Еуфоријата по фантастичниот почеток на сезоната на Мајнц полека, но сигурно одминува, па фудбалерите на оваа екипа во последно време се почесто ги завршуваат натпреварите од Бундес-лигата со наведнати глави. Таков беше случајот и на нивното гостување во Фрајбург, каде што Мајнц загуби со 1-0 и го претрпи вториот пораз во серија, трет во последните четири кола од елитното германско фудбалско друштво. Натпреварот беше решен во 64. минута, кога судијата досуди пенал за Фрајбург, кој Сисе го претвори во погодок. Интересен натпревар се одигра во Менхенгладбах, каде што Борусија и Баерн Минхен ремизираа 3-3. Баварците имаа целосна доминација во првиот дел, но на почетокот од второто полувреме домашниот состав успеа да направи целосен пресврт и да поведе со 3-2. Спасител на актуелниот првак беше капитенот Филип Лам, кој го постигна изедначувачкиот погодок на шест минути пред крајот. - Не знам што се случува во главите на моите фудбалер. Ги предупредив дека домаќините ќе излезат крајно мотивирани на почетокот од второто полувреме, да бидат внимателни, но ние, сепак, примивме два гола за десет минути. По првите 45 минути требаше да водиме со 5-1, а на крајот се доведовме во ситуација да спасуваме бод, истакна кормиларот на Баерн, Луј ван Гал. Шалке најави излез од големата криза славејќи со 3-0 над Сент Паули. Раул постигна два гола во првиот триумф на Шалке на домашен терен сезонава, а еднаш мрежата на Сент Паули ја затресе Клас Јан Хунтелар.
РЕЗУЛТАТИ ГЕРМАНИЈА: Шалке - Сент Паули 3-0, Ајнтрахт - Волфсбург 3-1, Фрајбург - Мајнц 1-0, Хамбургер - Хофенхајм 2-1, Борусија М. - Баерн М. 3-3, Нирнберг - Келн 3-1.

Лидерот во шампионатот на Германија на своето конто прокнижи уште нови три бода откако на домашен терен славеше со 4-2 во дуелот со Хофенхајм.

Со оваа победа Мајнц испишува историја бидејќи го изедначи најдобриот старт во Бундеслиага со седум последователни победи на Баерн Минхен од 1994 година, кој беше повторен од Кајзерслаутерн во 2001.

Тимот, чиј капитен е нашиот Николче Новевски стигна во водство по само две минути игра откако напаѓачите на Мајнц одлично избегнаа една офсајд стапица и Сами Алагуи ја затресе мрежата на Хофенхајм.

Во 41та минута Хофенхајм успеа да стигне до изедначување благодарејќи на погодокот на Демба Ба.

Но во второто полувреме домакините се погрижија да не го расипат 100% учиник во Бундеслигата.

Во 47та минута Адам Шалаи прецизно реализираше една полу-контра за водство од 2-1 а по еден час игра Мајнц имаше и предност од два погодоци благодарејќи на погодокот на Луис Холтби.

Хофенхајм во 64та минута го намали водството на Мајнц на 3-2 откако Гилфи Сигурдсон прекрасно биеше од слободен удар.

Но неизвесноста на натпреварот беше решена на 15тина минути пред крајот кога Хофенхајм остана без фудбалер а Ширле го зголеми водството на Мајнц на 4-2 со удар од белата точка.

Мизеријата на Шалке продолжува откако тимот на Феликс Магат загуби на гостувањето кај Нирнберг.

Шалке нешто помалку од 40 минути играше со играч помалку откако во 53та минута Џонс го заработи својот втор жолт картон.

Домакините ја искористија бројчаната предност и Мике Франтц го донесе тимот на Нирнберг во водство во 63та минута откако гостите лошо поставија една офсајд стапица.

Но и со играч помалку, Шалке преку Клас Јан Хунтелар во 74та минута стигна до изедначување. Сепак на пет минути до крајот Волф постигна погодок вреден три бода за Нинберг.

Хамбургер со пресврт во вториот дел стигна до победа пред своите фанови во дуелот со Кајзерслаутерн.

Гостите рано дојдоа до водство уште во третата минута преку Срџан Лакиќ а во првиот дел имаа уште неколку 100% шанси да го зголемат водството.

Откако не успаа во тоа, Хамбургер во последните 20 минути од натпреварот направи комплетен пресврт.

Најпрво Гојко Качар во 70та минута го изедначи резултатот за во 84та минута Чупо Мотинг да ги постави конечните 2-1.

Победа на домашен терен забележа и Фрајбург во дуелот со Келн. По десетина минути игра домакините имаа предност од два гола благодарејќи на Росентал.

Мохамед во 22та минута го намали водството на Фрајбург а во 50та минута Келн стигна до изедначување пеку Матушик.

Но Сисе во 70та минута повторно го врати домашниот тим во водство, резултат што Фрајбург го задржа до последниот свиреж на судијата.

Волфзбург од гостувањето кај Борусија Менхенгладбах заминува со бод. Томас Каленберг во првиот дел им донесе на гостите предност но Торбен Маркс во 65та минута го изедначи резултатот.