Вардарци со триумф - до второ место во СЕХА

Избраниците на Веселин Вујовиќ започнаа сигуно - со доминација од пет поени разлика (16-11), за подоцна - во вториот дел, некаде околу 40 минута, гостите со серија од 4-0 да стигнат до изедначување (18-18), дури во еден момент и предност од еден поен (20-19).

За наша среќа, Вардарци се вратија во игра со прецизниот удар на Марковиќ, кој постигна седум поени и беше најефикасен во црвено-црниот состав. На истекот на последните секунди од натпреварот Филип Лазаров во обид да спречи контра - заработи црвен картон, а последниот удар на противничкиот тим кој можеше да биде сериозна закана за пласманот на Вардар, заврши во пречката на голот со што резултатот беше заокружен на 26-25. 

Вардар по оваа минимална победа, со 22 бода се наоѓа на второто место на табелата во СЕХА, со бод помалку зад водечкиот Загреб КО и два повеќе од „Металурзите“ кои се наоѓаат на трето место со два натпревари помалку. 

Ракометниот шампион на Македонија, Металург, на денешната прес-конференција ги претстави засилувањата за новата сезона, во која главна цел е пласман во групата во Лигата на Шампионите, учество на завршниот турнир во Регионалната лига, како и продолжување на доминацијата во домашните натпреварувања. Миладин Козлина, Жарко Марковиќ и Дамир Батиновиќ се нови ракометари на Металург. Сите тројца потпишаа двегодишни договори со македонскиот шампион.

"Среќен сум што дојдов во овој клуб и дека ќе бидам дел од еден голем проект. Тука сум поради тренерот, играчите и бидејќи се е на потребното ниво. Едвај чекам да почне новата сезона. Имаме добра жрепка во квалификациите за Лигата на Шампионите и очекувам да бидме први во групата" - изјави на денешната прес конференција Козлина, кој во Металург ќе го носи бројот 10.

Црногорецот Жарко Марковиќ додаде:

"Во регионалната лига ќе биде тешко бидејќи има неколку квалитетни екипи. Во Лигата на шампионите очекувам успешно да ги минеме квалификациите и да играме во групите од Лигата на Шампионите".

Според програмата подготовките на Металург почнуваат на 20 јули, дел од нив ќе се одвиваат во Словенија, а македонскиот првак ќе учествува на познатиот турнир во Добој. Се очекува во Металург да бидат доведени уште едно до две засилувања во пресрет на новата сезона.

Како што е познато, нашиот северен сосед следната година ќе биде домаќин на Европското првенство за ракометари. Ждрепката за групите ќе биде во среда точно на пладне во Белград, а веќе се знаат и некој детали околу составот на групите. Домаќинот сигурно ќе игра во Белград, Хрватска ќе биде носител на групата која ќе се игра во Вршац, а нашата репрезентација групната фаза ќе ја игра во Ниш, додека Унгарците ќе играат во Нови Сад, бидејќи се води сметка со овој распоред да биде задоволен и економскиот интерес. Состав на шеширите за ждрепка:

Прв шешир: Франција, Полска, Хрватска, Германија.

Втор шешир: Данска, Норвешка, Шведска, Унгарија.

Трет шешир: Србија, Шпанија, Исланд, Чешка.

Четврти шешир: Словенија, Русија, Словачка, Македонија.

Металург чека реванш, Прилеп чека одлука

Двата женски претставници на Македонија беа во центарот на вниманието на отворањето на евросезоната годинава

Прилепскиот тим, Жито Прилеп е во исчекување на одлуката на ЕХФ за натпреварот со Арион, кој не се одигра. Познато, Грците не сакаат да играат ако видат шеснаесеткрако сонце на нечиј македонски дрес. Клупски Арион можеби и ќе се нафател, но јасно му било предочено од грчката федерација дека ќе има последици за клубот доколку излезе на терен.
ЕХФ бил прилично јасен, па сега Прилеп е во очекување на официјализирањето на службениот резултат и пласманот на тимот во 1/4 финалето на Челенџ куп. Мечот кој не се одигра сигурно ќе биде службен 10:0 за Ж. Прилеп, но се очекува и формална елиминација на Арион и верификација на пласманот на македонскиот тим во следното коло.
За разлика од Прилеп, кој без да се појави на паркетот се пласираше во 1/4 финалето, актуелниот првак Металург е во сосема поинаква ситуација.
Лада Тољати, едно од најпознатите ракометни имиња, последниве десетина години во Европа е противникот на Металург во 1/8 финалето на Купот на ЕХФ.

Черноиваненко: Металург е екипа која се бори до крај
Десното крило на руската Лада Тољати, Олга Черноиваненко беше најдобриот стрелец на натпреварот со Металург. Руската репрезентативка за "Македонски спорт" искоментира за атсмоферата во тимот на Лада и за натпреварот одигран во "Олимп". 
"Ние претпоставуваме дека натпреварот нема да биде лесен. Сите екипи кои се од југословенската школа  се силни, тврдоглави, борбени. Плус ние имаме густ распоред на натпревари во рускиот шампионат, што, секако, можеше да влијае на натпреварот. Мислам дека во Македонија нема да биде едноставно. На крајот, Металург ќе игра на домашен терен, што е дополнителен стимул, плус тука е и поддршката од публиката", вели Черноиваненко.