Проверете како ќе изгледа новата 2015 година според вашиот хороскопски знак во поглед на љубовта, општо за животот и во поглед на кариерата. Сето тоа е опишано само во неколку реченици.

ОВЕН

Живот: Среќата ќе биде на ваша страна, посебно последните три месеци од годината. Не плашете се да ризикувате, бидејќи максимално ќе профитирате.

Љубов: Вашата главна цел е да откриете што всушност сакате и ви треба од врската. Време е за малку интроспекција.

Кариера: Вашата креативност е на врвот. Не се ограничувајте и вашите најдобри идеи предложете ги на вашиот надреден, кој за возврат ќе го препознае вашиот огромен потенцијал.

БИК

Живот: Вие сте реални и сакате се да планирате однапред, но, оваа година ќе ве обвие желба за нови спонтани искуства.

Љубов: Ситуацијата ќе биде малку хаотична, ама бидете трпеливи, се ќе тргне на подобро кон крајот на годината.

Кариера: Ќе бидете незадоволни на работа. Започнете да барате нови можности, но, не давајте отказ додека не одлучите што понатаму.

РАК

Живот: Во годината што измина доста работевте на себе, а оваа година ќе уживате во плодовите на вашиот труд- без разлика дали се работи за кариерата, финансиската состојба или љубовниот живот.

Љубов:Уморни од играњето игри, вие ќе бидете искрени спрема луѓето, а новиот пристап ќе ви помогне да го пронајдете вашиот господин Совршен.

Кариера: Поставивте нови цели, но, не се осмелувате да го направите првиот чекор. Поттикнете се самите себе си и работите ќе си доаѓаат сами по себе.

Живот: Оваа година пријателите ќе играат голема улога во вашиот живот. Некои ќе ве инспирираат да испробате нови работи, а други ќе ви помогнат да ги преминете тешките препреки.

Љубов: Ве привлекуваат лошите момци, но оваа година ќе запознаете дел од оние добрите кои ќе направат да го ревидирате вашиот вкус за мажи.

Кариера: Забавата и работата држете ги разделени. Верувајте има време за се.

ЛАВ

Живот: Следните 12 месеци вашиот живот ќе се врти околу забава. Дружењето и смеењето со пријателите ќе ви ја подобрат енергијата и ќе ви го разубават животот.

Љубов: Во средината на годината очекувајте го вашиот страстен период. Ќе бидете вљубени како никогаш и ќе уживате во страстен секс.

Кариера: Некои луѓе ќе се сомневаат во вашите способности. Докажете дека погрешно ве процениле и потрудете се како никогаш досега.

ДЕВИЦА

Живот: Ќе имате премногу енергија, и повеќе одошто ви е потребно. Искористете ја таа енергија како би ги завршиле работите кои долго време ги одложувавте.

Љубов: Фокусирајте се само на она што ви одговара и решете се од се она што ве нервира.

Кариера:Ќе имате повеќе работа и ќе ви биде понапорно одошто сте се навикнале. Но, сфатете го ова како прилика да ги докажете своите способности.

Живот: Ќе влезете во фаза во која ќе посакате вашата куќа да ја претворите во дом. Создадете удобно гнездо за романтика и дружење.

Љубов: Оваа година ќе се впуштите во спонтан флерт, не размислувајќи за иднината. Живејте во моментот!

Кариера: Во следните шест месеци очекувајте големо напредување на работа.

ШКОРПИЈА

Живот: Прилично сте екстравертни, но оваа година ќе се разбуди вашата интровертна страна.

Љубов: Покажете го вашето вистинско лице на личноста која ви се допаѓа.

Кариера: Шефот ќе ве обожува. Искористете го тоа!

СТРЕЛЕЦ

Живот: Толку многу бевте сконцентрирани на својот живот, што ги запоставивте вашите пријатели. Оваа година е време да преземете нешто околу тоа.

Љубов: Доколку чезнеете за момче кое нема да се плаши од посветеност и интимност, добрата вест за вас е дека ќе го пронајдете.

Кариера: Го дадовте својот максимум на работното место, сега е време да го успорите темпото и да уживате.

Живот: Животот ќе ви приреди ситуации, кои ќе морате да ги пребродите.

Љубов: Оваа година ќе размислувате за посериозни љубовни чекори.

Кариера: Добро размислете кому му ги доверувате вашите доверливи бизнис информации.

ВОДОЛИЈА

Живот: Честитаме. Оваа година за вас ќе биде неверојатно успешна и ќе бидете прилично задоволни.

Љубов: Доколку имате потешкотии и проблеми, не се двоумете да побарате помош од вашите пријателки.

Кариера: Ќе сфатите дека не сте доволно платени. Не се двоумите да го побарате заслуженото.

Живот: Преполни со енергија и ентузијазам. Оваа година небото ќе биде вашата граница.

Љубов: Оваа година ќе бидете посебно сентиментални.

Кариера: Ќе морате да му покажете на вашиот шеф за што се сте способни, а најдобро време за тоа ќе биде в лето и есен.

Овен
Вие сте голем лутко и не ви треба многу за да се налутите и да се почувствувате навредени, или прозвани. Многу често влегувате во конфликти и затоа е најдобро другите да избегнуваат провокации кога сте вие во прашање, особено ако ви е погодена суетата – вие сте фолем егоист и веднаш завземате борбен став. Но, ако навредата ја доживеете од драга личност, истиот момент ќе се „изладите“ и ќе простите. Совет – поработете на тоа во некои ситуации да не пламнете, бидејќи не се луѓето виновни што сте толкав егоист и сметате дека сте нападнати во секоја ситуација.

Бик
Вие сте големо злопамтило. Подготвени сте да простите, но никогаш не заборавате. Слаба точка ви е семејството, домот и гордоста, па ако тука ве погодат вие сте вистински разлутен Бик. Многу сте своеглави и тешко правите компромиси, па воглавно другите вам ви простуваат. И ако некому простите, тоа ќе биде на вам исклучително важни личности, родителите и пријателите. Тоа е убаво, но сепак и другите луѓе заслужуваат да им се даде шанса.

Близнаци
Не сте така едноставни како што се чини на прв поглед. Ако почувствувате дека не ве почитуваат во мерка во која тоа го заслужувате, ќе се оддалечите од тие луѓе и ќе ја сведете комуникацијата со нив на минимум. Иако не сте осветољубиви, астрологијата на вашиот знак говори дека станувате сурово практични кон оние кои сакаат да ги осуеатат вашите планови. Некои тоа го сметаат за користољубие и дволичност, а вие ќе се смешкате, иако во себе чувствувате бес.

