МАКЕДОНИЈА станува УНИЈА НА НАРОДИ?!!!

anakin напиша: Македонците се бришат, Македонија станува Унија на народи Автор:  Мирка Велиновска Претседателот на државава, Бранко Црвенковски, уште пред самитот на НАТО во Бук*решт обелодени дека се залага Македонија да го промени своето име. Но, забуната произлегуваше од нејасната позиција на неговата партија, која во истиот период го обвинуваше премиерот Никола Груевски за лицемерство зашто тој наводно се согласил да го „продаде“ името, а го криел тој податок. По Бук*решт, ставот на Црвенковски и оној на СДСМ ескалираа до таму што доминантно место во дебатата доби македонскиот идентитет. Необјасниво дури, Црвенковски јавно побара некој да му даде гаранции за зачувување на етничкиот идентитет на народот на кој не му се почитува правото на себеидентификација. Но, сите недоумици што произлегуваат од радикалните промени на позициите на овој политичар во врска со македонско-грчкиот проблем, завршија мината недела. Исак Адижас, професор од САД по менаџмент и организација, минатата недела дојде во Македонија спонзориран од Светозар Јаневски (познат како Свето Пивара) за да одржи предавање на темата „Како да се управува со фирма во кризни периоди“. Но, тоа предавање очигледно било покритие за главната цел на посетата. Адижас всушност имаше тајна дипломатско-политичка мисија сврзана со името на државата. Овој наш сограѓанин од 2007 година стана медијатор во тајните преговори помеѓу Бранко Црвенковски и Дора Бакојани. Имено, Исак Адижас бил детално информиран од лидерот на СДСМ дека спорот со Грција досега ќе бил завршен ако Никола Груевски го прифател последниот предлог на Нимиц. Предлогот бил „Северна Македонија“, а Груевски го одбил со молчење. Црвенковски експлицитно го прифатил. Тој на професорот по менаџмент и организација му ја елаборирал својата политичка платформа за евроатлантско интегрирање на Македонија, со која гостинот сосема се согласил и дури со одушевување ја прифатил. Бранков пакет Пакетот на претседателот на Македонија е следниов: со прифаќањето ново име, државата да доживее уште една нужна уставна трансформација. Црвенковски од унитарна ќе ја трансформира сега веќе бившата Македонија во „Унија на народи“. Во таа нова држава со ново име за севкупна употреба, во наредната и последна фаза, бившите Македонци, откако ќе почнат да ги уживаат благодатите од приемот во НАТО, треба мирно да прифатат свое преименување, кое ќе произлезе од согласноста да го прифатиме грчкиот услов за целосна деноминација. Професорот Адижас, инаку близок пријател на фамилијата на Бакојани, бил информиран од Црвенковски и за тактиката што овој ќе ја примени за да го реализира својот конспириран стратегиски проект. Оваа есен ќе организирал големи, перманентни и сенародни протести поради економската политика на Владата. Според исказот на Адижас, Црвенковски бил уверен дека поради народниот притисок, Груевски ќе биде принуден да поднесе оставка, по што лидерот на СДСМ, нормално, како осведочен државотворец, пак ќе ја спасува Македонија. Убеден дека ова сценарио е остварливо, добро и единствено рационално, Исак Адижас замина за Израел, нормално, преку Атина, за да и ги пренесе на Бакојани добрите вести. Американскиот експерт за кризен менаџмент во претпријатијата добил уверување дека Црвенковски веќе ги придобил на своја страна интелектуалците и медиумите, па се чека само старт на кампањата за отстранување на тврдоглавиот премиер. СДСМ е промотор на Ванчо Михајлов Како што е добро познато, Бранко Црвенковски е посветен европски демократ, кој исклучително држи до западните вредности. Оттаму, по малку збунува фактот дека својата платформа за евроатлантска „Северна Македонија“ што го одушевила професорот Адижас, љубоморно ја чува во приватен сеф, ја држи во длабока илегала дури и од своите поклоници и следбеници. Кога веќе е оценета како добра и перспективна, зарем не беше време проектот на Ванчо Михајлов познат како „Швајцарија на Балканите“ да го претстави и тестира веќе на овие избори, наместо што неговата партија пак излегува на избори со демагогија, а неговиот кандидат за претседател ветува дека „ќе ја спасува мајка Македонија“. Зошто одбегнува да ја промовира оваа политичка платформа, односно програма, како што е ред - на избори? И зошто избира нестандардни, неевропски методи да дојде на власт преку „револуции“ кога може да побара регуларна поддршка од своите сограѓани? Можно е тој сепак да знае дека Македонците никогаш не би прифатиле таков непристоен политички пакет. На избори неговиот план би доживеал второ историско фијаско. Обелоденување на Платформата за трансформација на Македонија во „Унија на народи“, односно, конфедерација на кантони со ново име за севкупна употреба, би ги избришало Македонците како