Стилот на Мидлтон: 22 креации вредни над 60 илјади долари

Кејт Мидлтон е војвотка со беспрекорен стил, а она што ја прави уште поинтересна за модните критичари е нејзиниот талент да спојува скапи и евтини парчиња облека, создавајќи комбинации кои навистина изгледаат одлично.

Нејзините добро познати кремасти потпетици можеби се трн во окото на многумина, но Кејт и понатаму продолжува да го носи својот омилен пар, како што впрочем би направила и секоја обична жена која е вљубена во своите чевли.

На кралската турнеја низ Австралија и Нов Зеланд, сопругата на принцот Вилијам, се појави во повеќе од 20 различни облеки надополнети со соодветни аксесоари, кои севкупно чинат над 60 илјади долари. По барање на кралицата, Мидлтон овој пат избра поскапи парчиња облека и работеше со нејзините стилисти со цел да го постигне саканиот ефект.

Како и досега, Кејт остана верна на својата омилена дизајнерка Џени Пекам, а воедно и на креациите од модната куќа на Александар МекКвин.

Пријатно изненадување беше жолтиот фустан од српската дизајнерка Роксанда Илинчиќ, која по втор пат е избор на Мидлтон. Најскапото парче облека е белиот Lela Rosa фустан со тантела кој чини 6722 долари, додека од модните додатоци, Cartier Ballon Bleu рачниот часовник кој вреди 9229 долари.

Мидлтон на ова патување носеше и дел од накитот на кралицата, кој што и беше специјално даден за оваа прилика.

ФОТО: Кејт блесна со позајмен накит

Нема поголема привилегија од тоа да се носи кралскиот накит, а војвотката од Кембриџ очигледно заслужи да носи дел од колекцијата на кралицата Елизабета II.

Кејт Мидлтон се закити со скапоцениот Nizam of Hyderabad дијамантски ѓердан кој што и беше даден на нејзиното величество како подарок за венчавката во 1947-ма. Војвотката го носеше накитот за време на посетата на Националната галерија во Лондон на Portrait Gala вечерта.

-Достигнувањата на галеријата се неверојатни. Во неа се наоѓаат најголемите колекции на портрети во светот и нејзините уникатни и брилијантни изложби секогаш нè инспирираат. Пресреќна сум што сум нејзин патрон, рече Мидлтон во кратка изјава за медиумите.

Забрана од кралицата: Нема повеќе кратко за Кејт Мидлтон

Војвотката од Кембриџ можеби важи за икона на стилот, но нејзините здолништа по се изгледа не и се допаѓаат на кралицата Елизабета II која инсистира Мидлтон да заборави на сè што е над колена. Барем за време на своето патување во Австралија кое што треба да се случи во април.

Кејт ќе има промена во имиџот во однос на здолништата кои ќе бидат малку подолги од вообичаено, но во замена за должината ќе ја има уникатната можност да носи што повеќе од кралските скапоцени камења.

Личната стилистка на кралицата, Ангела Кели ќе и помогне на принцезата најдобро што може да се подготви за патувањето кое и претстои и да ги избере најдобрите парчиња накит од приватната колекција.

Никој не сака уште една ваква ситуација

-Ова патување треба да ја покаже Кејт во едно кралско издание, се очекува да носи далеку повеќе тијари и постојано да биде под будното око на кралицата, открива внатрешен извор на палатата.

Посетата на Австралија ќе трае 3 ипол недели во кои Мидлтон ќе ја менува својата облека 4 пати на ден. Таа веќе стапила во контакт со своите омилени модни куќи и дизајнери со цел да избере дел од креациите кои ќе ги носи.