Рак
Вие сте исклучително емотивни и чувствителни, но ако некој удри по вашето его, во состојба сте целиот живот да помните што ви рекла таа личност и да ковате планови за да се одмаздите. Не простувате лесно, особено на драгите личности кои нема да бидат покрај вас кога ви се најпотребни. Вашата изразена емотивност дополнително влијае на фактот тешко да простувате, бидејќи сè сфаќате лично.

Лав
Ако не сте во центарот на внимание, ако ве игнорираат, или омаловажуваат, такво нешто нема да заборавите, а камоли да простите. Дури и ќе направите сцена и целото сценарио ќе мораат да го слушаат другите и тоа со часови, можеби и со денови.. Не простувате ако верноста и приврзаноста не се возвратат со иста мерка, било да е во прашање партнерот, или пријателите. Затоа, сепак обидете се да бидете пореални, не се врти сè во животот околу вас.

Девица
Подготвени сте да ги истрпите навредите, но нема да простите ако некој не е директен со вас, бидејќи не поднесувате озборувања. Не сакате порази и изненадувања особено на деловно поле и тоа е нешто што може да ве погоди. Не толерирате и не простувате вулгарно, непристојно и недоделкано однесување, тоа е нешто што навистина ве вади од такт. Не сте ситничави, па лутината бргу ви поминува.

Вага
Вие не толерирате неправда и уживате да бидете забележани и да блескате во друштвото. Ќе бидете длабоко навредени ако некој ве занемари – уживате во комплименти и ласкање. Кога е љубовта во прашање подготвени сте да простите ако ја добиете наклонетоста која ви е потребна од саканата личност. Тоа може да биде симпатично, но не е реална причина за лутење.

Скорпија
Астрологијата зборува дека вие сте најосветољубивиот знак на Зодијакот. Не поднесувате измами во било кој облик и многу тешко простувате. Иако сте емотивни и приврзани кон оние што ги сакате, ако почувствувате измама на своја кожа, ќе подготвите отровна освета. Но, ако за возврат добиете исто онолку колку што давате, другите во вас ќе најдат најдобар пријател и верен партнер.

Стрелец
Иако делувате како многу сурови, вие само немате такт во некои ситуаџции. Ако ви е загрозена професионалната или социјаната позиција станувате исклучително осветољубиви и заборавате што значи да се прости. Во љубовта сте сепак подготвени на компромиси – ако партенрот ги толерира вашите излети ќе бидете толерантни кон него и ќе бидете подготвени да простувате.

Јарец
Ако некогаш во минатото сте биле навредени или потценети, ќе го потиснувате тоа чувство на бес со години, сè додека не ви се укаже можност да вратите дупло. Астрологијата на вашиот знак кажува дека за вас е најважно да добиете признание, било во љубовта или во работата. Тешко простувате предавство, или неверство, бидејќи сте свесни дека луѓето околу вас може да се ослонат на вас – ако некој тоа го изневери, ќе бидете огорчени бидејќи секогаш се трудите да дадете максимум.

Водолија
Не сте злопамтило, но нема да простите ако откриете дека пријателите ве лажат или се обидуваат да ве искористат. Социјалниот дел од животот ви е многу важен баш затоа што ви е слаба точка. Бидејќи во љубовниот живот како и во сите други подрачја, ја сакате слободата и независноста, ќе бидете подготвени многу нешта да му простите на партнерот кој поради својата толеранција кон вас, тоа и ќе го очекува.

Риби
Астрологијата на вашиот знак укажува на вашата потреба да се инатите со другите и тоа често пати на своја штета. Поради вашата нагласена емотивност, долго ги помните навредите и не сте во состојба лесно да простите, бидејќи тешките зборови искрено ве заболеле. Во љубовта сте подготвени на отстапки, дури и на понижувања кои стигнуваат од саканата личност, но кога еднаш ќе одлучите да го нашуштите партнерот, враќањето и простувањето не постојат.

Овен и Овен

Кога ќе се сретнат два огнени знака, често доаѓа до експлозија. Врската меѓу два Овна може да биде незгодна ако дозволат постојано да се бодат со роговите. Но, ако дозволите импулсивноста на партнерот да ве инспирира, тогаш вашиот однос може да биде функционален.

Бик и Бик

Овој пар може да биде сосема компатибилен, затоа што двајцата се почесто домашни типови. Оваа земна комбинација на хороскопски знаци претставува стабилност кога се заедно. Ако се караат, тоа е сигурно поради пари.

Близнаци и Близнаци

Односот меѓу два Близнака може да биде исклучително бурен и возбудлив. Сепак, двајца Близнаци не можат долго да издржат заедно.

Рак и Рак

Два рака може да функционираат единствено ако секој од нив прифати покрај себе да има чувствителна личност.

Лав и Лав

Врската меѓу два Лава тешко може да успее затоа што едниот од нив секогаш ќе чувствува потреба да биде главен. Рамнотежата може да се постави некое време, но целосна еднаквост е речиси невозможна.

Девица и Девица

Две Девици може да имаат совршена врска. Секој од двајцата има високи очекувања од другата страна. Тоа понекогаш доведува до недоразбирање, но почесто доведува и до тоа еден од двајцата да му помага на другиот за да стане подобра личност.

Вага и Вага

Ваквата комбинација е можна само ако двајцата партнери сфатат за што вреди, а за што не, да се расправаат. Секој од нив сака хармонија и почесто ќе попушта, отколку што ќе сака да се кара за некоја ситница. Компатибилноста зависи од тоа колку се свесни двете страни.

Скорпија и Скорпија

Иако за две Скорпии важи тоа дека може да остварат добра комуникација и длабока поврзаност во ситуации кога доаѓа до поголема караница или несогласување, може и да се свртат еден против друг, наместо да ја смират ситуацијата .

Стрелец и Стрелец

Тешко е два Стрелца да остварат стабилна врска затоа што двајцата сакаат да се натпреваруваат и имаат страв дека другиот ќе почне да му ја ограничува слободата. За среќа, двајцата се искрени еден пред друг, што може да ја ублажи природната неспоивост.

