Од 1 јануари до 2 февруари.

Во љубовниот живот ваш заштитник е Амон – богот на пророците – кој што на сите свои штитеници им дава талент вистински да се вљубат на прв поглед – и тоа во вистинската личност. А кога тоа ќе се случи, а обично станува збор за јавно место, личноста на својот живот ќе ја освоите така што едноставно ќе седнете до неа и ќе зрачите со внатрешна среќа. Таа тогаш едноставно нема да биде во состојба да одолее на толкавата привлечна и позитивна енергија.

Инаку вие сте упорни, но ненаметливи, а својата добра волја ја спроведувате тивко и полека. На прв поглед изгледате ладно, но во суштина сте полни со длабоки чувства до кои треба да се продре. Понекогаш дури изгледате и незаинтересирано, што е само маска за силната емотивност, затоа што сте приврзани и верни, а во љубовта одите на сé или ништо. А секако, за возврат барате многу.

Ваша боја е златната, а оружје со кое заведувате – паметот!

СЕБЕК [БОГ НА СВЕТАТА РЕКА НИЛ]

Од 3 февруари до 4 март.

Најмногу ја цените убавината и уметноста, па така понекогаш надворешната убавина може комплетно да ве заслепи. Сепак, спаѓате меѓу најнапредните личности кога станува збор за емоциите и сексуалноста. Оригинални сте и неповторливи. Во емотивните врски имате потреба за интелектуален партнер.

Во потрагата по сродна душа, спремни сте да пробате сé. А бидејќи сте и љубопитни, присутна е постојана желба да ги проширите своите видици. Имате брз ум, моќта на запазување ви е голема и поседувате широк круг на пријатели. Многу сте искрени во емотивните односи и не поднесувате лаги и матни ситуации.

Себек е бог – крокодил и ја чува светата река Нил и богатството на древниот Египет. За вас ја сочувал уметноста со саканата личност да остварите хармонија и склад.

Ваша боја е сината, а оружје со кое заведувате – оригиналноста!

ОЗИРИС [БОГ НА ПЛОДНОСТА И ВЕГЕТАЦИЈАТА]

Од 5 март до 9 април.

Романтични сте и многу сензуални, склони кон идеализирање на својот љубовен партнер и љубовниот живот воопшто, па може да се случи да бидете и разочарани и тогаш не ви гине цела река од солзи, секако поради преголемата чувствителност. Затоа треба што е можно побргу да научите да ги раздвојувате стварноста и убавите желби и фантазии.

Полни сте со разбирање за другите и можете да бидете изразено продуховени. Вам ви е неопходна љубов и нежност, затоа што без нив се чувствувате изгубени. Ја сакате природата, поезијата и животните, па така во природа се чувствувате на свој терен и како дома. Не сакате затворени простори и загадена градска атмосфера.

Ви треба доста време за да се вљубите, но кога тоа ќе се случи, времето работи за вас. Вашата љубов е цврста и верна затоа што и вие сте такви, чувствителни и полни со страст, па идеален партнер за вас е секој во кого ќе се вљубите.

Ве штити богот на плодноста – Озирис – и ве советува за среќа во љубовта да ја отфрлите материјалноста.

Ваша боја е бојата на индиго, а оружје со кое заведувате, сензуалните очи.

ПТАХ [БОГ НА ВИСТИНАТА]

Од 10 април до 2 мај.

Во љубовта сте импулсивни и полни со барања, но затоа пак сте искрени, отворени, лојални, па дури и наивни. Бидејќи Птах е богот на вистината, не се согласувате на односи кои не се сосема искрени. Најчесто немате многу трпение и поради своите барања и импулсивни реакции лесно ги прекинувате врските. Понекогаш знаете да бидете пргави и премногу искрени, затоа што мислите дека е најдобро да се каже вистината во лице, без разлика на последиците.

Луѓето под заштита на богот Птах знаат да променат многу партнери во својата потрага по вистинската личност. Всушност, многу често се вљубувате, знаете да се залетате и ретко размислувате за последиците на своите постапки. Сакате работите да ви се случуваат сега и веднаш!

Но сепак во изборот на партнерот знаете да донесете и некои сосема практични одлуки. Обично барате личност која цврсто стои на земја и на која можете да се потпрете.

Ваше најсилно оружје е насмевката, а ваша боја црвената!

