Рецепти за торти и други благи работи

Шербет

Печени јаболка

Печените јаболка ја подобруваат работата на бубрезите. За да ги подготвите, потребно ви е: 8 јаболка, 8 лажички шеќер, 1 лажичка мелен цимет, 8 лажички џем од вишни, 50 г путер и 50 г бадеми исечени на ливчиња.
Приготвување: јаболката измијте ги и издлабете им ја средината. Во секое јаболко ставете малку џем од вишни, па посипете ги со шеќер и цимет. Јаболката наредете ги во тавче, прелијте ги со стопениот путер, посипете ги со ливчињата од бадемите и печете ги 20 минути во рерна загреана на 175 степени.

БАКЛАВА со гриз

Потребно е: 1кг готови кори, 700г ореви (половина мелени, половина толчени), 500г путер, 2 лажици гриз, 2 лажици ладна вода.
Во плех се редат три кори па се прскаат со путер кој е претходно растопен на тивок оган. Се посипуваат со оревите мешани со гризот. Се редат корите една по една, па секоја се прска прво со путер, а после со ореви. Се завршува со три кори кои пак се прскаат со путер. Откако ќе се исече (баклавата секогаш се сече непечена), се прска со останатиот путер во кој се додадени двете лажици ладна вода. После печењето се попарува со шербет од 1300г шеќер и 700мл вода, и тоа топла баклава со топол шербет (многу убаво омекнува, само одозгора е крцкава).

РОЛАТ БАКЛАВА

Потребно е 1 кг готови кори. Филот се прави од 150г мелени ореви, 150г сецкани ореви, 100г суво грозје, 100г кокос, 100г рендано чоколадо за готвење и една и пол шолја шеќер - сите овие состојки се попаруваат со една шолја врела вода и убаво се меша.
За секој ролат се редат по 4 кори, се прскаат со масло и вода, па се филуваат и се виткаат. После печењето се попарува со шербет од 1кг шеќер и 1л вода.

БАКЛАВА СО ЛЕШНИЦИ

Потребно е 1кг готови кори, 500г лешници, еден маргарин, 250г масло. Се редат корите во плех и секоја се прска со малку масло и малку потпечени мелени лешници. Кога е готова се сече, па се попарува со стопениот маргарин, па се пече. Шербетот се прави од еден и пол кг шеќер, литар вода, ќесичка ванилин шеќер и малку лимонтос, па ладната баклава се попарува со топол шербет.

ГРЧКА БАКЛАВА

Потребно е 500г кори, 300г мелени ореви, 300г кокос, две чоколади за готвење и ќесичка цимет.
За прскање на корите се топи еден маргарин и се меша со една чаша (средна големина) масло.
Секоја кора се прави посебно. Се прска прво со мешавината од масло и маргарин, па се прска од филот направен од оревите, кокосот, ренданите чоколади за готвење и циметот. Се зема игла за плетење, на неа се витка кората како ролат, се набира од двете страни и се вади од иглата. Се сече на три дела (ова се оние мали баклавчиња, за едно залаче). Се пече на 200 степени, а ладна се попарува со млак шербет од 1кг шеќер и 700мл вода.

Обланди

1 пакување обланди
750 г. шеќер
200 г. мелени лешници
400 г. мелени бисквити
1 маргарин Кристал
400 мл. вода

Во тенџере се ставаат водата и шеќерот да вријат 2 минути. Откако ќе зовријат, тенџерето се трга од оган. Маргаринот се топи и се додава во шербетот. Се додаваат мелените лешници и ова се меша. Се додаваат и мелените бисквити и пак се меша. Додека филот е топол се става врз обландите.

Бомбици со локум

локум
шеќер во прав
кокос
пола лимон исцеден

Од состојкиве се замесува тесто и се формираат топчиња. Се валкаат во кокос.

Бела бајадера

1 дел:

1/2 маргарин, 200гр шеќер, 1/2 филџан (од кафе) млеко со сок од 1/2 лимон на тивко се топи на рингла. Откако ќе се биде компактно стопена масата, се додаваат 100гр. мелени ореви, па 100гр мелени бисквити. Оваа смеса се обликува во форма на правоаголник со дебелина од 1.5цм.

2 дел:

1/2 маргарин, 200гр шеќер, 100гр вода и 200гр бело чоколадо се топат на тивко со константно мешање. По некое време се додава 200гр мелен орев, а после тоа и 250гр. млеко во прав (не мора целата количина, смесата треба да е погуста, ама кашеста, од многу млеко во прав може да биде многу тврда кога ќе се излади). Пожелно е и да се меша со миксер додека се става млекото во прав, за да не се направат грутки, и овој дел се става над првиот.

Прелив од чоколадо:

На пареа се топи 100гр бело чоколадо со масло, и со тоа се прелива бајадерата која претходно се стврднала.

Обланди

1 пакување обланди
750 г. шеќер
200 г. мелени лешници
400 г. мелени бисквити
1 маргарин Кристал
400 мл. вода

Во тенџере се ставаат водата и шеќерот да вријат 2 минути. Откако ќе зовријат, тенџерето се трга од оган. Маргаринот се топи и се додава во шербетот. Се додаваат мелените лешници и ова се меша. Се додаваат и мелените бисквити и пак се меша. Додека филот е топол се става врз обландите.

Бомбици со локум

локум
шеќер во прав
кокос
пола лимон исцеден

Од состојкиве се замесува тесто и се формираат топчиња. Се валкаат во кокос.

aj , pishi togash...shtom si golem ili...ostavi nekoj drug da pishe,...pospecijalist!