БИЗНИС ВЕСТИ, НОВОСТИ, ИНФОРМАЦИИ...

Брисел предупредува за пад на економијата

Во текот на идната година, под влијание на глобалното економско забавување,условите за извоз на македонските компании ќе се влошат, во земјата ќе влегува помалку капитал, што ќе се одрази на инвестициите и потрошувачката на граѓаните. Ова го предвидува Европската комисија во редовната полугодишна прогноза за македонската економија.Според тимот на комесарот за економија Јоакин Алмуња, економскиот раст ќе се намали на 4,5%, што е за еден процент помалку од предвидувањата. Растот може да достигне 5% во 2010 година. Комисијата предупредува дека Македонија мора да биде внимателна затоа што економското забавување кај нашите главни трговски партнери може да доведе до поголемо намалување на економскиот раст.

Приватната и јавната потрошувачка се главните извори на економски раст, а според ЕК, приватната потрошувачка би требало да почувствува „позитивни ефекти од неодамнешните социјални реформи во областа на вработувањето“, се вели во полугодишниот извештај.Екипата на Алмуња констатира дека македонската економската активност почнала да се забрзува во 2007 и во оваа - 2008 - година по неколку бавни економски години. Сепак, увозот многу пораснал поради увоз на енергија и машини, поради што ланскиот дефицит од 3% пораснал на 13% во јуни годинава.

Според ЕК, пазарот на работната сила се подобрува, иако бројките говорат дека тоа е исклучително бавно, а бројот на невработени и понатаму е речиси 34%. Според предвидувањата, невработеноста и во наредните две години ќе остане над 30%.

ЕК констатира дека странските директни инвестиции годинава се зголемиле на 9% од БДП, а лани биле 3%. Најголемиот дел од овие инвестиции се вложувања на странски во домашните банки. За наредната година се предвидуваат инвестиции од 6%, а во 2010 година од 8% од БДП.

Сметките на централната власт во првата половина од годинава пораснале за 2%. Собранието усвоило дополнителен буџет за да се покријат загубите на МЕПСО и на ЕЛЕМ, за дополнителни социјални и пазарни мерки и за изградба и реновирање на објекти. ЕК предвидува значително поголем дефицит во идните две години, поради тоа што на земјата и' е неопходна модернизација на инфраструктурата и на институциите. За да се излезе на крај со тешкиот економски период, ЕК и' препорачува на Владата да се раководи според принципите на „добро владеење“ и да одржува ефикасна даночна политика.

Примената на овој систем започна денеска, а се очекува значително да биде скратено времето и средства за завршување на царинските постапки.Системот ќе го користат увозно-извозните компании, шпедициите и над 15 државни институции, а ќе функционира 24 часа, седум дена во неделата.

Македонија е првата земја во регионот која воведе електронски начин на обработување и процесуирање на документите.

Со овој систем ќе се надмине просторната оддалеченост на сопствениците на фирмите од градовите каде што Царината нема свои експозитури.

Од 3 ноември почнува примената на едношалтерскиот систем во царинските формалности, најави директорот на Царинската управа Ванчо Каргов на вчерашната средба со претставници на компаниите од Источна Македонија.
- Со едношалтерскиот систем ќе се подобрат условите за увоз и извоз, а исто така ќе се олесни и постапката на фирмите од градовите каде што царината нема свои испостави - изјави Каргов во Штип.

Индексот на индустриското производство во периодот јануари - септември година, во споредба со првите девет месеци од изминатата година бележи пораст од 10,4 отсто.

Истовремено, индексот на индустриското производство во септември 2008 година, во однос на просечното производство во 2005 година, бележи пораст од 34,3 отсто.

Гледано по сектори, индустриското производство во секторот Вадење на руди и камен во септември година, во однос на просечното производство во 2005 година, бележи пораст од 31 отсто, во секторот Преработувачка индустрија порастот изнесува 42,3 отсто, а во секторот Снабдување со електрична енергија, гас и вода е забележано опаѓање на производството од 19,2 отсто.

Според главните индустриски групи, производството во однос на 2005 година, бележи пораст кај: Интермедијарни производи, 89.4%, Капитални производи за 12.5%, Трајни производи за широка потрошувачка за 48.8% и Нетрајни производи за широка потрошувачка за 12.4%, додека бележи опаѓање кај Енергија за 15.8%.

Одлуката, која ја донесе Регулаторната комисија за енергетика на денешната редовна седница, се образложува со падот на цената на суровата нафта на светските берзи од 22,25 проценти за последните две недели.

Литар ЕУРОСУПЕР 95 и ЕУРОСУПЕР 98 поевтинуваат за седум денари, со што новата цена изнесува 57,50, односно 59 ден/лит, додека литар МБ-96 се намалува за 6,50 денари на 61 денар.

Согласно најновата корекција, малопродажните цени на дериватите во просек поевтинуваат за 14,81 проценти, додека рафинериските цени поевтинуваат за 20,56 проценти.