МУЗИЧКИ ВЕСТИ

При крај подготовките за големиот концерт во чест на Тоше!

Деновиве ќе бидат финализирани деталите околу големиот концерт во спомен на Тоше Проески, што ќе се одржи на 5. октомври на Градскиот стадион во Скопје.

На на него ќе бидат исполнети три аманети на трагично загинатиот македонски пејач.

Според пишувањето на Дневник, на сцената на Градски ќе се качат голем дел од најблиските соработници на Тоше, а концертот, замислен како грандиозна и гламурозна музичка манифестација, ќе го пренесуваат сите земји од Балканот и од регионот. Голем број пејачи од Балканот веќе контактирале со менаџерката Лилјана Петровиќ за учество на оваа манифестација, но списокот на изведувачи не е комплетиран.

Со овој концерт ќе ги испочитуваме и исполниме трите желби на Тоше. Едната е Градскиот стадион да биде преполн со публика, а другата, со неговиот англиски албум да ја промовира Македонија во светот. Третата желба веќе ја исполнив, но оставам да реши неговото семејство дали ќе ја експонира во јавноста. Им благодарам на Владата и на Министерството за култура што имаа слух за желбите на Тоше - изјави Петровиќ.

Третата голема желба на Тоше била на следниот свој концерт, што планирал да го одржи на Градскиот стадион, да настапи заедно со внукот Кристијан. Еден месец пред својата прерана смрт тој напишал нумера што планирал да ја отпее во дует со внукот, но сообраќајната несреќа кај Нова Градишка, во која го загуби животот, го спречи во таа намера. Од таа причина, демо-снимката од композицијата постхумно е доработена во Лондон кај Енди Рајт.

Менаџерката Петровиќ и Аворд продукција доставиле молба до семејството да ја стават на албумот и да ја пуштат во етерот. Родителите на Тоше и сестрата Дори се уште не се подготвени психички да размислуваат на таа тема. Одговорот би можел да ви го дадам за неколку дена, доколку тие го дозволат тоа - изјави Славен Ристоски, сопруг на сестрата на Тоше.

Организатори на големиот концерт се Министерството за култура, Меѓународната фондација Тоше Проески и најблиските соработници од менаџментот што се грижеше за македонската музичка легенда. Според плановите, тој ќе стане традиционален.

Тоше на Градски низ годините

29 јуни 2004: Значаен датум за македонската поп-музика - Тоше го одржа првиот концерт на Градскиот стадион пред повеќе од 16.000 луѓе и покажа дека еден македонски интерпретатор може да направи величествен концерт и на овој простор, што дотогаш го исполнуваа само странски ѕвезди. Тоше Проески, Фајнал кат продукција и Космофон го претворија сонот во стварност.

23 јуни 2006: По неколкуте успешни настапи низ Балканот, Тоше повторно се соочи со големиот предизвик. Повеќе од 15 илјади посетители уживаа во незаборавниот концерт на својот миленик.

5 октомври 2007: Тоше Проески пееше пред повеќе од 20.000 фанови на Градскиот стадион, неколку месеци откако ја исполни најголемата сала на Балканот, белградската Арена. На Градски, Тоше, Агенцијата за меѓународен развој на САД (УСАИД) и Министерството за образование, под мотото Образованието е одговорност на сите, собраа околу 150.000 долари наменети за обновување на основните училишта во земјава.

МАДОНА ги вознемири католиците...

 

 

На концертот во Рим, што се одржа на 6-ти септември, Мадона ги вознемири католиците, со посветувањето на песната 'Like a Virgin’  на папата Benedict XVI...

Мадона, која е приврзаничка на кабалата, на концертот изјавила: 'I dedicate this song to the Pope because I’m a child of God. All of you are also children of God.'

Италијанските весници ја третираат изјавата како “изненадувачка провокација“... На концертот имало околу 60 илјади луѓе и се одржал на само неколку километри од Ватикан...

 

Изменето од anastea - 10.Септември.2008 во 01:31

Peter Gabriel Ambassador of Conscience Award

06.09.2008

U2, новиот албум во 2009...

05.09.2008

Фановите на ирскиот бенд U2 ќе мора да почекаат до 2009-та година за да го слушнат новиот албум на групата. Изгледаше дека снимањата се завршени, но како што потврди самиот Боно, групата добила нова инспирација...

 

Според него, албумот, продуциран од Brian Eno и Daniel Lanois, го реинкарнира стилот на бендот од албумите "The Joshua tree" и "Achtung baby".

 

 

Боно додава: “Ќе се потрудиме 2009-та да биде наша година.“

 

Југо“ во новиот спот на Металика
Што прави „југо“ во новиот спот на Металика? А, што може да прави друго - стои расипано, со подигната хауба, додека сопственикот моли за помош. Кој му помага? Само таа и никоја друга - американската војска.

Веќе пишувавме дека во калифорниската пустина, недалеку од Лос Анџелес популарната група го снима видеото за првиот сингл „The day that never comes“ од својот нов албум „Death magnetic“. Според визијата на данскиот режисер Томас Винтерберг членовите на бендот свират во пустинскиот амбиент, додека паралелно со тоа се одвива „филмчето“ во кое се вклучени неколку американски војници и едно „југо“ со своите газди.

Во еден момент војниците наидуваат на очајниот човек, кој во тоа опкружување не знае што да прави, држејќи во рацете делови од возилото. Во почетокот постои недоверба, па маринците се со вперени пушки кон човекот и му наредуваат да клекне.

Веднаш потоа забележуваат во црвеното „југо“ жена облечена според строгата муслиманска традиција, која ја принудуваат да излезе. Следат моменти на недоверба, но тие бргу исчезнуваат кога долгиот поглед меѓу војникот и жената им укажува дека ти не се непријатели. Потоа следи поправање на автомобилот од страна на војската, а палењето е вообичаено за „југо“ - со туркање.

- Главна тема на клипот е човечкиот елемент на простување. Ако некој во минатото ви нанесол зло во некоја ситуација, не мора да значи дека така ќе биде и во иднина, туку треба да размислите и да не се одмаздувате на тие што не го заслужиле тоа - објаснува фронтменот на Металика, Џемс Хетфилд и додава дека групата не сака да учествува во расправата за актуелните војни, ниту треба на нејзиниот спот да се гледа како на политичко ангажирање.


prevzemeno od on net.
     http://on.net.mk/default-MK.asp?ItemID=7375F520EB062B4783134D13CA3F06E3

Најновиот албум на The Cure се вика "4:13 Dream"  и најавуваат дека ќе излезе на 13-ти октомври... Нема објаснување за значењето на насловот. Албумот ќе биде прв после 4-годишната пауза на бендот. Ова е нивни 13-ти по ред албум и требаше да биде двоен... Но Robert Smith на крај одлучил од околу 30-тина песни половината да ги остави за следниот албум... 

Изменето од anastea - 05.Септември.2008 во 16:36

AEROSMITH od 14ti ovoj mesec, pochuvaat so turneja niz Amerika, za prv pat posle operacijata na grlo na Steven Tyler. znachi se opravil i moze da pee kako sho treba