Рецепти за торти и други благи работи

Слатко од лубеници

За слатко се избира посебен вид на лубеница која има подебело бело месо (може и обична - дебелокорка). Средината и кората се отстрануваат, а белото месо се сече на коцки кои се ставаат во варова вода да отстојат преку ноќ. Утредента се ставаат во чиста вода, па отстојуваат уште еден ден, со менување на водата на два-три пати. Потоа, коцките се ставаат неколку пати во вода да зовријат. Добро се цедат и се боцкаат со игла. Во сируп од еден килограм шеќер проварен во 250 милилитри вода се варат околу еден килограм исчистени коцки од 15 до 20 минути, со постојано вадење на пената. При крај на варењето, се става сок од лимон и ванилин шеќер и тенџерето се вади од рингла. Откако слаткото ќе се излади, се сипа во тегли.

Подготовка: Со миксер мешајте ги јајцата и ванилиниот шеќер се додека не се направи пена. Потоа полека додавајте ги малвазијата и вишновката. Смесата мешајте ја на пареа, се додека масата не згусне. Кога ќе биде готова, веднаш ставете ја во чаши и послужете ја.

Сорбет од јагоди

Потребно:

* 250 г јагоди
* 2 лажици сок од лимон
* 200 мл вода
* 100 г шеќер

Приготвување: од шеќерот и водата сварете сируп, па изладете го. Јагодите испасирајте ги во миксер, па измешајте ги со сирупот и лимоновиот сок. Ставете ги во замрзнувач да отстојат 2-3 часа. Во текот на замрзнувањето, смесата мешајте ја неколку пати.

Компот од цреши

Потребно:

* 1 кг цреши
* 150 г шеќер
* кора од цимет
* 4 каранфилчиња
* парче кора од лимон
* 500 мл вода

Приготвување: црешите исчистете ги од дршките, измијте ги и исцедете ги. Во водата ставете ги шеќерот, циметот, каранфилчињата и кората од лимонот, па сето тоа варете го додека не добиете бисерна капка (со лажичка црпнете од сирупот, па одозгора сипајте во чинивче. Ако се појави бисерна капка, тогаш сирупот е готов). Потоа додадете ги црешите и сето тоа варете го на тивок оган додека не омекнат.

Потребно:

2 јајца
2 лажици шеќер во прав
4 кесички ванилин шеќер
2 кесички шлаг

Приготвување: изматете снег од белките со миксер, па додајте ги шеќерот и ванилиниот шеќер. Продолжете да матите додека не добиете цврста смеса. Намалете ја брзината на миксерот, па ставете ги жолчките и матете го сето тоа уште една минута. Во друг сад, подгответе го шлагот според упатството на кесичката, па измешајте го со лажица во претходно подготвената смеса од јајца. Вака подготвениот сладолед сипете го во пластичен сад и замрзнете го.

Вест рецепт - Круши во црно вино

Потребно:

4 круши
4 каранфилчиња
2 дафинови листа
1 шипка цимет
1 парче кора од лимон
125 г шеќер
750 мл црно вино

Приготвување: излупете ги крушите, па, со дршките свртени нагоре, ставете ги во високо тенџере. Додајте ги каранфилчињата, дафиновите листови, циметот и кората од лимон. Посипете го сето тоа со шеќерот и прелијте го со виното. Оставете течноста да зоврие, па намалете ја температурата и варете околу 40 минути. Со виљушка, проверете дали крушите се варени, па внимателно извадете ги држејќи ги за дршките. Оставете го виното да се вари уште малку, па прелијте ги крушите со него.