ентитет, радикално би го затворило македонското прашање, а тоа никој нормален не би го прифатил. Згора на сè, „Проектот на Црвенковски“ е само политички римејк на оригиналот на Ванчо Михајлов за преуредување на Македонија во кантонална заедница на народи (нормално, без Македонци), а тој факт не сака да го обелодени, зашто СДСМ декларативно е наследник на некогашната КПМ, која, пак, имаше сосема друга национална програма со која победи во Втората светска војна. Кога би го легитимирал своето вистинско политичко кредо, би ги загубил следбениците што гласаат за СДСМ врз основа на идеолошките предрасуди дека новата ВМРО-ДПМНЕ е наследник на „десното кољачко и предавничко крило на историската ВМРО“ (изјава на Црвенковски на предизборниот митинг во Штип, 1996 година). Македонците не знаеле кои се Затоа тој се одлучил за политичка мимикрија, за етапно деноминирање и исчезнување на Македонија. Според професорот Адижас, остварувањето на последната фаза на оваа платформа ќе оди полесно зашто рамковниот договор ефектно го отворил патот до смртта на Македонија. Имено, Македонија е веќе уставно дефинирана како заедница на народи, што е потврдено и практично со територијалната поделба, а Албанците не било тешко да се стимулираат да инсистираат на што поголема независност од централната власт. Од друга страна, „Македонците сè уште не знаат кои се и што се, па многу лесно ќе прифатат нов идентитет, по децении економска беда, а во услови на економска благосостојба што ќе следува со приемот во НАТО“. Планот „Б“ на Бранко Црвенковски за преземање на власта преку „црна контрареволуција“ по заминувањето на Адижас за Израел веќе е на работната маса на Дора Бакојани. За него, нема сомневање, преку директните средби со Црвенковски (во четири очи) се известени и европските бирократски структури. Врз Македонија деновиве почна да се врши оркестриран економски притисок. Ни стигнуваат гости - економски снајперисти со вести дека ЕУ нема да ги финансира македонските проекти. Овојпат, во пресрет на изборите, не ни к*рдисуваат часовници, но нè плашат со економска изолација. Како дел од осмислениот проект, и Црвенковски го активира својот економски совет. Владе Милчин, како познат логистичар на проектите на СДСМ и на својот газда Сорос, почна да организира трибини со економска тематика, а „експертите“ како навиени ги елаборираат своите економски теории за црната економска перспектива на државата надвор од ЕУ. Го советуваат Груевски да му се обрати за помош на ММФ, иако источноевропските држави го заобиколуваат во голем круг, чувствувајќи политички поттекст во економските пакети. Се чека само септември. Човекот што вели дека Македонците не знаат кои се, сака во МАНУ Исак Адижас добил ветување од Бранко Црвенковски дека за својот перманентен ангажман во Македонија, за своите консултантски услуги, за кои ние не знаеме ништо, ќе биде награден и со статус на академик. Во МАНУ е во тек постапката за неговиот прием. Предлогот го дало Одделението за општествени науки, раководено од академикот Иван Катарџиев, историчар и член на СДСМ, иако тесната специјалност на Адижас е менаџмент во економијата. Оттука претпоставуваме дека евентуалното членство во МАНУ е мала награда за неговиот политички илегален ангажман. Професорот Адижас на 13 март 2007 година добил и македонско државјанство. Му го врачил лично премиерот Никола Груевски. Во своето експертско си-ви, Адижас се претставува како советник на премиерот. Од кабинетот на премиерот изјавуваат дека овој човек никогаш не му бил советник на Груевски. Овие податоци, во контекстот на вистинскиот ангажман на Адижас во Македонија, нè тераат да се запрашаме дали воопшто имаме институции што се грижат за безбедноста на државата, што работат тие и дали воопшто имаат капацитет да ја штитат државата и нашите национални интереси. Се чини дека со ваков Уставен суд, МАНУ, ДБК и Агенција за разузнавање, во Македонија е нормално политиката да им е препуштена на „академици“ од рангот на Кољо Дијамантот, Васко Глигоров, Гидеон Сандел и Исак Адижас. Тајна средба во Охрид, Груевски си заминал Во организација на шефот на државата, медијаторот Адижас минатото лето имал тајна средба во Охрид со Бранко Црвенковски и Никола Груевски. Тој состанок, на кој е разговарано за серија предлози на гостинот од САД, Груевски експресно го напуштил со зборовите дека „не слушнал ништо ново“. Минатата недела, пак, финансиерот на минитурнејата низ „Западен Балкан“ на експертов за менаџмент, не издејствувал и негова средба со Груевски. Фрчкоски од Прилеп ја најави Унијата Ако не влеземе во НАТО и ЕУ, следниот чекор на Албанците во Македонија ќе биде барање за основање кантони. Ова на завчерашниот митинг на СДСМ веќе го најави претседателскиот кандидат Љубомир Фрчкоски.

