Седативи

Некогаш сте премногу загрижени и изнервирани за да заспиете, а можеби и времето е премногу топло за спиење, или... Често ви е тешко да заспиете, а морате – имате премногу обврски за да си дозволите неспиење.

Така посегнувате по пилули за спиење, се почесто и почесто. Не е тешко да се набават – ги има многу за кои не е неопходен рецепт. Убаво заспивате и се одморате. Супер!

Ако е тоа и ваш начин на размислување и постапување, внимание! Навистина пилулите за спиење делуваат и навистина помагаат да заспиете. Не е никаков проблем ако една или две ноќи земете пилула за спиење, ништо лошо не може да ви се случи. Меѓутоа, секако би требало да избегнувате да посегнете по пилули четири ноќи една по друга, затоа што тоа е доволно време да се развие зависност. Токму така: четири ноќи со ред се сосема доволни. Што тогаш?

Тогаш веќе нема да можете да заспиете без "волшебните пилули". Главни состојки во пилулите за спиење, слично како и кај аналгетиците кои ги ублажуваат предменструалните болки, се антихистамини: по прекинувањето на земање лекови кои содржат антихистамини, може да дојде до напад на несоница. Тогаш единствено решение ќе биде повторно да посегнете по пилула, или да се борите со несоница додека организмот повторно не се навикне да заспие без вештачка хемиска помош.

Затоа, колку и да ви е неопходно да се наспиете, избегнувајте да се навикнувате на пилули. Постојат и други методи за опуштање и заспивање, поточно методи кои не предизвикуваат зависност. Помага топла купка пред спиење, или прошетка, или физичка активност во текот на денот (ако работата ви е "седечка", ако не сте се движеле доволно во текот на денот, мозокот може да е изморен, но телото нема да е поспано), помага смирувачка музика, вежби за дишење, медитација, чаша топло млеко...

Постојат многу начини да станете "спанковци" – пилулата можеби е инстант решение, но поздраво е да се употреби нешто што можеби не помага во истиот миг, но сепак помага и не не загозува на некој начин.