ХОРУС [БОГ НА ЖИВОТОТ]

Од 3 мај до 16 јуни.

Во љубовен поглед понекогаш сте слични со пеперутките – немате постојаност и не сакате цврсти врски, туку ве привлекуваат авантури и нови познанства. Склони сте да ја жртвувате својата сигурност во име на нешто ново, дури и ако со тоа сте свесни дека правите некоја глупост. Со леснотија се впуштате во авантури на патувањата или со непознати личности – ќе направите сé за да ја задоволите својата љубопитност.

Поседувате страствена природа и очи кои се секогаш живи и најчесто со светла боја. Животот и љубовта за вас се постојана потрага по идеалното, а во одреден момент секој знае да биде оној вистинскиот.

Сепак, вистинската љубов за вас ќе биде силна и стабилна личност, некој кој што ќе може да го скроти вашиот немирен дух, а сепак да ви пружи возбуда која што ви е потребна. Во секој случај, вие сте личност која никој не треба да ја ограничува.

Во љубовното заведување ги користите сите свои способности, а најмногу богатиот дух.

НЕФТИС [БОЖИЦА НА ЉУБОВТА]

Од 17 јуни до 21 јули.

Преубавата Нефтис владее со можеби најромантичниот знак. Нејзините деца се неверојатно верни на своите љубовници, претопувајќи се со нив во едно тело и душа. Сензуални сте, страствени и многу емотивни. Во потрагата по вистинската личност понекогаш се случува да го загубите компасот и почнете да лутате од една до друга личност. Вам љубовта и нежноста ви се потребни повеќе од било кој друг знак, но за возврат исто така давате многу.

Понекогаш сте многу склони кон фантазирање, но ако ви се пружи прилика, знаете своите соништа да ги пренесете во јаве. Но, поради преосетливоста и ранливоста, морате да бидете многу претпазливи при изборот на партнерот. Мора да пронајдете некој што е исто така внимателен и лојален како и вас, затоа што во спротивно може да бидете искористени.

Во заведувањето се потпирате на својот изглед и би требало да го истакнете со бела облека и сите други пастелни бои.

СЕТ [БОГ НА МОЛЊИТЕ И ПОДЗЕМЈЕТО]

Од 22 јули до 18 август.

Имате многу жив темперамент, а вашите чувства се возвишени и достојни. Сет е бог на молњите, бурите и подземјето, па на вашите чувства им дава жестока страст. Не се предавате лесно и од партнерот очекувате максимална ангажираност. Стално сонувате за страст и романтични доживувања, а критериумите понекога ви се понекогаш толку високи што повеќе сакате да фантазирате отколку да се препуштите на некој кој само половично ќе ве задоволи.

Потребна ви е личност со балансиран карактер и темперамент, која ќе знае да излезе на крај со вашите жестоки чувства. Сепак не сте посесивни, сакате да се гордеете со партнерот, но имате желба и за големо внимание и поклони од секаков вид.

Кога сте вистински вљубени, тогаш во целост се посветувате на партнерот и ангажирано работите на самата врска. Несигурните личности лесно може да се исплашат од вашиот сигурен и над сé, активен став.

Освојувате со својата достоинствена појава и аристократско држење и став. Вашите бои се портокаловата и златната.

АНУБИС [БОГОТ ЗАШТИТНИК]

Од 19 август до 21 септември.

Вие сте многу одговорни, интелигентни и поштени, емотивни и романтични, но понекогаш ви недостасува иницијатива. Мора да вложите малку повеќе енергија и ентузијазам кога барате партнер. Во состојба сте да сакате некого долго време, без воопшто да се решите и да му се приближите и реално започнете врска.

Љубезни сте и дискретни и не ви е секогаш лесно да се наметне и покрај неспорните вредности кои ги поседувате. Исто така понекогаш премногу очекувате, но во еден момент ќе морате да се спуштите на земја и се решите за една личност, која сепак (како и сите други) има и понекоја маана.

Вистинската личност за вас е онаа која во себе носи и некоја тајна и која ќе ви дозволи постојано и наново да ја откривате дел по дел и на тој начин постепено се повеќе да се вљубувате. Вашите секогаш стануваат појаки со текот на времето.

Ваше најсилно оружје е интелигенцијата и духот.

