Трач рубрики или вистина

„Да им застанеме на патот на девојките-проститутки кои со секс ги плаќаат студиите“, е новата група на Фејсбук која вчера експресно беше оформена, веднаш по објавувањето на скандалот во „Шпиц“ дека студентките до плус пари доаѓаат преку најстариот занает. Групата веднаш доби поддршка од стотина граѓани. Според информацијата, групата за утре планира и протест во Скопје, кој ќе се одржи од 18 до 21 часот, но не е наведена локацијата. До 15 часот вчера присуство на протестот пријавиле триесетина фејсбукчии. „Шпиц“ завчера објави дека девојки-станарки во студентските домови во Скопје доаѓаат до пари со најстариот занает на светот. Станарите од домовите тврдеа дека речиси секојдневно студентките влегуваат во луксузни автомобили, а причината најчесто е немаштијата.
Друга причина, велат други студенти, за некои нивни колешки да решат да си го продаваат телото е тоа што сакаат да бидат видени во високите кругови, односно да бидат придружба на некој богат господин, или модерно кажано „спонзоруши“. Но, според нив, тоа го прават и скопјанките, па не ги чуди што девојките од внатрешноста научиле нешто од нив.