ФИФА СП (Мундијал)

Нашата група на Мундуалот е можеби најтешка 

Jovan.74 напиша: абе ериксон или свети петар пак BRAZIL ќе освои титула...

 

Ериксон ги превзема "Слоновите"

Челниците на фудбалскиот сојуз на Брегот на Слоновата коска донесоа одлука селекцијата на таа земја на претстојниот Мундијал во Јужна Африка ќе го предводи Свен Горан Ериксон.

"Вистина е дека Хидинг беше нашиот прв избор, но откако не успеавме да го убедиме да ја превземе нашата селекција, се свртевме кон Свен Горан Ериксон кој има големо искуство во водењето селекции кој учествуваат на Светските првенства" изјави генералниот секретар на Фудбалскиот сојуз на Брегот на Слоновата коска.

Ериксон кој ја водеше репрезентацијата на Англија на Мундијалот во 2002 и 2006 година, на клупата на "Слоновите" ќе го замени Вахид Халихоџиќ кој доби отказ поради слабите настапи на репрезентацијата на Купот на Африканските нации.

BRAZIL

Домаќинот против Мексико на 11 јуни ќе ја отворат смотрата на најдобрите светски фудбалери, а до тогаш преостанува да ја следиме нивната форма, да видиме кој ќе се избори за селекторската виза за пат за Јужна Африка, да се подготуваме за обложување на фаворитите...

Во тоа исчекување американски "ЕСПН" ги избра 50 најдобри играчи кои ќе учествуваат на Светското првенство, а првото место го завзема Лионел Меси.

Го следат Португалецот Кристијано Роналдо, па англискиот ‘булдог’ Вејн Руни. И изборот на "ЕСПН" ја потврдува доминацијата на Шпанија, актуелниот европски првак и најдобрата селекција на ранг листата на ФИФА, "фуријата" меѓу 50 најдобри играчи има девет играчи.

По шест имаат Бразил и Франција, пет Аргентина и Англија, а четири светскиот првак Италија.

Еве како изгледа изборот на "ЕСПН":
1. Меси 2. Роналдо, 3. Руни, 4. Кака (Бразил), 5. Џави (Шпанија), 6. Дидие Дрогба (Брег Слонова Коска), 7. Андрес Иниеста (Шпа), 8. Фернандо Торес (Шпа), 9. Стивен Жерард (Англија), 10. Есиен (Гана), 11. Давид Виља (Шпа), 12. Франк Рибери (Франција), 13. Самуел Ето (Камерун), 14. Луис Фабиано (Бра), 15. Икер Касиљас (Шпа), 16. Цеск Фабрегас (Шпа), 17. Џанлуиџи Буфон (Италија), 18. Дани Алвеш (Бра), 19. Немања Видиќ (Србија), 20. Весли Снајдер (Холандија), 21. Маикон (Бра), 22. Франк Лампард (Анг), 23. Андреа Пирло (Ита), 24. Карлос Тевез (Аргентина), 25. Робин ван Перси (Хол), 26. Гонзало Игуаин (Арг), 27. Диего Форлан (Уругвај), 28. Тиери Анри (Фра), 29. Сергио Агуеро (Арг), 30. Михаел Балацк (Германија), 31. Жулио Цезар (Бра), 32. Арјен Робен (Хол), 33. Жерард Пике (Шпа), 34. Мирослав Клосе (Гер), 35. Лусио (Бра), 36. Хавиер Масчерано (Арг), 37. Џон Тери (Анг), 38. Давид Силва (Шпа), 39. Карлес Пујол (Шпа), 40. Николас Анелка (Фра), 41. Ешли Кол (Анг), 42. Патрис Евра (Фра), 43. Марек Хамшик (Словачка), 44. Карим Бензема (Фра), 45. Гуркуф (Фра), 46. Даниеле де Роси (Ита), 47. Филип Лам (Гер), 48. Јаја Туре (Брег Слонова Коска), 49. Џорџо Киелини (Ита), 50. Лендон Донован (САД).

Бразил ќе е шампион!!!!!!!!!



Изменето од GORGI.GEORGIEV - 04.Март.2010 во 17:03

Јужна Африка ги брои последните 100 дена

Најужната држава на африканскиот континент од денеска ја зафаќа фудбалска еуфорија. Почнува одбројувањето на последните 100 дена до почетокот на Светското фудбалско првенство кое во многу нешта ќе биде историско. Пред се поради тоа што ќе биде прво на "црниот континент", па оттаму и неизвесноста што ја носи една ваква манифестација во досега непознат крај од светот.

На 100 дена пред почетокот на Мундијалот, критики кон Сеп Блатер има еден куп. Токму претседателот на ФИФА беше најголемиот промотор на Африка и на негово инсистирање пред седум година Јужноафриканската Република ја доби организацијата на овој Мундијал. Домаќинот на следното Светско првенство се соочува со многу проблеми. Бавно оди изградбата на спортските објекти и целосната инфраструктура потребна за одржување на Мундијалот, а и билетите не се продаваат според очекувањата поради што ФИФА веќе интервенираше со намалување на цените за нивно купување. Сепак, Блатер е оптимист дека Мундијалот во Јужна Африка ќе помине во најдобар ред за што најдобра потврда му е ланскиот Куп на конфедерации кој исто така се одржа во оваа земја.

"Се сеќавате ли на онаа прес-конференција во Виена во 2007 година? Тогаш имав решение Б и решение Ц во двата џеба. И двете беа Јужна Африка. Не разбирам зошто некои луѓе не веруваат дека Африканците ќе излезат на крај со сите проблеми. Тоа е толку лесно, треба само да им веруваме. Сакаме да дадеме нешто за тамошниот фудбал", охрабрувачки изјави Блатер.

Заменикот претседател на Јужна Африка, Кгалема Мотланте информираше дека грубите работи се завршени, дека камен-темелникот е поставен и дека сега останува само жителите на неговата земја добро да се подготват и да бидат добри домаќини на Мундијалот. Претходните пет дена делегација на ФИФА заедно со неколкумина јужноафрикански политичари и членови на Организацискиот комитет на Светското првенство извршија обиколка на стадионите и објектите за Мундијалот и најдоа само малку недостатоци кои треба да се корегираат во следните нешто повеќе од три месеци. Откако поминаа низ деветте градови каде ќе се одржуваат натпреварите од Мундијалот, сите заедно вчера го почнаа одбројувањето на последните 100 дена до почетокот на првенството. Свечената церемонија со која е одбележан скориот почеток на турнирот се одржа вчера во Дурбан бидејќи денеска селекцијата на Јужна Африка игра пријателски натпревар со Намибија. Жители на Јужна Африка се собраа во Јоханесбург, додека во Кејптаун ја испеаја националната химна.

"Знаеме дека многумина не веруваа во нас и гледаа со скептицизам, но во пресрет на последните 100 дена од подготовките, можеме со голема сигурност да кажеме дека се ќе биде во ред. Со нетрпение чекаме да почне Мундијалот", рече претседателот на Организацискиот комитет, Дени Џордан на вчерашната прес-конференција во Дурбан.

Минатата недела англиските медиуми објавија шокантни фотографии од изградбата на објектите за Светското првенство. Пред се тоа се однесува на тренинг-камповите кои и на 100 дена пред почетокот на Мундијалот се уште се далеку од завршна фаза на изградба. На пример, во Рустенбург, каде ќе бидат сместени Англичаните и уште неколку репрезентации се готови само два од планираните 11 терени за тренинзи, а и хотелите не се целосно опремени. Останува прашањето дали во следните три месеци сето ова ќе биде завршено.