Грешиш чедо божје...

zidarski напиша: Анастеа, нешто си згрешила... клучно и тоа... Вината се докажува на суд! Не невиноста! Невиноста е презумпција! Тоа е така во секое едно современо општество. А колку до Мирка... ако сирота таа има најмала претстава во што точно се замеша (и колку се луѓе всушност ќе замеша во ова)- ќе побегне на Северен Пол... А најсмешно е што воопшто немаше потреба од сето тоа, затоа што информациите не и се точни (ниту пак таа самата спомна било каков документ, извор, факт, податок за нивната веродостојност).

Не сум правник, ама ги знам основите на правниот систем, дека невиноста е презумпција и дека секој е невин, додека не се докаже спротивното.

Реченицата: ...невиност се докажува на суд, каде тврдењата се докажуваат со докази и аргументи, (со негирање и демант нешто се кажува, но не се докажува) се однесува на Бранко. Требало вака да ја напишам, за да не бидам буквално фатена за збор. Подолу и напишав за случајот со швајцарските сметки, мислев дека ќе ми биде сфатена поентата.

А дека Мирка се замешала во нешто големо, се замешала, очигледно е.
Како и што ќе излезе од ова, останува да видиме.
Јас реков, се надевам само дека сето ова не е вистина, за доброто на Македонија.
Друго не ми е важно...

Легенда... анти-семитските настроенија, остави ги настрана, не зборуваат многу добро за тебе.
Адизес може да ги исполни сите критериуми за академик (затоа што не мора да е деец во Македонија, туку може да е и надвор од неа, а да има особен допринос во некоја област).
Интересно е дека кога истите тие академици поддржуваат кандидат за претседател, тогаш тие се совесни патриоти кои мислат за доброто на земјата, а две недели подоцна, кога Мирка ќе напише дека се во служба на опозицијата, тогаш стануваат предавници. Бирајте една опција, сепак...
А ти заклучи веднаш дека Адизес работи против Македонскиот народ, само од еден напис на Мирка, во кој таа не изјавува никакви факти и докази, а едноставно нашкрабува некоја своја верзија на настаните?! И дека е куќен пријател на Бакојани, само затоа што таа вели така?

Едни тврдат,,,други негираат...трети молчат.
Црвенковски: Унијата на народи е лажна конструкција
Таен план за некаква Унија на народи, промена на името на државата и вмешаноста на професорот Исак Адижас се лажна конструкција на авторот на текстот, реагираше вчера кабинетот на Бранко Црвенковски на завчера објавениот текст во „Нова Македонија“ под наслов „Македонците се бришат, Македонија станува Унија на народи“.

Весникот објави дека Црвенковски има план за деноминација на државава со тоа што би се сменило името, Македонија би станала Унија на народи, а за што како посредник го користел американскиот професор од македонско потекло Исак Адижас. Црвенковски преку Адижас се договарал со грчката шефица на дипломатијата Дора Бакојани, а наесен планира рушење на Владата на Груевски преку организирање протести. Адижес за ова ќе добие академска титула од МАНУ.

Кабинетот на Црвенковски соопштува дека се решил на овој демант поради тоа што текстот на „Нова Македонија“ бил пренесен од неколку медиуми.

„Целиот текст е лажна конструкција без какви било факти и аргументи и без какви било допирни точки со реалноста. Ставовите на претседателот во однос на спорот со Грција се добропознати и во безброј наврати јавно соопштувани пред македонската јавност. Никакви тајни планови не постојат ниту, пак, има потреба од такво нешто“, пишува во реакцијата.

Во врска со тајната средба на Црвенковски и на Груевски со Адижас во Охрид, минатата година, Кабинетот тврди дека таа средба всушност се одржала летото 2007 година во организација на премиерот Груевски. Претседателот на државата потсетува и дека македонското државјанство на Адижас му го врачил премиерот Груевски.