РА [БОГ НА СОНЦЕТО]

Од 22 септември до 15 октомври.

Вашите емоции се деликатни, одмерени, полни со внимание и љубезност. Ретко ви се случува да влезете во некој однос без претходно добро да размислите, а авантурите сами по себе се исклучени!

Сакате романтична атмосфера и креативни љубовни игри, преку кои се чувствувате исполнети. Сигурно е дека нема да имате проблеми да ја пронајдете личноста на вашиот живот, затоа што самите вие сте личност која е идеална за заеднички живот.

Многу сте осетливи на комплименти, со задоволство ги примате и долго ги паметите. Романтична атмосфера на почетокот од врската ви е неопходна, затоа што не можете ни да замислите освојување во неприкладна атмосфера.

Секогаш сте опкружени со лица од спротивниот пол, па можете да си дозволите да бидете пребирливи. Сепак, овде за вас лежи и главната опасност. Понекогаш не сте сигурни дека го имате направено вистинскиот избор, па затоа сте склони кон претерано колебање.

Ваша боја е зелената.

ИЗИДА [БОЖИЦА НА ЧУДАТА]

Од 16 октомври до 9 ноември.

Божицата Изида е божица на чудата, а личностите родени под нејзина заштита како да имаат магична моќ. Вашата насмевка и поглед се во состојба да го заведат секого, а посебно оној кој сте решиле да го освоите.

Во љубовта давате сé од себе и никогаш не се колебате дали да ја преземете иницијативата во свои раце. Сакате да го усреќите партнерот, па по некогаш може да се случи да изгубите мерка во тоа.

Поседувате извонредно голема страст и сте доста отворени, па истото го очекувате и од партнерот. За вас не постои забрането овошје и тешко е да им се одолее на вашите емоции. Упорноста е една од вашите највпечатливи особини. Кога ќе се решите за некого, тој е скоро со сигурност ваш, прашање е само на време. Да се пронајде вистинската личност за вас е лесно, правата љубов може да ја „намирисате“ и кога е далеку со километри.

Главно оружје во заведувањето ви е шармот и интелектот, а боја – темноцрвена.

ТХОТ [БОГ НА СВЕТЛОСТА, МУДРОСТА И МАГИЈАТА]

Од 10 ноември до 3 декември.

Понекогаш имате тешкотии во искажувањето на емоциите, посебно љубовните. Од една страна имате потреба за некој кој што е секогаш овде за вас кога се чувствувате тажни или нерасположени, а од друга страна, имате постојана потреба за бегство – сакате авантури и нови искуства.

Најмногу би ви одговарала личност која е секогаш на едно место и кај која секогаш можете да дојдете кога осетете потреба за спокој и љубов. А вашите љубовни потенцијали најмногу зависат од расположението. Можете да бидете мрзеливи, но и големи алтруисти. Но поради големите промени во расположението, често претставувате мистерија за другите околу вас.

За вас љубовта е синоним за животот и затоа секоја врска ви е величествена. Со задоволство преземате иницијатива и лесно се препуштате на изненадни и возбудливи љубовни доживувања. Најмногу ви одговараат долги врски во кои станувате – пред сé – пријатели со партнерот.

Ваша боја е виолетовата, а главно оружје – духовитоста.

ХАТОР [БОГ НА МУЗИКАТА И УМЕТНОСТА]

Од 4 декември до 31 декември.

Вие навистина верувате во Љубовта. Кога ќе се вљубите во некого, тешко ја прекинувате врската. Потребен ви е партнер кој ќе ве разбере, но и кој ќе знае и умее да ги поттикне да излезат на површина сите оние чувства кои се кријат длабоко во вас.

Хатор е божица на музиката и уметноста, па од таму, вашите чувства се рафинирани и нежни. Сакате љубов, но истовремено имате и страв од неа. Поради тоа понекогаш изгледате како ладна личност која не може да биде освоена. Во љубовта обожавате долги подготовки, а трпението го наградувате со страст. Имате голем сексуален потенцијал, што од вашето однесување не може лесно да се види.

Ваша боја е темнозелената, а оружјето со кое заведувате не е воочливо на прв поглед и токму во тоа е и вашата тајна – треба постепено да откривате.

