Стефан Влахов Мицов

„Вируси на поматени мозоци“ новата книга на Стефан Мицов

Александра Бубевска	Коментари (0)

„Вируси за поматени мозоци“ е насловот на најновата книга на познатиот публицист и аналитичар Стефан Влахов Мицов, во издание на Матица Македонска.

Се работи за 80-тина текстови со провокативни наслови како на пример: Обама како дедо Коледе, Сексот и политиката или Ароганцијата како управувачки модел.

Некои од текстовите излегуваа во весникот Време. Книгата на Влахов Мицов е ретко издание во македонската публицистика бидејќи фрла ново светло врз македонското прашање во контекст на балканските случувања и тоа од аспект на денешните политички случувања, рече академик Блаже Ристовски на денешната промоција на книгата.

Основната компонента на овие текстови е слободата на човекот и на народот.

„Историјата како циклус, поврзано тоа со македонскиот идентитет, а тоа велам значи во минатото ние сме имале слични проблеми и со соседи и со поголеми земји. Сега чекаме некој друг да ни ги решава нашите прашања, ние сами да си ги решаваме внатрешните и со странските земји. Сите да бидеме под една партија - Македонија, а потоа да се делиме на колку сакаме партии“, изјави Стефан Влахов Мицов.

Излегувањето на книгата го поддржа Фондацијата Рамковски. Ова е трета книга есеи на Стефан Влахов Мицов кој и е познат на јавноста како професор кој заради промакедонските ставови беше отпуштен од бугарскиот универзитет.

И во други држави има бугари ,ама Мицов угодно си молчи.

Ја го прашај нешто за Гевгелија