој ги освоил првенствата во Англија, Италија и Шпанија.

Во Реал дел од навивачите се незадоволни со Мурињовата тактика и неможноста да ја победи Барселона и покрај бодовната предност на табелата, а не е тајна дека желба на португалецот е враќање во Премиер лигата. Доколку замине Мурињо од Реал, не би имало поидеална замена од Венгер кој веќе од порано во два наврати ја одби поканата од „кралскиот клуб“.

Но има едно прашање, наведува Хауард, дали конзервативната Арсеналова хиерархија е доволно храбра да го вработи Мурињо, конзервативен тренер кој по доаѓањето ќе бара гаранции од клубот да му обезбедат пари за засилувања.

Но не е Арсенал единствениот клуб во кој би можел Мурињо да „слета“ доколку го напушти Мадрид. Тука е и Манчестер Сити кој сигурно ќе го замени Роберто Манчини доколку поропушти да ја освои титулата во Премиер лигата, како и Тотенхем доколку Хари Реднап го наследи Фабио Капело на клупата на англиската репрезентација.

 „Сигурно постојат играчи на Вајт Харт Лејн како Герет Бејл, Лука Модриќ, кои Мурињо би сакал да ги тренира“.

Иако долго време Мурињо се споменува како потенцијален наследник на Алекс Фергусон на Олд Трафорд, Алекс Феругусон ја затвори вратата со најава дека ќе остане уште неколку години, па така Мурињо најголема шанса има да замине во Арсенал.

 „Со неговото доаѓање на „Емирати“ една работа би можела да им биде загарантирата на „топџиите“, веќе никој не би можел да им парира во одбраната“, заклучи Хауард.