„Претседателот ниту има информации, ниту пак има поведено некаква постапка или иницијатива за доделување академски статус на господинот Исак Адижас. Претседателот Црвенковски со професорот Адижас се познава долго време, имале повеќе средби, заклучно последниот пат при неговиот престој во Скопје, пред неколку дена, кога по покана на претставници на бизнис-заедницата Адижас одржа предавање. Но и на таа, како и на која било претходна средба, ниту се разговарало, ниту можело да се разговара за посредништво или за медијаторство на Адижас во спорот околу името“, се истакнува во соопштението.

Црвенковски им порачува и на нарачателите и на изведувачите на вакви сценарија дека времето за лажење во Македонија полека но сигурно привршувало.

„Соочувањето со вистината за многумина ќе биде горчливо, но во исто време и неизбежно“, предупредува Црвеновски.





МАНУ не ја коментира постапката за доделување академска титул

Академикот Таки Фити, лобист и предлагач до МАНУ за доделување на титулата академик на Исак Адижас, вчера децидно одби што било да коментира.

- Политика на МАНУ е да не се коментираат постапките за доделување титула академик. Изборите за тоа се во мај и јас тука немам што да додадам - рече професорот Фити.

Претседателот на МАНУ, Георги Старделов, и вчера не беше достапен за коментар, бидејќи, како што ни јавија од неговиот кабинет, бил на состаноци надвор од зградата на Академијата.

zidarski напиша: Не покажувам никаква верност кон никого - ја познавам добро ситуацијава и знам за што станува збор... очигледно доста повеќе од квази-новинарот Велинова. Тоа што е роден во Скопје (и живеел извесно време) му дава право да има Македонски пасош. Тоа што е експерт по менаџмент, му дава право да биде советник (затоа и го најмуваа доста влади и фирми). А Македонија не е никаква негова жртва, од проста причина што човекот ни оддалеку не е ниту толку битен, ниту толку влијателен за да прави некакви глобални заговори за Македонија, а уште повеќе што познавајќи ги од прва рака неговите ставови за Македонија, можам да тврдам дека изјавите се извадени од контекст.

zidarski напиша: Адизес (така му е името, а не со ж), е роден во Скопје пред Втората Светска Војна. Еден од најпознатите теоретичари за менаџмент. Има работено со речиси сите влади на Македонија, сакале тие тоа да го признаат или не. Има позитивен однос кон Македонија и кон Македонците како народ, и таква изјава или нема дадено или е извадена од контекст и изманипулирана. Не сум љубител на БЦ, напротив, сметам дека е најголемиот срам за државата - но сепак, лесно и е на Мирка да пишува што ќе и текне, особено што важи непишано правило дека за време на избори, не се покренуваат тужби против новинари за клевета (за да не се врши притисок врз нивното одразување на изборите). Бугарите имаа една многу смешна поговорка - кога ќе кажат дека сестра ти е к*рва, оди после објаснувај дека воопшто немаш сестра... Таква е и оваа ситуација. Не е многу јасно кому служи оваа идеја, затоа што ако Мирка знаеше малку повеќе за Адизес и за луѓето со кои работи, ќе се замислеше дали да пишува вакви коментари, затоа што наместо да помогне на Груевски, може само да му одмогне... премногу лични контакти и врски се замешани тука, а таа сирота, нешто разбрала, нешто недоразбрала... ама пусто - нели треба да се докаже верност пред избори.

Кој е господинот Адизес или Адижес јас не знам, и да сум слушнала некоја информација, на едно уво влегло, на друго излегло... Ако дал таква изјава за македонците, не би рекла дека ни е пријател. Зошто интервјуто било објавено, па тргнато од сајтот на Алфа ТВ?

И едно знам, дека невиност се докажува на суд, каде тврдењата се докажуваат со докази и аргументи. Тоа и не би бил тежок случај, ако се работи за клевета без аргументи, што тешко се докажува, кога се работи за тајни средби во четири очи, без сведоци или рекла-казала... Доби Бранко еден таков процес за клевета, за наводните швајцарски сметки....
Па нека е и по избори, ако сега не е фер. Ако во овој случај се работи за шлекулативно новинарство, редно е веќе да почнат да се искоренуваат таквите појави и новинари.

И во демантот на Бранко беше споменато дека Груевски ја организирал средбата, дека тој му го врачил државјанството, дека бил и негов советник. Зошто го нема и него ништо да каже? Ако тој или некој од неговите соработници и го “шепнале“ на Мирка муабетот со Адизес, ако и тој го добил истиот непристоен предлог, би требало јавно да го каже. Освен ако со тоа не се компромитира на некој начин...

Или веќе не научија дека “некои прашања не заслужуваат одговор“... И ваквите обвинувања не се сметаат вредни за дебата и се фрлаат под тепих?!