Јарец и Јарец

Врската меѓу два Јарца може долго да трае бидејќи се свесни дека на другиот му е потребен живот и надвор од врската. Со оглед на тоа што го почитуваат времето на партнерот и неговата работа, во состојба се полека да ја зацврстат врската во која делат заеднички интереси.

Водолија и Водолија

Иако може да бидат одлични пријатели кои се охрабруваат меѓусебно, ги водат внатрешните пориви и токму тоа може да биде пречка за емоционална врска.

Риби и Риби

На прв поглед може да изгледаат како складен пар. Заедно ги планираат своите соништа, но не ги остваруваат и тоа станува камен од кој се сопнуваат. Важно им е да не се жртвуваат себе за да не станат огорчени и инертни.

Ние денес нема да се занимаваме со астрологија туку ќе ви укажеме на еден друг тип на медицински хороскоп, кој не е научно докажан, но во многу земји луѓето веруваат и се носат според него, а тоа е крвниот хороскоп или хороскоп според крвните групи. Денеска ќе посветиме внимание на крвниот хороскоп за жени, а во наредното продолжение на статијата ќе обрнеме внимание и за крвниот хороскоп за мажи. Ужвајте!

0 позитив (0+)

Жените од оваа категорија добро се согласуваат со мажите кои се од крвната група А+, 0+ и 0-. Бидејќи факт е дека А+ мажи имаат највисоко его, за да опстанете во врска со маж од оваа категорија морате да бидете многу цврсти и да имате некој издувнен вентил. Жените кои припаѓаат на крвната група 0, се многу дружељубиви, можат да бидат гостопримливи и добри домаќинки, но се ова додека имаат пари, жените од оваа група имаат голема страст за пари. Жените од оваа категорија имаат проблем кога ќе дојдат во финансиска криза, постануваат арогантни и не можат да се носат со проблемот.

Жените од оваа категорија најмногу се погодуваат со мажите од истата крвна група А+ и А-. Сепак жените од оваа категорија често паѓаат во замка поставени од мажите кои се АБ крвна група, па со оваа крвна група тие најчесто имаат секс за една вечер. Сумирано за А+, жени најдобар избор е А+ и АБ+ маж, нормално ако помеѓу нив се создаде хемија. Овие жени не се многу романтични, но се многу угледни и праведни, тие ретко го изневеруваат партнерот, го почитуваат и сакаат да создадат хармонија. Жените од оваа категорија го сакаат својот партнер исто како и на почетокот и после долгогодишен брак. Овие жени тешко се борат со стресот, горди се и тврдоглави.

Б позитив (Б+)

Тоа се луѓе родени за движење, во себе развиваат еднаква способност за борба и снаодливост во непредвидени ситуации, како и способност на соживот во мали групи. Поради својата мобилностне се врзуваат за ништо, па им одговара стил на живеење на патник, било да тоа им е во дел на работата, или пак да се наоѓаат во таква средина. Да се смени местото на живеење за нив е најлесна работа. Тие се прави истражувачи сакаат се што е ново и непознато. Психолошки гледано, жените од оваа крвна група се најинтересни. Наизглед се интровертни, делуваат повлечено и воздржано, но имаат јасно изграден став за своите желби и вредности.
Во професионалниот живот жените од оваа крвна група кариерата ја градат врз основа на докажани лични квалитети и напори и никогаш не го истакнуваат такмичарскиот дух. Функционираат претежно во тесен круг на свои проверени пријатели на кои се верни.

АБ позитив (АБ+)

На овие жени им е важна забавата, и само забавата. Тие не сакаат да се врзуваат, сакаат авантури за една вечер и живот полн со авантури. На овие жени им одговараат сите мажи кои се позитивен RH фактор. Овие жени се многу толерантни, не земаат ништо за сериозно и ретко можат да ви се налутат. Ако сте жена од оваа крвна група значи дека сакате слични мажи на вас со доста авантуристички дух, сакате иновации и истражувања.

0 негатив (0-)

Тие имаат најмали шанси да останат бремени, а шансите тоа да се случи се најголеми со мажите кои исто така се од 0- група. Најдобар партнер е 0- партнер тие се специфични и бараат специфични партнери, со својата група 0- партнери најдобро се согласуваат. Сепак кога жената која е 0- ќе ја најде својата сродна душа односно ќе се вљуби нивната љубов е многу силна, по сила од било која друга крвна група. Овие жени не го душат партнерот во љубомора и други обврзувања тие едноставно го почитуваат и му веруваат. Жените од оваа група се многу поразлични тие имаат изразито свој став.

Оваа група најмногу се согласува со мажи кои исто така се А-, но може и со АБ-, тука може да се спомене и 0- крвна група, но тие овие мажи можат да ги доживуваат како наметливи. Овие жени се многу чувствителни, помалку се љубоморни и сакаат да се врзуваат. Овие жени би можеле многу полесно да се заљубат од било која друга крвна група. Овие жени се многу верни кога еднаш ќе пронајдат партнер прават се од себе да го задржат и многу ретко се причина за раскинување во врската. Сепак партнер кој најмногу им одговара е партнер кој носи потполно иста крвна група.

Б негатив (Б-)

Оваа крвна група одговара со скоро секоја, особено негативните. Од сите крвни групи се смета дека Б-, одговара најмногу со АБ-. Овие жени се кариеристи и најдобро би им одговарал исто таков маж. Тие се вредни и посветени на кариерата и го разбираат парнерот кој исто така е посветен на кариерата. Tие се логичарки и ладнокрвни, но знаат да бидат и многу големи љубовџики доколку ја најдат својата сродна душа.

АБ негатив (АБ-)

Толеранцијата е нивниот заштитен знак. Слични се како предходниот најмногу си одговараат со Б-. Сепак тие не се критично настроени, ги сакаат и почитуваат сите што им помагаат, толерантни се кон сите од кои би можеле да имаат некаква корист. Овие жени се смета дека имаат најмал проблем да пронајдат сродна душа. Тие немаат проблем да се заљубат, многу се емотивни, креативни и романтични.