Сетете се само на оние млади, драги и надежни личности полни со енергија кои со сета сила се обидуваат да постигнат успех во некоја област, а на некој искусен, зрел, пореален и можеби помалку паметен, веднаш му  е јасно дека тука нема леб за нив.

Погледнете што не ви препорачуваат ѕвездите како професија.

Овен
Би требало да избегнувате сè што е мирно, пасивно, без секојдневни предизвици. Таму каде што нема акција, за Овните нема ни живот. Ако се обидувате да работите нешто поради некој друг, или затоа што некој така ви рекол, а при тоа не почувствувате дека и вие тоа го сакате, успехот ќе изостане.

Бик
Брзината е нешто со што Биковите тешко се справуваат. Сите работи кои се возбудливи и кои што треба да се завршат во најкус можен рок главно ќе ги онеспособат и ќе ги доведат до лудило. Ако не постои гаранција дека по завршената работа нешто ќе добијат, Биковите ја губат мотивацијата за работа.

Близнаци
Долготрајните работи и активности каде што е потребна темелност ќе ја убијат волјата за работа кај Близнаците. Сè што е со маратонски карактер, или е малку интересно, ним нема да им одговара. Ќе ги уништи било каква активност ако не може да комуницираат.

Рак
Активностите како што е механиката, како и оние во кои што не може да се покаже барем минимум човечка активност, Раковите ќе ги направи несреќни. Всушност тие може да издржат благодарение и на својата природа, но само некое време додека водата не им дојде до грло. Тогаш обично доаѓа до проблем. Ако во она што го прават нема срце, тогаш нема ниту среќа за Раковите.

Лав
Работите кои што се отфрлени, далеку од очите на другите, или што се осамени, ќе го уништат секој Лав. Работата во институции од затворен тип како болници, затвори, лаборатории, строги институции или слично, за нив ќе изгледаат како ноќна мора.

Девица
Таму каде што работите се генерализираат и се носат општи заклучоци Девицата потполно ќе се изгуби. Иако во душата е перфекционист, ќе се обиде да се прилагоди кон сè и сешто, но за неа ќе биде вистинска мака ако треба да покаже способност за поминување преку ситници или да ги занемари неважните работи.

Вага
Секоја дејност која што е груба, сирова, грда или каде што треба да се покаже агресивност, на Вагите ќе им предизвика губење на земјата под нозете. Осамените работи не им лежат. Тие секогаш се за соработка.

Скорпија
Ако нема провокации, за Скорпиите е како јадење без сол. Ако влезат во секојдневие ќе бидат уништени. Ќе се обидат самите да смислат нешто со што ќе предизвикаат борба. Работите кои што течат мирно, разработено, без предизвици и динамика, не се за нив.

Стрелец
Сè што нема длабочина, височина, ширина и далечина ќе го уништи секој Стрелец. Нивните активности мораат да ги вклучат сите димензии, како и можности за развој на подолги и непредвидливи патеки. Ним им  е потребна слобода, а ако работата е монотона и предвидлива без можности за ширење и движење, подобро е да не работат.

Јарец
Вистина е дека Јарецот може да издржи многу, но сепак нивната активност треба да биде таква што ќе му дава можност да напредува. Ако низ одредена дејност не види дека може да ги оствари амбициите, Јарецот нема да биде среќен.

Водолија
Ако се одлучат за нешто што е ковенционално, речиси е сигурно дека ќе промашат. Нивната оригинална природа секогаш ќе бара нешто ново и секоја разработена, предвидлива или традиционална работа, за нив е промашување. Некои прават компромиси воведувајќи новини во старите работи, што не е лош потег.

Риби
Сите дејности во кои се бара уредност и прецизност ќе ја упропастат секоја Риба. Областите каде што треба да се покаже смисла за детали не се во нивен домен. Ако дејноста е разработена без фантазија и креација, кај нив најверојатно ќе предизвика депресија.

Тврдоглави, упорни, енергични, реални. Ова се најважните особини на Биковите. Иако тврдоглавоста се смета за нивна најголема особина и мана, љубовта е место каде што Биковите апсолутно се докажуваат. Се сметаат за најголемите љубовници во Зодијакот, сакаат да ги привлекуваат луѓето, но никогаш не преземаат иницијатива.
Бикот е личност која поседува сила која раздвижува планини, со својата упорност и неоткриената тајна на љубовните вртлози. Биковите се познати по својата практичност и реалност. Нивната конкретна смисла за реалност ги восхитува луѓето околу нив кои таквите квалитети не ги познаваат. Можете заради тоа да ги обвините дека воопшто не знаат да фантазираат или дека романтичноста низ нивната призма делува толку сиромашно. Ќе ве држат за рака, ќе се шетаат под полна месечина или во прекрасна природа, а притоа радосно ќе раскажуваат како денес го зготвиле гулашот.

