Детските соби се разликуваат од останатите простории во вашиот дом. Пред сè, тие се наменети за деца на одредена возраст, па во склад со тоа и треба да бидат уредени. Исто така, тие мора да бидат безбедни и удобни, така што кога го уредувате ентериерот на детската соба, определете се за смели, живи бои и интересни форми. 

Погледнете неколку примери за уредување на детска соба во овој стил. 

Секако, шарената детска соба не значи задолжителна мешавина од многу бои. Фокусирајте се на две или три и употребувајте ги само нив.

На пример, оваа преубава соба содржи палета составена од зелена, сина и портокалова боја, што е прекрасна и освежувачка комбинација.

Иако во оваа соба преовладуваат пастелни тонови, таа е сепак смела и жива. Комбинацијата од тиркизни ѕидови и бели прозорци и врата е класична, а светлозелениот килим со многу мека текстура дополнително ја прави собата пријатна и удобна.

Мали декоративни детали, како оние на креветот или на ноќното масиче, прават одличен контраст во доминантните пастелни тонови.

Ова е можеби најсмела и најшарена детска соба, иако не се употребени многу бои. Всушност, користени се само пурпурна, зелена и портокалова боја.

Образецот е доследно применет во целата просторија, а сите декоративни предмети исто така придонесуваат за контраст.

Ова е една минималистички уредена детска соба, светла и ведра, помалку необична. Исто така е пространа, што е одлично и за децата, бидејќи во неа има многу простор за игра и за движење.

Белите ѕидови, таван и под претставуваат неутрална подлога за мебел во смели, шарени бои. Сепак ,употребени се само три бои: жолта, портокалова и зелена.

Оваа детска соба речиси е сосема пинк – од подот до таванот. Содржи два кревета и, иако изгледа како клише, розовата во овој случај е добар избор. Покрај тоа што во суштина е употребена само една боја, и понатаму постојат варијации во интензитетот.

Жолтата висечка ламба претставува освежувачки додаток.