Жена овен

Таа има одличен карактер и сака сѐ што е чисто, јасно и прецизно. Брзо и активно реагира на сѐ што се случува околу неа. Вообичаено повеќе значење ѝ придава на акцијата, отколку на размислувањето. Грижите ја обземаат само моментално и не оставаат некои длабоки траги во неа. Не се обесхрабрува лесно, ниту ја обзема песимизам, има самодоверба, храбра е и е во состојба да оди чекор по чекор за да ги оствари своите животни цели. Презема и одредени ризици за да не залута во лавиринтот на неодлучност. Нејзиниот ентузијазам и динамичност се доволен двигател да ги преброди сите тешкотии во животот. Честопати презема иницијатива и кога ќе се најде во дилема, сепак бргу донесува одлука.
Жената која е во хороскоп овен не поднесува компликувани ситуации и не ги сака луѓето што наоѓаат задоволство во конфузни приказни и случки. Се однесува ноншалантно и директно, а со своите импулсивни реакции, понекогаш се случува некого грубо да повреди, иако немала таква намера. Нејзиниот карактер има големо влијание и во однесувањето во љубовта. Таа никако не може да се вброи во типот на жена–робинка, бидејќи е премногу независна за да може да поднесе некој да ја стави во „кафез“, па макар тој бил и златен. Очекува и бара взаемна доверба со нејзиниот партнер, за да обезбеди заеднички живот без сцени и сомнежи.
Љубоморна е и тоа го покажува и бара јасни одговори на прашањата. На нејзиниот партнер нема да му биде лесно ако почне да ја избегнува и запоставува. Ако партнерот ја изневери, нејзината гордост и самопочит ќе бидат повредени и таа сигурно нема лесно да помине преку тоа. Во сѐ сака да има своја улога и во секоја прилика сака да се слушне и нејзиниот збор. Ако наиде на личност која е послаба од нејзе, постои опасност да ја потчини, но таквата ситуација нема да ѝ се допадне, бидејќи во длабочината на својата душа таа не сака таква врска. Идеален маж за неа, е оној кој има јак карактер. Нејзината смелост, спонтаност и ентузијазам ќе играат голема улога во нејзините емотивни врски. Кон партнерот може јавно да покажува нежност, но и од него ќе бара да ги покаже своите чувства кон неа. Во љубовта како и во животот, таа бара полна ангажираност. Таа дава сѐ или ништо – понекогаш е бескрајно дарежлива, а понекогаш покажува знаци на егоизам. Не ги сака лагите и измамите.

Жена бик

Таа стои цврсто на земја и сака сѐ што е постојано и опипливо. За неа мечтаењето претставува само душевен мир, но никогаш не се задоволува со лажни ветувања и слатки илузии.
Кон пријателите покажува лојалност и посветеност, но истото го бара и од спротивната страна. Ако некој ја изневери таа нема бурно да реагира, бидејќи нејзините реакции се бавни и не толку видливи, но затоа бескрајно длабоки и обично трајни. Доколку се увери дека некој лошо постапил со неа или ја повредил нејзината добронамерност, тоа никогаш нема да му го прости. Не ги сака промените и пресвртите и сѐ она што може да го промени нејзиниот вообичаен тек на живот. Ги почитува принципите и концизните идеи. И покрај тоа што има јак карактер, во него има и некои слабости. Во нејзиниот живот понекогаш се јавува мрзеливост и пасивност, бега од грижи и проблеми и не сака компликации.
Љубовта игра голема улога во нејзиниот живот. Таа не е синоним за страст, бурни емоции и романтика, туку за нежност и уживање. Кај мажите ја привлекува нивниот физички изглед, а што се крие зад нивната надворешност, на почетокот не ја интересира многу. Кога ќе запознае личност што ѝ се допаѓа, сака на секој начин да го привлече неговото внимание, но пред да се реши за трајна врска сака да биде сигурна дека тој е оној вистинскиот. Жената бик не се врзува лесно, бидејќи љубовта во нејзиното срце бавно созрева и чувствата постепено се развиваат. Не поднесува присуство на друга жена, па дури ни колешката на нејзиниот партнер и ќе направи сѐ за да го задржи само за себе. Ако открие неверство, спремна е да врати со иста мерка.

Жена близнаци

Динамичноста е нејзина најважна карактерна особина. Бескрајно ја цени слободата и независноста и не му дозволува никому да господари со неа или да ѝ ја наметнува својата волја. Многу е интелигентна, но не и прониклива. Погрешно суди за луѓето што ѝ мислат добро, па е во состојба и да ги навреди. Исто така погрешно ги проценува намерите на оние кои не ѝ мислат добро, па тоа ѝ се удира од глава, иако не е свесна за тоа. Амбициозна е, но не премногу и во работата може да го пронајде најдобриот начин кон успехот. Кога работи сака луѓето да го ценат тоа, но очекува и материјален ефект за својот напредок и никогаш нема да прифати работа која нема да ѝ донесе и материјална корист. Парите лесно ги троши.
Исто како и во животот, така и во љубовта важна ѝ е слободата, па и кога ќе засака некого се плаши да не се врзе премногу за него. Во љубовта и во бракот е верна, а доколку се случи да се разведе, никогаш нема да го заборави тој човек. Не е љубоморна и е приврзаник на современите обичаи и навики. Неверството може да го прости, но може да биде и сосема категорична. Во љубовта е особено динамична, а чувствата не ги покажува јавно.
Сака да се дружи, но притоа и да се покаже како комуникативна личност која има широк круг на пријатели, па затоа никако не може да се сложи со партнер кој не е динамичен. Во потрагата по нови познанства нема секогаш да успее, па се случува да е повеќе сама дури и кога е опкружена со друштво. Можеби никогаш нема докрај да разбере, дека понекогаш е подобро да имаш малку, но одбрани и верни пријатели, отколку многу неискрени кои умеат добро да глумат.

Жена рак

Многу е чувствителна, сензибилна и емотивна личност, но за да се заштити себеси се труди да ги скрие своите чувства. За да се чувствува среќна, се сокрива во својот свет заграден со високи ѕидови, во кој е тешко да се влезе. Во детството се чувствувала безбедно во родителскиот дом, а подоцна се обидува да создаде свој свет во кој ќе владее спокојство, мир и сигурност.
Жената рак не е премногу ни борбена, ни реална, ни активна, бидејќи стравот од непознатото ја попречува да оди напред и да ги совладува препреките. Таа е задоволна онаква каква што е, и не сака многу да се менува. Тоа бегање од непознатото е потполно разбирливо бидејќи често се судира со непријатности, грижи и неизвесност. Нејзината чувствителна природа брзо реагира на секаков вид агресивно однесување. Кога ќе се соочи со некој сериозен проблем умее да се претвори во „жена змеј“ која ќе се жртвува до крај.
Умее да „сонува“, но сака и логично да размислува, но на неа многу лесно може да се влијае, па ако тоа не можат да го постигнат оние кои не ѝ се многу блиски, тоа многу лесно ќе им успее на сите оние кои таа ги сака. Љубовта во животот ѝ значи сѐ и таа ѝ е најважна во животот. Таа бара човек кој ќе ѝ овозможи сигурност и поддршка, но и бескрајна нежност. Таа е многу чувствителна и романтична личност и сонува за бескрајно романтична љубов и страст на две сродни души. Нејзината глад за идеална љубов е тешко да се задоволи, бидејќи постои разлика помеѓу реалноста и убавите соништа, а токму тоа и најмногу ја плаши.

