Најубавите стихови во Библијата

А Тој ги понесе нашите болести, ги зеде врз себе нашите болки, додека ние сметавме дека Бог Го бие и Го понижува.
За нашите престапи беше прободен, сотрен, за нашите беззаконија. Казната за нашиот мир падна врз Него, преку Неговите рани ние се исцеливме.
Сите скитавме како овци, и секој одеше по својот пат. А Господ ги возложи на Него беззаконијата на сите нас.
Го измачуваа, а Тој оставаше, и не ја отвори Својата уста. Го одведоа како јагне на колење; како овца нема, пред оние што ја стрижат, не ја отвори Својата уста.
Со сила и со суд се ослободија од Него, и кој ќе го искаже Неговиот род? Да, од земјата на живите го отстранија Него, за гревовите на Неговиот народ, го ранија на смрт.
Му го одредија погребението меѓу злочинците, а Неговиот гроб беше при богатите, иако не направи неправда, ниту пак устата Му изусти лага. -



Исаија 53:4-9, Библијата

ТАГА ПАК РАДОСТ

Уште малку,па веќе нема да Ме гледате, но по извесно време пак ќе Ме видите.
Тогаш некои од Неговите ученици си рекоја еден на друг: Што знаци ова што ни го вели. Исус свати дека тие сакаат да Го прашаат, па им реце: Реков: Уште малку , па нема да Ме гледате, а по извесно време пак ќе Ме видите. За ова ли се расправате мегу себе? Со сигурност можзам да ви казам дека вие ке плачете и ке тагувате, а светот ке се радува. Кога жената раѓа , таа има болки, зашто дошло времето на болките. Но, кога ќе се роди детето, таа заборава на маките, и се радува сшто родила човек на овој свет. Така и вие сега сте полни со тага. Но повторно ќе се видиме и ке се израдувате, таа радост не ќе може никој да ви ја одземе.

РАДОСТА Е ВОСКРЕСЕНИЕТО ХРИСТОВО.

ЛУКА
Глава 22


14 А кога дојде часот, седна Исус na трпезата и апостолите со Него,

15 и им рече: „Многу сакав да ја јадам со вас оваа Пасха, пред да пострадам,

16 зашто ви велам: нема веќе да ја јадам додека не се исполни во Божјото Царство.”

17 И ја зеде чашата, заблагодари и рече: „Земете ја и поделете ја меѓу себе,

18 зашто ви велам дека нема да пијам од лозовиот плод - додека не дојде Божјото Царство!”

19 Потоа зеде леб, заблагодари и го раскрши и им го раздаде, велејќи: „Ова е Моето тело, кое се дава за вас; правете го ова за Мој спомен!”

20 А исто така, ја зеде и чашата - по вечерата - и рече: „Оваа чаша е Новиот Завет во Мојата крв, која се пролева за вас.

21 Но, ете, раката на оној, кој Ме предава е со Мене, на трпезава.

22 Зашто Човечкиот Син оди, како што е определено, но тешко му на оној човек, кој ќе Го предаде!

Мојот народ изврши два грева: Мене, изворот на жива вода ме остави и си ископа извори издупчени, кои не можат да држат вода.


Еремија 2:13

Римјаните 12:12


Радувајте се во надежта, бидете трпеливи во неволја; постојани во молитва!

Галатите 5:22-24

А плодот на Духот е:
љубовта, радоста, мирот, трпението, љубезноста,
добрината, верноста, кротоста, самоконтролата;
нема закон против вакви нешта.

А оние кои се Христови го распнаа своето тело
со неговите страсти и похоти.

4 Радувајте се секогаш во Господа! Пак велам: радувајте се!

5 Вашата кротост да им биде позната на сите луѓе! Господ е близу.

6 Не грижете се за ништо, туку во сè преку молитва и молба со
благодарност искажувајте ги своите просби пред Бога!

7 И Божјиот мир, што го надвишува секој ум, ќе ги запази вашите срца и вашите мисли во Христа Исуса.

8 Впрочем, браќа, сè што е вистинско, што е чесно, што е праведно, што е чисто, што е љубезно, што е на добар глас - ако е некаква добродетел, ако е некаква пофалба - мислете на тоа!


==Филипјаните 4:4-8 ; Библија==