МУЗИЧКИ ВЕСТИ

Групата AC/DC конечно повторно на европска турнеја, која ќе започне веднаш по новогодишните и божиќните празници. Најблиска дестинација за нас, според до сега закажаните концерти е Будимшешта, но сепак ростерот на градови не е затворен, што остава можност за некоја уште поблиска метропола да се најде на листата на градови. Во својата историја AC/DC успеа да се наметне како еден од највлијателните бендови во рок музиката, стекнувајќи десетици милиони фанови ширум светот. Имаат издадено преку 15 студиски албуми, а дел од нив достигнале мултиплатинеста продажба. Последната европска турнеја во 2001 година им донесе заработка од 90 милиони евра.

Во својата историја овој бенд имаше многу големи проблеми, меѓу кои најстрашна беше загубата на нивниот прв вокалист, Бон Скот, кој подоцна беше заменет со Брајан Џонсон кој и денес е првиот вокал на бендот. Дел од текстовите од песните беа прикажани како мошне контроверзни, што доведе до делумна забрана за консумирање на нивната музика во Северна Америка некаде на средината од 80тите години. Но сепак, модерното време со себе си донесе и промени и така непречено продолжи манијата наречена AC/DC.

Датата за Депеш Мод во Белград одредена: 20-ти мај 2009. Концертот ќе се одржи на локацијата Ушќе, изјавија од бендот вчера на прес конференција во Берлин.

Новиот албум со експлозивен наслов, кој се чува во тајност, треба да биде готов до крајот на оваа година.

Истакнатиот германски треш-метал бенд Креатор подготвуваат нов албум кој ќе биде насловен Хордс оф Кејос.Албумот се очекува да излезе на 16 септември 2009 година.Исто така Креатор ќе тргнат на турнеја,а интересни локации за нас се Во Софија и Белград

Изменето од Phantomlord - 05.Октомври.2008 во 11:50

Еден милион евра за Депеш Мод во Белград?

Меѓу градовите кои се спомнуваат во агендата за европската турнеја на Дипеш Мод се спомнува и Белград. Организаторите на концерти во Србија почнаа да се натпреваруваат кој поголема цена ќе понуди за групата која секогаш привлекува многу публика, прави одлични спектакли, па според тоа и ризикот од неуспех на концертот е помал.

Реалната цена за концерт на Дипеш Мод се движи од 350.000 до 400.000 евра, но во моментов српските менаџери нудат и 750.000 евра, а се претпоставува дека цената може да стигне и до милион евра...

 

 

Вредат да се видат во живо, добро си ги организираат концертите и за атмосфера ги бива... ама милион евра се премногу, кога самите се согласуваат да свират и за 250.000 евра...

 

Во пресрет на големиот хуманитарен концерт со наслов Те сакаме сите, во чест на музиката и хуманоста на ангелот со големо срце – Тоше Проески, денес (среда, 24. септември 2008-ма), во просториите на Националната галерија – Мала станица, со почеток во 12.30 часот, ќе се одржи конференција за печат на која на јавноста ќе и бидат презентирани најновите информации врзани за овој настан.

На прес-конференцијата ќе учествуваат претставници на Меѓународната Фондација Тоше Проески – во својство на организатор на концертот, и претставници на Министерството за култура на Република Македонија.

Хуманитарниот концерт во чест на Тоше е под покровителство на Владата на Република Македонија и Министерството за култура.

Еве неколку интересни детали за настанот...

Концертот ќе се одржи на Градскиот стадион во Скопје, на 5. октомври, со почеток во 19.30 часот. Освен пријателите и бендот на Тоше, учествува и Оркестарот на македонска опера и балет со диригентот Саша Николовски – Ѓумар.

Билетите по симболична цена од 200 денари се во продажба ширум Македонија, како во музичките продавници, така и долж продажната мрежа на Космофон, Германос и Импулс.

