Најдобар тенисер на светот?

Србинот Новак Ѓоковиќ го имаше настапот на својата кариера, победувајќи го во финалето светскиот број еден и бранител на титулата на Мастерсот во Монтреал, Роже Федерер, со 7:6, 2:6, 7:6. Откако ги елиминираше Енди Родик и Рафаел Надал на патот до финалето, третиот носител го зеде на најголемиот скалп во тенисот за да ја освои својата четврта титула во 2007 година.
- Ова е најдобриот турнир во мојата кариера. Победив (на Мастерсот) во Мајами, но овде го победив бројот три (Родик) во четврт-финалето, бројот два (Надал) во полуфиналето и во финалето, го победив бројот еден. Не можам да побарам повеќе - кажа српскиот тенисер.
Федерер беше голем фаворти да ја освои третата круна на Мастерсот во Канада во исто толку настапи, но место тоа, го доживеа првиот пораз во петтиот дуел со Ѓоковиќ, откако направи 48 неизнудени грешки.
Србинот се врати на третото место на АТП-листата и ја освои својата втора Мастерс титула.