Родителите одговорни!!!

Zajcef напиша: бидеќи родителот не може да знае,еден куп деца има што ќе се облечат како што треба пред родителите и ќе појдат кај другар/другарка и ќе се преслечат/остават се.Од друга страна професорот ги гледа децата пред патувањето и слободно може да ги прати дома тие што не се соодветно спремни.Исто така се гледа спремноста на детето-не можеш дете од 100 килогарами да го носиш на планинарење,посебно не на оваа жештина.   Значи не ги обвинувам професорите ама не е убаво тоа што се сакате да префрлите на родителите иако голем процент од вас се крајно не одговорни луѓе.И да-гласам за строги казни за сите пропусти во образованието,посебно вакви несреќи...

Значи детето МОЖЕ да го излаже родителот, ама професорот треба да знае како тргнало од дома.
Треба да го врати назад „дебелкото“ ? Некој ќе побара да го врати слабичкото оти нема кондиција?!
И нормално после децата и родителите имаат право да го осудат заради девалвација, заради поделби!!!
Децата смеат да ги лажат родителите, родителите смеат да бидат излажани?!
За последната реченица нема да коментира. Се согласувам, дека во сите професии има залутани.
Строги казни за пропусти во образованието смее да има, но дали смее и дали трба  да има строги казни и за родителска одговорност.

За жал ни случувањата на лоши работи во кои непосредни жртви се децата не делуваат поучно. Напротив во такви ситуации на површината излегува само желбата за префрлање  вина  од едни на други од што никој нема фајде.
За образовната политика на прво место вина  имаат одговорните кои носат закони колку да се рече дека се закони. Останатите ги прифаќаат и молат бога ним да не им се згоди некоја последица.
- Лекарски потврди- повеке не се издаваат бидејки се издаваа само формално, а се наплаќаа. И освен иформација за примените вакцини, друго не ни пишуваше (нив ги има во картончето за имунизација) Значи информации за некои посериозни болести нема- детето е препуштено на господ. Наставниот кадар не знае-не може ни да реагира соодветно
- Порано кога тестирањата за упис на првачиња ги вршеа школските педагози/психолози родителите тек/тук ке дадеа некоја информација која за жал заради некаков си професионален кодекс пед/псих. служби ја таеја од наст. кадар. Сега со формирањето на “тимот за дочек“ бидејки најмалку е тим за тестирање на првачињата- никој ништо не знае, нити има информација.
- Систематските прегледи- самите доктори се изненадени кога деформитетите кои ги откриваат на првиот систематски преглед си стојат а родителите воопшто не презеле нешто за корегирање на истите.
Докторите и наставниците немоќни собираат раменици.
Затоа се случува
- дете да добие епилептичен напад, а никој (освен родителот) да не знае дека е епилептичарче
- дете на екск*рзија или настава во природа да стане ноќе и да излезе од соба- а наставниците тогаж дознаваат дека детето е месечарче
- дете да се гуши од алергии на полен, прашина, бодеж од пчела/оса...
- дете да се жали на болка во гради- наставникот слуша како срцето му работи со 300 на саат (заради некоја тахикардија) а родителот да вели дека тоа е само од страв од тест, испрашување...
Се додека не научиме сите дека на прво место се децата и нивното здравје, одговорни ке бидеме сите кога ќе се случат лоши работи.
Семејството на починатиот гимназијалец бара одговорност од наставниците

најмногу се виновни родителитеспоред мене. не е лесно да си родител, не значи направи дете и толку пуштиго, напроѕ=тив потребна е постојана комуникација и контрола со децата. За жал во ова динамично време многу малку се обрнува внимание на тоа. и еда забелешка до GABRIELA   S    ПИШУВАЈ КИРИЛИЦА

Сите се виновни, збор нема, ама не дај боже ако дојде до нешто сериозно дали ЕВН или било кој кој не си ја довршил работата ќе ги врати децата назад...До кога родителите ќе се извлекуваат за својата неагилност, за своето невоспитување на своите деца

