Пожар во манастирот Св. Јован Бигорски

Жива е душата на манастирот бидејќи никој од братството не е повреден.

 

Судејќи според материалното, оваа трагедија за сите нас е непроценливо голема и болна. Ова пред се е национална трагедија, бидејќи самиот манастир е столб на нашиот народ како назад низ историјата, така и денес во овие тешки времиња за нашата држава. Но бидејќи душата на манастирот се монасите (Оние Кои постојано за се Му благодарат и Го славословат Милостивиот Бог), манастирот сеуште живее во послушание и непрекината молитва.

 

Штетата и загубата за монашкото братство се ненадоместливи. Во пожарот до темел изгореа двете трпезарии, гостинската просторија, библиотеката и монашките живеалишта. (Целосно изгоре стариот конак Горни Палат изграден 1825 г. )

Оваа голема катастрофа, денес ги остави без живеалишта и храна монасите од Братството во Бигорскиот манастир. 

 

Тоа е место каде секој од нас може да ја почуствува љубовта на монасите, да ја види ЖИВАТА ЦРКВА ХРИСТОВА. Самиот манастир поради многуте чуда и огромната љубов на монасите е почитуван и од муслиманското население. Затоа браќа и сестри во Македонија сите заедно да го обновиме ова духовно светилиште и лечичиште на душите и телата на мнозина во оваа држава.

 

Овој Манастир со љубовта и молитвите секогаш е со народот, денес е важно да ги отвориме и ние нашите срца за нив да им помогнеме!!!