Жена лав

Таа е јака жена која не се препушта лесно да ја понесат брановите на судбината. Нејзината виталност, волја и авторитет ѝ овозможуваат да биде доминантна жена. Тешко ѝ е да остане на едно место, да мечтае и ништо да не работи, бидејќи сака акција и движење, а не поднесува мрзеливост. Гордоста, а понекогаш и суетата, играат голема улога во постигнувањето успех скоро по секоја цена. Претпазлива е и скоро ништо не препушта на случајноста.
Таа има премногу високо мислење за себе за да може да се задоволи со моменталната состојба. Млаки и недефинирани чувства ја доведуваат до очај, а нејзиниот карактер е таков што тешко се прилагодува кон луѓе кои се воздржани. Искрена е, а понекогаш сака и да се шегува. Нејзините ситни грижи умее да ги прикаже како големи за да го привлече вниманието на другите. Кај неа постои една контрадикторност. Среќна е и великодушна кога може на другите да им причини радост, меѓутоа понекогаш е премногу егоцентрична, па пред да помисли на друг, таа прво помислува на себе.
Нејзина најголема доблест е верноста. Има цврст карактер и затоа не поднесува туѓи влијанија. Кај другите луѓе не трпи каприци и извештаченост. Ако ѝ се допадне некој маж, таа тоа отворено ќе му го даде до знаење. Кога сака некого, потполно им се препушта на чувствата и во љубовта не поднесува да остане ништо нејасно и недокажано.

Жена девица

Сѐ што се случува околу неа, таа го прима со аналитички поглед и има отпор кон сето она што е диктирано од инстинкт. Кон луѓето не покажува спонтаност, премногу воодушевување и силна желба за пријателство, бидејќи по природа е резервирана и срамежлива.
Кога ќе сретне маж кој ѝ се допаѓа, а и таа му се допаѓа нему, тешко е веројатно дека ќе му се фрли во прегратка, пред сѐ затоа што и самата не е сигурна во своите чувства. Секогаш ќе се прашува дали е тоа вистинска љубов или тоа се само минливи чувства. За да ја разјасни оваа дилема, најпрво себеси ќе се преиспита, а потоа и личноста која ѝ се допаѓа. Причината поради која се двоуми потполно да им се предаде на чувствата, е нејзиниот паничен страв да не направи грешка.
Таа е приврзана кон своите навики и верува дека живее во удобно гнездо кое сама го создала, па се прашува дали личноста која влегла во нејзиниот живот може да го смени и расипе тоа. Еден ден кога ќе го победи својот страв, сигурно е дека на мажот што ќе го одбере ќе му биде посветена до крајност. Жената девица е многу верна и лојална личност, која е дискретна и внимателна во сѐ што прави. За да можете вистински да ја запознаете, треба да имате на ум дека за нејзиниот карактер многу поголемо значење има тоа што е скриено во неа, отколку она што е очигледно.

Жена вага

Жената вага не е ниту енергична, ниту одлучна личност и во донесувањето одлуки никако не може да го пронајде вистинско решение. Не е особено амбициозна и секогаш ѝ е потребен некој на кој со задоволство ќе му препушти дел од обврските. Во сѐ што прави сака целосно да се внесе и посвети, но тоа не ѝ поаѓа секогаш од рака, па тогаш кога ѝ се чини дека не може да ги совлада препреките, се повлекува и се помирува со судбината.
Сака да им се допадне на другите, друштвена е и сака да излегува. Во неа постојат две личности. Едната е таа што им ја покажува на другите, а другата е онаа која никогаш не ја покажува и која ретко кој може да ја открие, бидејќи љубоморно ја чува. Тоа што го покажува понекогаш е мирна и кротка личност, а понекогаш избувлива и експлозивна. Поради стравот да не биде откриена таа се прикажува поинаква, честопати ставајќи на себе маска на љубезност и насмевка. Таа е одличен актер, дури и кон најблиските.
Не сака бурни сцени и караници, но сепак често ѝ се случуваат, а при тоа дури не е ни свесна дека всушност сама ги предизвикала со своето провокативно однесување. Поседува исклучителен шарм, страсна е и чувствителна. Луѓето во неа гледаат нешто симпатично, пријатно и таинствено. Жените ваги се исклучително интелигентни. Многу ваги можат да погрешат во изборот на партнерот. Тие сметаат дека партнерот треба да им биде главна потпора во животот но, се случува да се врзат за некој кој станува вистински тиранин штом ја почувствува нивната слабост. Нив најмногу им одговара маж кој ќе знае да ги цени нивните квалитети и нема постојано да ги критикува поради недостатокот на енергија да ги издржат тешкотиите. На жената вага ѝ е потребен партнер со јак карактер, но воедно да биде и исклучително нежен и внимателен. Таа не е склона кон промени во љубовта.

Жена скорпија

Жената скорпија не е мирна, пасивна и кротка жена. Таа има импулсивна, избувлива и страсна природа. Во животот ништо не прави половично и не сака неодлучност. Неуспехот и разочарувањето длабоко ја погодуваат. Во сите сегменти од нејзиниот живот доминира инстинктот, па затоа и најдобрите одлуки се диктирани токму од нејзината интуиција, а првиот впечаток за луѓето и нештата најчесто се точни и прецизни. Таа не прави тактички и психолошки грешки.
Некои жени бараат мир, но тоа не е случај со скорпиите, бидејќи нејзините чувства се како зовриен вулкан. Дали некој ѝ е симпатичен или не веднаш се забележува. Жената скорпија не спаѓа во категоријата на студени жени, а нејзините реакции во љубовта се непосредни. Физичката љубов за неа има големо значење, а нејзината страст и енергичност ја вбројуваат во категоријата жени кои имаат моќ на заведување.
Многу жени родени во овој знак и покрај тоа што не се видни убавици, фасцинантно и магично делуваат на мажите. Би можело да се помисли дека за неа љубовта е само игра, но тоа не е вистина. Таа е многу сензибилна и е спремна да се предаде до крај, а нејзиниот партнер станува центар на нејзиното живеење.
И тогаш кога ќе се омажи, таа не запловила во мирни води, бидејќи сака акција, движење и обновување. Љубовта за неа не претставува само страст, туку и вечна борба со животните предизвици. Жената скорпија потсвесно сака да доминира над луѓето и случувањата, па ни нејзиниот партнер не може тоа да го избегне тоа, бидејќи секогаш ќе сака на некој начин да му ја наметне својата волја.