Дека со овој концерт продолжува хуманата мисија на ангелот Тоше Проески укажува податокот дека веќе започна да функционира хуманиот број: 143-100 (со повик донирате 100 денари + ДДВ), а собраните средства ќе бидат донирани во хуманитарни цели!

Руслана на Градски ќе пее за Тоше

Украинската евровизиска победничка Руслана, на големиот концерт наречен „Те сакаме сите, Тоше, што на 5. октомври на Градскиот стадион во Скопје ќе се одржи во чест на Тоше Проески, ќе ја пее песната Лајф, со која Тоше ја претставуваше Македонија на Евросонг во Турција во 2004 година. Специјални гости ќе бидат соработниците и авторите со кои Тоше го работеше англискиот албум. Тие ќе соопштат дека на 25 јануари - роденденот на Тоше, на пазарот ќе се појави долгоочекуваниот албум на англиски јазик, а премиерно на публиката ќе и подарат уште еден необјавен сингл како негова најава. Овие две информации за Дневник ги потврди менаџерката на Проески, Љиљана Петровиќ.

Тоше на секој концерт велеше Ве сакам сите и затоа овој ќе се одржи под мотото Те сакаме сите, Тоше, како наш одговор на неговите пораки - вели Петровиќ. Од Македонија, гости на концертот ќе бидат Калиопи, Синтезис, Наум Петревски - кој ќе ја пее омилената композиција на Тоше Има ли песна и Симон Трпчевски - кој на пијано ќе ја свири Љубена, нумера што ја напиша за Проески, а тој не забораваше да му се заблагодари за тоа на ниту еден концерт.

Концертот ќе прерасне во традиција

Освен Руслана, со која Тоше се запозна во Турција и со неа разви топло пријателство, на концертот ќе гостуваат повеќе ѕвезди од балканската музичка сцена. Од Хрватска ќе дојдат Тони Цетински и Нина Бадриќ, од Словенија Аленка Готар, а од Србија Леонтина Вукомановиќ, која ќе ја пее Чија си, Жељко Самарџиќ, кој ќе ја исполни Цреша, Биља Крстиќ, која ќе се претстави со Јовано Јованке и Гоца Тржан, а ќе настапи и црногорскиот изведувач Бојан Маровиќ. Повеќе од 20 пејачи околу три часа ќе ги пеат песните на Тоше.

Своето присуство го потврдија и Енди Рајт, Вејн Хектор и Брајан Тејлор од Пипл ин моушн, кои ќе дојдат за да го објават датумот на излегувањето на англискиот албум на Тоше. Тоа ќе биде 25. јануари - денот на неговиот роденден, ден кој на сите нас посебно ни значи - вели Петровиќ. Концертот ќе го пренесуваат седум телевизии од повеќе земји, меѓу кои и Бугарија и Албанија. Македонската телевизија ќе врши директен пренос, а преку Сателитскиот канал атмосферата од концертот ќе му биде достапна на целиот свет...

New Remix album by Tarkan.. Novo izdanie na albumot Metamorfoz so novi aranzmani obraboteno od poznati DJ ` i vo Turskiot muzicki svet.

Џони Штулиќ во Белград!?

 

 

Горан Стаменковиќ, директор на продукција  “Емоушн“, ќе се обиде да го донесе  Џони Штулиќ, лидерот на легендарните “Азра“, во музичко риалити-шоу “Операција Триумф“, кое треба да стартува кон крајот на септември.
Џони Штулиќ долго време живее во Холандија и одбегнува било каков контакт со Балканот! Иако Стаменковиќ тврди дека ќе стори се и дека ги потегнал сите можни врски да го донесе Џони во Белград, познавачите велат дека нема шанси тој да прифати учество во таков вид програма! Тоа би значело плукање на сопствените зборови и дека станал се она против што се бореше со децении во своите песни!..

 

 

Да видам не верувам!... Џони во реалити-шоу!...