ОР­МАН ЗА СТРУ­ЈА СО ГО­ДИ­НИ СТОИ ОТ­ВО­РЕН НА УЛИ­ЦА ДРА­ГА СТО­ЈА­НОВ­СКА ВО КИ­СЕ­ЛА ВО­ДА

Се нат­пре­ва­ру­ва­ат кој по­бр­зо ќе ги за­па­ли оси­гу­ра­чи­те

Жи­те­ли­те на ули­ца­та Дра­га Сто­ја­нов­ска ве­лат де­ка се­кој­днев­но де­ца­та од ули­ца­та се со­би­ра­ле пред от­во­ре­ни­от елек­три­чен ор­ман и фр­ла­ле лис­ни во елек­трич­ни­те склоп­ки и оси­гу­ра­чи за да нас­та­не елек­три­ци­тет и тој да свет­не

Ор­ман за стру­ја ре­чи­си се­дум го­ди­ни стои от­во­рен пред згра­да на ули­ца Дра­га Сто­ја­нов­ска во Оп­шти­на Ки­се­ла Во­да. Жи­те­ли­те од згра­да­та ве­лат де­ка елек­трич­ни­от ор­ман бил пос­та­вен пред згра­да­та во 2002 го­ди­на ко­га таа се гра­де­ла и од­то­гаш ни­кој не се по­ја­вил да го отс­тра­ни. Ве­лат де­ка проб­ле­мот со ор­ма­нот во пос­лед­но вре­ме ста­нал по­се­ри­о­зен оти тој им ста­нал ин­те­рес­но сре­ство за за­ба­ва на нај­ма­ли­те. Се­кој ден де­ца­та се со­би­ра­ле пред не­го и се нат­пре­ва­ру­ва­ле кој прв ќе фр­ли лис­на во елек­трич­ни­те склоп­ки и оси­гу­ра­чи за да нас­та­не елек­три­ци­тет и тој да свет­не. Оваа опас­на за­ба­ва, ве­лат ро­ди­те­ли­те, им е овоз­мо­же­на оти ор­ма­нот стои от­во­рен и не ог­ра­ден со ниш­то.
"Ор­ма­нот е вис­тин­ска опас­ност на ули­ца­та. Тој стои от­во­рен на дожд, на сон­це, на снег и мно­гу па­ти до­се­га се слу­чи­ло да екс­пло­ди­ра. Ос­вен што сам по се­бе прет­ста­ву­ва опас­ност, во пос­лед­но вре­ме по­ве­ќе сме заг­ри­же­ни оти де­ца­та од ули­ца­та поч­наа да се иг­ра­ат со не­го. Би­деј­ќи тој стои от­во­рен тие фр­ла­ат лис­ни во оси­гу­ра­чи­те за да се за­па­ли и свет­не и тие по­тоа се ра­ду­ва­ат, нез­на­еј­ќи де­ка мо­же да нас­тра­да­ат. Крај­но вре­ме е од ЕВН да дој­дат да го зат­во­рат или пак да го отс­тра­нат зош­то тој не ни ко­рис­ти за ниш­то", се жа­лат ро­ди­те­ли­те од згра­да­та пред ко­ја е ло­ци­ран ор­ма­нот за стру­ја.
Од ЕВЕ вче­ра ве­ти­ја де­ка ќе из­ле­зат на те­рен да ја про­ве­рат сос­тој­ба­та на елек­трич­ни­от ор­ман, но по­доц­на не беа дос­тап­ни да да­дат из­ја­ва ка­ко ќе го ре­шат проб­ле­мот. (М.Ѓ.)

Децата се оставени на ветрометина. Не знаат кому да веруваат, каде да се обратат. Се почесто читаме дека оние кои треба да им помогнат кога се невоља, да ги заштитат од невољи се токму предизвикувачи на детските невољи.

Но сите си ја префрлаат топката од еден до друг.

Сите ние возрасните знаеме дека во училиште сме добиле по некоја послаба оценка заради која сме се плашеле да кажеме дома но некако поминувало тоа со малку укори, некаде со забрана за излегување, па дури и со некоја ’’воспина’’ и нормално загревање на столчето и поправање на оцената.
Што се случува со денешниве деца?
---------------------------------------------------------------------------------------
Петтоодделенка сакала да скокне од прозорец оти добила четворка
Проштално писмо со ваква содржина оставило девојче од петто одделение, кое пред два дена се обидело да скокне од прозорец, од вториот кат на училишната зграда, откако видело дека на тестот по англиски јазик добило четворка. Ова се случило во познато скопско основно училиште, додека траел часот по англиски јазик. Девојчето, кое е одлична ученичка, откако го добило својот тест, почнало да го пишува писмото во тетратката и побарало да појде во клозет. Излегло од училницата, а други нејзини другарчиња го виделе како го отвора прозорецот во училишниот ходник и како се прекачува. Ги викнале наставниците, педагогот и психологот, кои спречиле трагедија.