Жена стрелец

Нејзиниот карактер ја води оваа жена кон два спротивставени животни правци. Првиот ја води кон мирен живот, а другата страна на нејзиниот карактер е сосема поинаква. Таа е храбра, независна, сака да ги прескокнува вообичаените бариери и да се впушта во ризици. Многу е амбициозна и не пропушта ништо што би можело да го зголеми нејзиниот углед. Има истенчено чувство за сите животни вредности, и не сака збрка и анархија. Нејзиниот карактер е брз, експанзивен, нескротлив и тој секогаш ја турка напред, а нејзината виталност која е несфатлива за околината мора секогаш да се искаже.
И покрај тоа што понекогаш ѝ се јавува желба да биде сама, таа сепак е личност која сака да биде во друштво. Омразата не може да ја поднесе, а нејзината природна веселост и смисла за хумор играат огромна улога во односите со луѓето. Таа е отворена и лојална личност. Во љубовта основна желба ѝ е да сретне маж кој ќе ѝ се восхитува и кој без ни малку колебање ќе може да им го претстави на своите пријатели. Таа нема да се задоволи со било кој маж, бидејќи ги презира просечните вредности. За неа љубовта значи восхитување, па затоа нејзиниот партнер мора да биде човек со јак карактер. Оваа жена не ги сака луѓето кои срамежливо ги покажуваат своите чувства и затоа човекот на нејзиниот живот мора отворено да ја искажува својата љубов и на секој начин да ја докажува. Жената стрелец не е премногу љубоморна, но неверството никогаш нема да го прости.

Жена јарец

Жената јарец има реален однос кон животот и ја сака постојаноста. Ги цени само оние луѓе кои имаат одредени вредности што се во склад со нејзините сфаќања. Во животот не сака да губи време на несериозни или невредни ситуации и ги презира лежерните и неконструктивни разговори. Оваа жена умее точно да го процени редоследот на одредени случувања и е одличен организатор.
Во работата, исто како и во животот не сака на секој начин да го привлече вниманието на другите. Таа работи дискретно и вредно како мравка, а понекогаш сака да биде сама, бидејќи тишината е нејзино прибежиште. За оваа жена не би можело да се каже дека е голем оптимист. За нејзе животот е нешто многу сериозно, но од него не очекува многу радост, ниту верува во какви било чуда.
Кога ќе добие некаква сатисфакција, ја доживува како вистински дар од Бога. Жената јарец не е лесно да се освои, а љубовта кај неа не може да дојде како гром од ведро небо. Женските претставници на овој знак ретко доживуваат голема љубов, но кога сакаат или поточно кога ќе решат тоа да си го признаат, обично тоа се случува после долго познанство со некој маж.
Кај нив љубовта бавно се раѓа, но кога ќе се врзат за некого, тоа е за цел живот, па ни времето што поминува, ниту долгите разделби не можат да ја нарушат нејзината љубов. Нејзиниот партнер треба да биде исклучително трпелив. Многу припаднички на овој знак остануваат немажени до крајот на животот, а некои пак се мажат кога се веќе во зрели години и тоа повеќе според налог на разумот, отколку по занес на срцето.

 Жена водолија

Жената водолија понекогаш зазема ироничен став, но тој е резултат на нејзината несигурност и недоволно самодоверба. Таа живее во својот свет на соништата и нема храброст да се соочи со целосната вистина, а нејзините сфаќања за светот се идеалистички. На оваа жена лесно може да се влијае и таа е свесна за тоа, па се обидува да се брани ставајќи на себе маска на ироничност, а понекогаш и цинизам.
Секој човек детално го анализира и се труди добро да го разбере, но тоа не го прави од љубопитност, туку поради желбата да им се приближи на луѓето. Не е човек од акција, но во работата лесно напредува. Многу е чувствителна и поседува ширина на духот. Сака патувања и промени, но поради неодлучност ретко ја остварува оваа желба.
Оваа жена е многу заводлива и го привлекува вниманието на мажите. Долго време го одбира својот партнер, но кога еднаш ќе се вљуби, тоа е за цел живот. Во љубовта е великодушна и на саканата личност ќе ѝ ги поклони сите свои чувства. Таа не сака лаги и извештачени луѓе, а маж-тиранин не може да поднесе. На жената од овој знак ѝ е потребен партнер со јак карактер, а кој воедно ќе биде и поголем реалист од неа.

Жена риби

Нејзиниот карактер е полн со спротивставености и можеби не е доволно свесна за тоа, но за повеќето луѓе таа е чудна и несфатлива. Честопати го менува своето расположение и наоѓа задоволство во тоа да биде завиена со некој вид магла на која не ѝ дозволува во потполност да се растргне. Нејзината склоност кон мечтаење и недефинирани ситуации, наведува на тоа дека е преголем фантазер и дека нема чувство за реалност.
Грубите зборови, критиката и злобата можат многу да ја повредат и да ѝ предизвикаат голема емотивна болка. Таа нема енергија да се бори, ниту да ги надминува препреките на животниот пат и дозволува другите да ја водат. Сепак не е сосема без иницијатива и доколку наиде на искрена поддршка, таа храбро ќе оди напред. Оваа жена е непоправлив идеалист и фантазер. Многу е интуитивна и комплексна личност, а спрема другите луѓе е толерантна до крајност.
Љубовта ја збунува уште од првиот момент и ако почувствува наклоност кон некого таа не е сигурна во себеси, па затоа и не ја открива. Се плаши дека ќе биде изневерена, отфрлена и напуштена, а страдањето е нешто што мисли дека не може да го поднесе. Таа секогаш балансира помеѓу желбата и воздржаноста и таа рамнотежа ја смирува.
Во љубовта бара нежност, такт и таинственост, а нејзиниот партнер мора да ги одбира зборовите за да не ја повреди. Мечтаењето ѝ е неопходно на оваа личност, но тоа воопшто нема да му пречи на нејзиниот реален живот со нејзиниот партнер. Сепак љубовта која неа ќе ја врзе за еден човек, нема да биде воопшто едноставна, бидејќи нејзините чувства секогаш ќе бидат полни со вртлози.