Што се однесува до љубовта и љубовните интриги, овие луѓе најчесто имаат среќа. Венера, планетата на благосостојба и љубов, се наоѓа во центарот и управува со нивниот знак, но не со оној откачен стил како кај Вагата, туку на еден практичен и допирлив начин. Донесува врзаност за реалноста, здрава смисла и желба за поседување.

Сакаат да бидат опкружени со убави нешта, убави мажи или жени, луксузни предмети, уметнички слики. Убавината во нивниот живот е многу застапена и изразена. Околу себе создаваат чувство на пријатност и опуштеност, па дури и во канцелариите внесуваат ситници кои ја отсликуваат нивната душа. Иако се крајно практични, имаат смисла да го одберат партнерот. И тоа обично е партнер кој е романтичен и со богата фантазија, нежен дух, поетични. Навидум чиста спротивност од нив.

Понекогаш Биковите изгледаат затворени и неприступачни, но едноставно не допуштаат на било кој да им го троши нивното време и стрпливост. Знаат секому да му речат: Стоп!

Припадниците на овој знак се познати по оптимистичката филозофија и практичното усмерување. Сакаат да им помагаат на другите и ја сакаат уметноста. Уживаат во добри книги или претстави, и најмногу во гурмански подготвени јадења. Нивната одмереност, постојаност и реалниот пристап на животот се легендарни во Зодијакот.

Најголема мана на овој зодијачки знак е тврдоглавоста и тоа до тој степен што околината често ги смета за дрски и непристоји. На второ место се посесивноста и љубомората. Кога ќе го одберат партнерот, не го испуштаат од вид, сакаат да имаат целосна контрола на она што го прави. Често претеруваат во јадење и пиење или избегнување на спортски активности заради што имаат и здравствени тешкотии.

Динамични се, упорни и енергични, но кога ќе завршат со некоја работа, истиот миг стануваат пасивни и троми. На работен план никогаш не постапуваат импулсивно и непромислено. Многу се внимателни, и не им дозволуваат на другите да им пречат во нивните планови. Газат се друго за да ги остварат своите цели.

Големи се ентузијасти дури и во најтешките животни ситуации. Изгледаат како нескршливи и полни со сила. Меѓутоа нивната тврдоглавост е особина која често ги кочи во животот, а сепак тие од неа не отстапуваат. Бидејќи животната филозофија им е насочена кон практични нешта, не си дозволуваат некои нереални соништа или цели. Но потребата секогаш тие да се во право ги тера да се спротивставуваат на авторитети или на сите оние кои сакаат да го сменат нивното мислење. Во тие мигови доаѓа до израз нивниот недостаток на такт, нееластичност на духот, како и недостаток на дипломатија.

Но, благодарејќи на својата упорност, сепак постигнуваат големи успеси. Прилично се чувствителни на околината и на туѓите мислења и секогаш одат во крајност – ако не се согласувате со мене, значи сте против мене. Навистина, би требало малку да се потактични во животот.

Интелектот им е приземен, со реални цели и амбиции. Љубовта пак им е храна. Без неа едноставно тешко живеат и многу патат. Мораат да сакаат, да поседуваат некого, дури и да е тоа погрешна личност. Ако се обидете да им го поместите нивниот дневен распоред и планови, бидете сигурни дека одеднаш ќе се соочите со бесен Бик подготвен да ве набоди со роговите и тоа без да извадите црвено платно. Сами сте виновни!

Биковите и парите секогаш одат заедно. Се разбира, не се сите Бикови богати, но бидете сигурни дека не се ни сиромашни и секогаш имаат црн фонд. Својот дом и кралство тие го градат секогаш споро, но цврсто и сигурно. Во секоја секунда знаат колку пари имаат до ситници, дури и во малите касички, ги знаат цените на сите производи и заколнати непријатели се на расфрлање пари. Својот имот го чуваат и шират многу внимателно!