Родители чии деца учат во истото училиште револтирано коментираат дека вакви деца произведоа сите притисоци на кои тие се изложени поради сите испрашувања и сите тестови што ги полагаат за да се подготват за „големото“ екстерно тестирање што треба да се одржи во јуни.

Зарем вака наставниците и институциите ги планираа подготовките за едно обично тестирање, кое не е ништо друго туку еден обичен тест како и секој друг што досега се правел во училиштата? Кој им става во главите на децата дека само петката е оценка, а секоја друга е катастрофална? И на крајот на краиштата, кој е индиректниот креатор на црни мисли и црни намери во главите на единаесетгодишни деца?

Ова е апел за внимание

Со влегување во пубертет почнуваат игрите на смрт, тоа е автодеструкција што си ја носиме од раѓањето, сметаат психолозите и психијатрите.

- Ваквото однесување можно е да се должи на преголемите очекувања што ги имаат родителите, кои создаваат чувство на притисок и страв кај децата, кои си мислат дека нема да се доволно способни да ги исполнат тие очекувања. Овој обид за самоубиство на девојчето, оваа промоција на истакнување е апел за внимание и помош - смета Мирослав Пендароски, психолог и едукатор во здружението „Големи и мали“.

Според него, очекувањата од наставниците се друга приказна, иако е поважно влијанието на родителите. Како што објаснува тој, и во минатото се случувало децата да имаат чувства на анксиозност и страв дали ќе се биде добар.

- Денес живееме во ера на постмодернизам и е многу постресно да се живее, а не дај боже да не се биде успешен. Шансите се помали, а притисокот сè поголем. Но ваквото однесување би можело да е резултат и на личната структура, темперамент, карактер на детето - додава Пендароски.

Сите психолози се согласни дека обидот за самоубиство кај толку мало дете е резултат на целиот стрес и од семејството и од наставниците. Благица Л’скова од советувалиштето „Гешталт солушнс“ вели дека детето реагира на начин што смета дека е најлесен начин за да се решат работите.

Тестовите ги исцрпеа децата

Од 1 септември досега сигурно имаме направено повеќе од 100 теста и исто толку пати секој од нас бил испрашан, вели Ангела Медаровска, ученичка во втора година во гимназијата „Никола Карев“.

- Навистина е стрес кога сенешто мора да се полага, постојано да се испрашува, а како резултат, добиваме пониски оценки. Тоа уште повеќе иритира и нервира. Исплашени сме и ние и професорите, се однесуваме како да ни зависат животите од тоа екстерно тестирање. Сите сме исцрпени. Барем да имавме добри резултати наместо тројките и четворките - вели Медаровска.

Учениците треба да сфатат дека нема тие да бидат загрозени со екстерното тестирање, туку ќе се проверува работата на наставниците, вели Весна Хорватовиќ, директорка на Бирото за развој.

- За тоа дали по ваквиот немил настан ќе се укине ова тестирање или не треба да одлучи Министерството за образование и наука (МОН). Најважно е родителите да сфатат дека не е само петката оценка и да не ги заплашуваат децата. Не мислам дека многуте тестови се притисок врз нив, напротив, тестот се применува одамна и со цел да се следи постигањето на ученикот - смета Хорватовиќ.

Виновни се родителите

За нагонот за самоубиство кај детето училиштето е најмалку виновно, вели Убавка Бутлеска, училиштен педагог.

- Порано децата ги казнувале со најсурови казни, па никој не се обидел да се самоубие. Притисокот не е во оценката, тестот и, воопшто, во барањата од децата. Менталниот склоп на детето и како е тоа третирано во семејството е главната причина за неговото однесување. Во главата си создава шема на размислување и ако дома му рекле дека мора да добие 5-ка, за него сите други оценки се удар - смета Бутлеска.


Изменето од mamamd - 27.Март.2009 во 13:54