Стаорец (родени во 1924, 1936,  1948, 1960, 1972, 1984, 1996, 2008)
Вие сте страсни, внимателни и отворено ги покажувате вашите чувства. На почетокот од врската сте секогаш полетни, но доколку осетите дека љубовта не ви е возвратена со иста мерка, станувате гневни. Вашиот кинески хороскоп укажува на вашата желба да бидете центар на светот за вашиот партнер, па ако се почувствувате занемарено, станувате ситничави до бесвест. Вам пред се ви е потребно да почувствувате сигурност за да станете внимателни. За тоа е потребно време, но кога ќе го пронајдете оној кој ви ја дава потребната сигурност и љубов, станувате посветен и верен партнер.

Бивол (родени во 1925, 1937, 1949, 1961, 1973, 1985, 1997, 2009)
Нежни сте и отворени кога сте со вистинскиот партнер, а вашата поддршка дава цврста потпора на врската. Важно е да бидете внимателни кога е во прашање изборот на партнер, бидејќи сте многу осетливи и ризикувате да бидете повредени. Од партнерот очекувате да биде праведен, нежен и ентузијаста до одредена мерка – сакате да ви приближи некои нови интереси, но да не ја загрози вашата сигурност. Со негова поддршка, ќе заборавите на сите грижи и ќе уживате. Вашиот кинески хороскоп покажува дека сте толерантни кон саканата личност и дека не ви е тешко да простувате.

Тигар (родени во 1926, 1938, 1950, 1962, 1974, 1986, 1998, 2010)
Вие сте со слободен авантуристички дух и сакате да одите од една врска во друга. Уживате во романтиката и возбудувањата кои ги носи секоја нова љубов, но веќе по првото чувство на заситеност, подготвени сте да ги раширите крилјата и да одлетате на некој друг цвет. Вашиот кинески хороскоп покажува дека ве привлекуваат личности кои што имаат независен авантуристички карактер, баш како и вие. На таквиот партнер искрено му ги покажувате своите чувства, но сепак сте непостојани и изневерувате. Затоа ви е потребен некој кој што е сталожен, прибран и кој што може да го разбере вашиот слободен дух.

Зајак (родени во 1927, 1939, 1951, 1963, 1975, 1987, 1999, 2011)
Од партнерот барате нежност, доверба и сигурност. Верни сте и не сонувате за паралелни врски и љубовни пресврти. Но, доволно е само малку за да почнете да се сомневате во вашиот партнер, а кога тоа ќе се случи, искажете ги вашите сомнежи и ќе видите дека се неосновани. Кога ќе ја пронајдете вистинската личност, љубовта ќе ви биде возвратена со иста мерка, повеќе ќе простувате и ќе бидете помалку сомничави. Вашиот кинески хороскоп зборува дека ви треба повеќе време за да пронајдете сродна душа. Но, кога еднаш во тоа ќе успеете, ќе биде за цел живот.

Змеј (родени во 1928, 1940, 1952, 1964, 1976, 1988, 2000, 2012)
Исклучително сте атрактивни и шармантни, а бројни се и оние кои ги привлекува вашата појава. Влегувате од една во друга романса и тешко ви е да се смирите со една личност. Штом ќе почувствувате слабост кај вашиот партнер, го напуштате и барате нов предизвик. Поради вашата доминантност многумина не успеваат да ве следат. Вие бргу ги заборавате, но немојте да бидете сигурни дека и тие ве заборавиле вас. Вашиот кинески хороскоп укажува на фактот дека ви е потребен некој кој што ќе ви даде повеќе простор, но кој сепак ќе биде активен како и вие, бидејќи единствено таква личност не би била заплашена од вашата сила.

Змија (родени во 1929, 1941, 1953, 1965, 1977, 1989, 2001, 2013)
Многу сте заводливи, а кога ви се допаѓа некој, не се откажувате од желбата да го освоите. Другите ги привлекувате со вашата романтичност и хумор. Но, не сакате туку така да бидете фатени и вешто ги избегнувате љубовните замки. Вашиот кинески хороскоп зборува дека сакате да ја сочувате вашата слобода и да откривате нови видици. Кога сте во врска со личност која навистина ја сакате, станувате многу внимателни, но сепак ви е потребно време за на партнерот да му ги откриете вашите стравови и слабости.

Коњ (родени во 1918, 1930, 1942, 1954, 1966, 1978, 1990, 2002)
По природа сте непоправлив романтик, а врските во кои што стапувате се многу бурни.  Тешко ви е да одберете само еден партнер, но би морале да одлучите и да ги преземете вашите обврски. Вашиот кинески хороскоп укажува дека ви е потребен некој кој ќе се грижи за вас, но воедно и кој ви дава слободата која ви е потребна. Иако можеби на другите им делувате несериозно, во длабочина на душата вие сте еден од оние кои што сакаат да пронајдат вистинска личност со која што ќе ги поминат најубавите моменти.

Овца (родени во 1919, 1931, 1943, 1955, 1967, 1979, 1991, 2003)
Вам од се најважно ви е чувството на сигурност. По природа сте многу емотивни, лесно се расплакувате, но ви недостасува самодоверба за да ги изразите своите емоции. Вашиот кинески хороскоп зборува дека често делувате отсутно и дека тешко создавате нови познанства. Истовремено сте нежни, романтични, креативни, но вашата неодлучност е нешто што би можело да му пречи на вашиот партнер. Меѓутоа, тој тоа ќе ви прости ако е вистинскиот, бидејќи ќе знае дека во душата вие сте прекрасна личност.

Мајмун (родени во 1920, 1932, 1944, 1956, 1968, 1980, 1992, 2004)
Ве привлекуваат возбудувања и со сигурност може да се рече дека имате многу бурен љубовен живот. Другите ги привлекувате со вашиот хумор, отвореност и необичните интереси. Меѓутоа, вашиот кинески хороскоп укажува на фактот дека не барате авантури кога еднаш ќе ја најдете вистинската личност за себе. Кога вашиот партнер ќе направи и најмала грешка, вие ќе се најдете навредени, но на партнерот кој навистина ви одговара нема да му биде тешко да ве смири. Кога вашата врска ќе стане постојана, ќе станете доверлив и прилагодлив партнер, секогаш подготвен да помогне.

