БИЗНИС ВЕСТИ, НОВОСТИ, ИНФОРМАЦИИ...

Со овие намалувања или укинување на царинските стапки државата се откажува од приход во износ од 211 милиони денари, со што се дава значајно олеснување за работењето на деловната заедница во Македонија. Со овие измени Владата предлага во делот на примарните земјоделски производи целосно укинување на царинските стапки на пченицата, `рж, сурутка во прав со содржина на маснотија до 1,5%, сорго и ориз наменети за сеидба, како и пиварскиот јачмен.

Намалени се царинските стапки на лозoвите и другите садници, добиточниот и друг јачмен, слад, семе од луцерка и друго. За заштита на растенијата предложено е укинување на царинските стапки на сите видови ѓубрива, инсектициди, хербициди, фунгициди, дезинфектанти и други слични производи. Укината е исто така и царинската стапка за гајбите за пакување на зеленчук и овошје кои се битен фактор при извозот на нашите производи во земјите од ЕУ. Во делот на опремата целосно е укината царинската стапка со сушилници за земјоделски производи.

Во делот на индустријата, т.е во металопреработувачкиот сектор намалени се царинските стапки за широк дијапазон на алатни машини за обработка на метал, како на пример стругови, трансфер-машини и алатни машини за брусење, ковање и глодање. Кај производите што се однесуваат на текстилната индустрија укинати се царинските стапки за предиво од различни видови влакна наменети за понатамошно производство, а кај опремата за оваа индустриска гранка намалени се царинските стапки за машини за печатење на текстил, како и различни машини за шиење. Во делот на фармацијата намалени се царинските стапки за течен парафин, а целосно се укинати стапките за широка лепеза на чисти супстанции за производство на лекови.

Укинати се царинските стапки на разни екстракти и адитиви за употреба во индустријата на храна и пијалаци. Кај производите што се однесуваат на хемиската индсутрија укинати се царинските стапки на различни суровини - материи и пигменти за боење, активен јаглен, катализатори и слично. Исто така, со овие измени се предлага укинување на царинските стапки на мултифункционалните печатари и монитори.

8Со признанија за квалитет на производ, и сертификатите кои Европа ги бара но и дава за исполнетите барани стандарди во производството, македонските производители на храна во костец со острата конк*ренција за обезбедување место на европскиот пазар. Се поблиску до здобивање на довербата на пребирливите Европејци е и ова признание за квалитетот на нашето масло за јадење излезено од погоните на штипски Брилијант.

-Добиеното признание претставува и ширум отворени порти за пробив на нашиот производ на пробирливиот европски и светски пазар - вели Златко Михајлов, технички директор во Брилијант, Штип.

Јапан Тобако Интернешнл (ЈТИ), третата најголема тутунска компанија во светот, влегува на македонскиот пазар.

Лансирајќи ги своите светски познати брендови Винстон и Камел за првпат во Македонија, генералниот менаџер на ЈТИ за Западен Балкан, Кристијан Кринг истакна дека ЈТИ, како компанија со најбрз раст во тутунската индустрија во светот, дојде во Македонија со цел долгорочно да инвестира и да го развие својот бизнис на овој пазар.

“ЈТИ планира да го прошири својот асортиман во Македонија со дополнителни брендови, што е можно поскоро. Планираниот обрт за следната година е 10 милиони евра. Нашата компанија има репутација на внимателен и посветен инвеститор. Ние сме горди што дојдовме во Македонија и планираме долгорочно да го развиеме нашиот бизнис. Претставувањето на нашиот познат бренд на пазарот ќе и донесе на македонската влада приход од 6,08 милиони евра во следните 12 месеци“.

Македонските потрошувачи за првпат имаат можност да ја купат втората најпродавана цигара во светот- Винстон. Овој светски познат бренд датира од 1954, кога беше создаден како најдобар избор на првокласни сорти на тутун.

ЈТИ е филијала на Јапан Тобака Инц. (ЈТ), третата најголема светска глобална тутунска компанија. Произведува три од врвните пет светски брендови на цигари: Винстон, Милд Севен и Камел. Други интернационални брендови ги вклучуваат Бенсон и Хедгс, Силк Кат, Собрание, Гламур и ЛД. Јапан Тобако Интернешнл чие седиште се наоѓа во Женева, Швајцарија има повеќе од 22.000 вработени,  во 120 земји и годишена нето-продажба од 8 милијарди американски долари.