Петел (родени во 1921, 1933, 1945, 1957, 1969, 1981,1993, 2005)
Вие уживате во додворувањето, шармантното друштво и добрата атмосфера. Се гордеете со својот изглед и настап, а кога ситуацијата тоа го бара од вас, умеете да го импресионирате соговорникот со своите ставови. Она што може да ве одбие од потенцијалниот партнер е можноста однапред да го предвидите неговиот нареден чекор. Вашиот кинески хороскоп зборува за вашата независност која секогаш ве тера да одите напред, но и во вас постои доза на љубомора која се обидувате да ја сокриете. Кога ќе ја најдете вистинската личност, заборавате на талкањата – вие сте верен партнер и во состојба сте потполно да и се посветите на саканата личност.

Куче (родени во 1922, 1934, 1946, 1958, 1970, 1982, 1994, 2006)
Многу сте повлечени кога станува збор за вашите чувства и потребно ви е охрабрување. Уживате во друштвото на некој кој е верен и поседува авантуристички дух кој вам ви недостасува. Меѓутоа умеете да го слушате партнерот и да го поттикнете со вас да ги подели проблемите. Вашиот кинески хороскоп укажува дека сте верни, нежни и дека ви е важно вашата доверба да биде возвратена. Ако некој ве повреди или издаде, потребно е многу време таа доверба да се поврати. За вас е идеално најпрвин да создадете пријателство од кое подоцна ќе градите врска.

Свиња (родени во 1923, 1935, 1947, 1959, 1971, 1983, 1995, 2007)
И кога ќе пронајдете партнер имате потреба да го тестирате за да се уверите дека тој е вистинскиот избор. Довербата која што ја внесувате во врската би можела да ви се удри од глава, бидејќи има и такви кои може да ја злоупотребат, но вие сте подготвени бргу да почнете од почеток. Вашиот кинески хороскоп покажува дека умеете да бидете многу затворени, но пред се, вие сте толерантни и му давате на партнерот иста слобода каква што и самите барате. Кога врската ќе се зацврсти, љубовта која што ја давате ви се возвраќа.

Секој хороскопски знак има едноставни, можеби несвесни показатели…
…со кои се обидува да ви даде до знаење дека сте во игра.

Па, погледнете кои се тие знаци…

Овен
Овните не сакаат многу да тактизираат, па ако им се допаѓате, веројатно отворено ќе ви кажат. Меѓутоа ако играат на картата таинственост, тогаш обрнете внимание на нервозните движења. Тоа не се показатели дека повеќе би сакале да бидат на друго место, туку дека сакаат да бидат со вас.

Бик
Биковите се главно традиционалисти, конвенционални типови, па ако им се допаѓате, тој или таа ќе ви се додворува на старомоден начин. Прашањата за омилена боја, храна или цвеќе – значат дека планираат да ве заведат и дека се обидуваат да смислат совршен состанок.

Близнаци
Близнаците се флертувачи чии умови се вечно будни и активни, а сакаат да разговараат со сите што ќе ги запознаат и тоа за најразлични теми. Затоа е малку потешко да препознаете дали во вас гледаат нешто повеќе од незадоложителен флерт. Најдобар знак за тоа е ако, покрај вообичаената конверзација, почнат да ви поставуваат лични прашања.

Рак
Раковите се главно ориентирани кон семејството, па ако кон вас почнат да се однесуваат емпатично, тоа е добар знак дека им се допаѓате. Ако се постават заштитнички, тоа е чекор понапред, а ако ве повикаат да го запознаете нивното семејство, тоа е сигурен знак дека ве гледаат како партнер.

Лав
Лавовите сакаат да „драмат“ па тешко е да се заклучи дали зад нивниот спектакуларен настап стојат искрени чувства или само позирање. Но, сигурно им се допаѓате ако се откажат од тоа да бидат во центар на внимание и ако ве пуштат вие самите да уживате во тоа.

Девица
Логични и практични, Девиците нема на сите ѕвона да ја покажат својата љубов со некој голем гест. Ако пронајдат време и ве прашаат за вашите чувства и се релаксираат во вашето друштво, тоа е добар знак дека постои нешто повеќе.

Вага
Животот на Вагите е балансиран и искрен и тие кон тоа имаат позитивен став. Па како тогаш да дознаете дали се само пристојни или навистина им се допаѓате? Најдобар показател е ако ве пуштат во нивниот свет и ако ве повикаат на романтично дружење.

Скорпија
Ќе знаете дека Скорпијата ве забележала ако таа упорно гледа во вас од другата страна на просторијата. Нивниот интензивен поглед ќе направи да се почувствувате како да сте сами во просторијата. Скорпијата може да ви се причини „студена“ на почетокот, но нема да троши време на безвезни разговори со некого за кого сериозно не се заинтересирани.

Стрелец
Стрелецот е друштвен и отворен, па неговото претерано пријателско однесување лесно ќе го замени за нешто повеќе. Времето кое го поминува во друштво му е многу драгоцено, па ако се најде со вас повеќе пати во неделата, тоа е добар знак дека сте го освоиле.

Јарец
Јарецот никогаш не ги отвора картите, но ако неговиот строг став се ублажи во ваше присуство и ако краде време, на пример од работата, за да ве стави во својот пренатрупан распоред, веројатно во вашата врска гледа романтичен потенцијал.

Водолија
Водолиите размислуваат надвор од вообичаените рамки, па со нафрлање на традиционални идеи можете единствено да бидете исфрлени низ прозорец. Ако и се допаѓате на една Водолија, таа во еден момент ќе ве провоцира и ќе се шегува со вас, а во следниот момент ќе започне интелектуален разговор. Нивното ексцентрично однесување значи дека ве одмеруваат и дека се обидуваат да сфатат дали можете да се вклопите во нивниот необичен свет.

Риби
Добра вест е тоа што Рибите не е тешко да се прочитаат, а уште подобра е дека кога еднаш ќе им се допаднете на Рибите, ќе ви возвратат со внимание и нежности. Сосема е можно да добиете рачно напишана песна или портрет, што доволно ќе ви каже за нејзините чувства.